အာဖဂန်နစ္စတန် ရွေးကောက်ပွဲမှာ မဲမသာမာမှုတွေ ရှိနေတယ်ဆိုတဲ့ ပြောဆိုသံတွေ ကျယ်ကျယ်လောင် လောင် ထွက်ပေါ်လာတဲ့အတွက် သမ္မတလောင်း တစ်ဦးက မဲရေတွက်မှုတွေကို ရပ်တန့်ဖို့ တောင်းဆိုလိုက် ပါတယ်။
သူ့ရဲ့  ကိုယ်ပိုင်စောင့်ကြည့်လေ့လာရေးအဖွဲ့တွေရဲ့ ပြောကြားချက်အပေါ်အခြေခံပြီး ရွေးကောက်ပွဲ ကော်မရှင် အပေါ် ယုံကြည်မှု မရှိကြောင်း သမ္မတလောင်း တစ်ဦးဖြစ်တဲ့ နိုင်ငံခြားရေး ၀န်ကြီးဟောင်း Abdullah Abdullah က ပြောဆို လိုက်ပါတယ်။
သူဟာ ကမ္ဘာ့ဘဏ် စီးပွားရေး ပညာရှင်ဟောင်း Ashraf Ghani နဲ့ အာဖဂန် သမ္မတ နေရာအတွက် ယှဉ်ပြိုင်နေကြတာ ဖြစ်ပြီး ပြီးခဲ့တဲ့ စနေနေ့တုန်းက အာဖဂန်ပြည်သူ သန်းနဲ့ချီက မဲပေးခဲ့ကြပါတယ်။
ဒီလို ရှုပ်ထွေးနေတဲ့ အခြေအနေမှာ ကုလသမဂ္ဂ ရဲ့ ကြားဝင်ဖြေရှင်းမှုလိုအပ်တယ်လို့ မစ္စတာ Abdullah က တောင်းဆိုနေပေမယ့် ၂ ဖက် ညှိနှိုင်းမှုတွေကနေ အဖြေရှာကြဖို့ ကုလသမဂ္ဂပြောခွင့်ရသူက ဆိုပါတယ်။
ဒီရွေးကောက်ပွဲကနေ သမ္မတ ဖြစ်လာမယ့်သူဟာ နိုင်ငံခြားတပ်တွေ အာဖဂန်မြေပေါ်က ဆုတ်ခွာအပြီးမှာ နိုင်ငံတည်ငြိမ်ရေးအတွက် ကြိုးပမ်းရမှာဖြစ်လို့ ဒီရွေးကောက်ပွဲဟာ ပြည်တွင်းပြည်ပက အာဖဂန်ပြည်သူ တွေအတွက် အင်မတန်အရေးပါတဲ့ ရွေးကောက်ပွဲ ဖြစ်ပါတယ်။
ABC
No comments:
Post a Comment