Thursday, September 12, 2013

ပြည်ထောင်စု အကျိုးရှိမည် ဆိုပါက အားလုံးပူးပေါင်း ဆောင်ရွက်ရ မည်ဖြစ်ပြီး လူမျိုးစွဲ၊ ပါတီစွဲ၊ ဘာသာစွဲမထားဘဲ ပူးပေါင်းဆောင်ရွက်ရန် လိုအပ်ဟု သူရဦးရွှေမန်းပြောကြား

Thursday, September 12, 2013
ပြည်ထောင်စုအတွက် အကျိုးရှိမည် ဆိုပါက အားလုံးပူးပေါင်း ဆောင်ရွက် ရမည်ဖြစ်ပြီး လူမျိုးစွဲ၊ ပါတီစွဲ၊ ဘာသာစွဲမထားဘဲ ပူးပေါင်းဆောင်ရွက်ရန် လိုအပ်ကြောင်း သူရဦးရွှေမန်းက မြိတ်မြို့ရှိ ဌာနဆိုင်ရာများ၊ ပါတီများ၊ ပြည်သူလူထုများနှင့် တွေ့ဆုံရာတွင် ပြောကြားခဲ့သည်။ ပြည်ထောင်စု လွတ်တော် နာယက၊ ပြည်သူ့လွတ်တော်ဥက္ကဋ္ဌ သူရဦးရွှေ မန်းသည် တနင်္သာရီတိုင်းဒေသကြီး ခရီးစဉ်အဖြစ် စက်တင်ဘာ ၁၁ ရက်တွင် မြိတ်မြို့သို့ ရောက်ရှိစဉ် ဒေသခံ ပြည်သူလူထုများနှင့် ပုလဲရတနာ ခန်းမတွင် တွေ့ဆုံရာတွင် ပြောကြားခဲ့ခြင်း ဖြစ်သည်။ သူရဦးရွှေမန်းသည် တနင်္သာရီတိုင်းဒေသကြီး ခရီးစဉ်အဖြစ် ထားဝယ်-ကော့သောင်း-မြိတ်မြို့များသို့ သွားရောက်ကာ ပြည်သူ လူထုနှင့် တွေ့ ဆုံပြီး ပြည်သူ့အသံများကို လွှတ်တော်နားနေချိန်အတွင်း လာရောက်နားထောင်ခြင်းဖြစ်ကြောင်း ပြော ကြား သည်။"ပါတီစုံဒီမိုကရေစီနဲ့ဈေးကွက်စီးပွားရေးစနစ်လုပ်လာတာလပေါင်း ၃၀ ကျော်လာပါပြီ။ ပြည်ထောင်စု အတွက် အကျိုးရှိမယ်ဆိုရင် အားလုံး ပူးပေါင်း ဆောင်ရွက်ရပါမယ်။ လူမျိုးစွဲ၊ ပါတီစွဲ၊ ဘာသာစွဲမထားဘဲ ပူးပေါင်းဆောင်ရွက်ဖို့ လိုပါတယ်။ ဘယ်ပါတီပဲဖြစ်ဖြစ် နိုင်ငံနဲ့ နိုင်ငံသား အကျိုးစီးပွားကို ပျက်ပြားစေမယ့် အပြောအဆိုများ၊တိုင်းရင်းသားစည်းလုံးညီညွတ်ရေးကိုပျက်ပြားစေမယ့်အပြောအဆိုများ၊အမျိုးသားပြန်လည် သင့်မြတ်ရေးကို ပျက်စီးစေမယ့် အပြောအဆိုများ မပြောမိဖို့၊ မလုပ်မိဖို့ လိုမယ်။ မပြောသင့်တာကိုပြောရင် အမှားပဲ။ ပြောသင့် ပြောထိုက်တာ ကိုပြောမှ အမှန်ဖြစ်တယ်။
ကျွန်တော်တို့နိုင်ငံ ဘယ်လောက်အထိ နိမ့်ကျနေတာလဲ၊ နောက်ကျနေတာလဲဆိုတာ တခြားနိုင်ငံ ထွက်ပြီး ကြည့်။ ပိုပြီးမြင်လာမယ်။ ကမ္ဘာကိုပတ်ကြည့်။ ပိုပြီးမြင်မယ်။ ကျွန်တော်တို့ ဘာဖြစ်လို့ နောက်ကျနေတာလဲ ဆိုရင် တိုင်းရင်းသားစည်းလုံးညီညွတ်ရေး၊ အမျိုးသားပြန်လည်သင့်မြတ်ရေး၊ တရားဥပဒေစိုးမိုးရေးစတဲ့ အချက်တွေ လိုအပ်နေတာကြောင့် ဖြစ်တယ်" ဟု သူရဦးရွှေမန်းက ဆိုသည်။
မြန်မာနိုင်ငံ အနေဖြင့် အာဏာကို ပြည်သူများထံလွှဲပေးပြီးဖြစ်ကြောင်း၊ ယခင်ကလွှတ်တော်ကို မယုံကြည် သူများ၊ ကြားဖြတ်ရွေးကောက်ပွဲအပြီး လွှတ်တော်ထဲကို ရောက်လာကြောင်း၊ ယခုဆိုရင် လွှတ်တော်အ တွင်း ပါတီများ ပူးပေါင်းဆောင်ရွက်နေပြီဖြစ်ကြောင်း အပြောင်းအလဲကို ယခင်က သံသယစိတ်များနှင့် ကြည့်ကာ အမြင်အမျိုးမျိုး ရှိခဲ့ပေမယ့် လွှတ်တော်ကိုပိုပြီး ယုံကြည်မှု ရှိလာပြီဖြစ်ကြောင်း ၎င်းကပြောကြား သည်။"နိုင်ငံတကာ စောင့်ကြည့်လေ့လာတဲ့ အဖွဲ့အစည်းတွေလည်း လွှတ်တော်ကို ပိုပြီးစိတ်ဝင်စားလာ ကြပါတယ်။ အုပ်ချုပ်မှု အာဏာကို လွှတ်တော်က ပြ ဋ္ဌာန်း ရပါမယ်။ ပါတီတွေ အစွဲမထားဘဲ ပြည်ထောင် စုအတွက် ၀ိုင်းဝန်းဆောင်ရွက် ရပါမယ်။ လွှတ်တော်နားတဲ့ အချိန်မှာ ပြည်သူများရဲ့ လိုအပ်ချက်၊ ဆန္ဒ သဘော ထားတွေကို ပွင့်ပွင့်လင်းလင်း ပြောဆိုနိုင် ဖို့၊ ပြည်သူ့အသံကို နားထောင်ဖို့ လာရောက် ခဲ့ခြင်း ဖြစ်ပါ တယ်" ဟု သူရဦးရွှေမန်းက ထည့်သွင်းပြောကြားသွားသည်။

Eleven Media Group

No comments:

Post a Comment

My Blog List