အရိုးခွဲစိတ် အထူးကုဆရာဝန်ကြီး ပါမောက္ခ ဦးနေဝင်းနှင့် တွေ့ဆုံဆွေးနွေးခြင်း
ခါးကုန်းတာကို ဘယ်လို ကုသသင့်ပါသလဲ ဆရာ။
ကုသမှုအနေနဲ့ကတော့ ဖြစ်ရတဲ့ အကြောင်းရင်းပေါ် မူတည်ပြီး လိုအပ်သလို ကုသသွားရမှာ ဖြစ်ပါတယ်။ အနေအထိုင် ပုံမမှန်လို့ဖြစ်တဲ့ ခါးကုန်းတာမျိုး ကျတော့ အနေအထိုင် ပုံမှန်နေတတ်အောင် သင်ပေးရမယ်။ ကျောလေ့ ကျင့်ခန်းနဲ့ ဗိုက်လေ့ကျင့်ခန်းတွေ သင်ပေးရတယ်။ အိပ်ရင်လည်း ခပ်တင်းတင်း အိပ်ရာနဲ့ အိပ်ခိုင်းရတယ်။ ဒီလိုနည်းတွေ လိုက်နာပြီး အနေအထိုင် ပုံမှန်နေလိုက်ရင် ကောင်းသွားတာ များပါတယ်။ တချို့ Sheuermann's Disease ဆိုရင်လည်း ဘယ်လောက်ဆိုးသလဲ ဆိုတဲ့ အဆင့်ပေါ် မူတည်ပြီး ကျောနဲ့ခါးတွေ တည့်အောင်လုပ်နိုင်တဲ့ အကာတွေ (Braces) တပ်ပေးလို့ရပါတယ်။ ပြီးတော့ Physiotherapy ဆိုတဲ့ ကာယလေ့ကျင့်ခန်းတွေ သင်ပေးရပါတယ်။ Sheu-ermann's Disease ရဲ့ ရောဂါအခြေအနေ သိပ်မဆိုးရင်တော့ ဒီကုသမှုတွေနဲ့ပဲ သက်သာနိုင်ပါတယ်။ ဒီရောဂါမှာ ခွဲစိတ်ကုသရတာမျိုးကော ရှိပါသလား ဆရာ။
ခါးကိုင်းတဲ့သူက အသက် နည်းနည်း ကြီးလာပြီ၊ ဆိုးလည်း ဆိုးတယ်ဆိုရင် ခွဲစိတ်မှုတွေ လုပ်ပေးလို့ ရပါတယ်။ ခွဲစိတ်ကုသမှုက အတော်ဆိုးတဲ့ အခြေအနေကိုပဲ လုပ်တာပါ။ အာရုံကြော ထိခိုက်နိုင်တယ်၊ ထည့်ထားတဲ့ ပစ္စည်းတွေ ပြုတ်ထွက်လို့ နောက်တစ်ခါ ပြန်ပြင်ဖို့ လိုတယ် အစရှိတဲ့ ကိစ္စတွေမှာ လုပ်သင့်ရင် လုပ်ရပါမယ်။ ခွဲစိတ်ကုသတယ်ဆိုတာ တစ်ခါတလေ သွေးထွက်များတာ၊ ပိုးဝင်တာ၊ အာရုံကြော ထိခိုက်တာ စတဲ့ အခြေအနေတွေ ဖြစ်တတ်လို့ လိုအပ်မှပဲ လုပ်သင့်ပါတယ်။
ခါးကုန်းတာ မဖြစ်အောင် ဘယ်လို ကာကွယ်နိုင်ပါသလဲ ဆရာ။
ဆရာတို့ဆီမှာ အမြဲလိုလို အတွေ့ရများတဲ့ အရိုးပါးရောဂါကြောင့် ခါးကုန်းတယ် ဆိုရင်တော့ ကာကွယ်မှုက အဓိကပါပဲ။ အရိုးပါးရောဂါကို ကာကွယ်တဲ့အနေနဲ့ ကယ်လ်စီယမ်နဲ့ ဗီတာမင်ဒီတွေ မှီဝဲရမယ်။ တခြား ကာကွယ်တဲ့ Sodium Alandronate ဆိုတဲ့ ဆေးတွေ မှီဝဲသင့်တယ်။ ပြီးတော့ အနေအထိုင် ဆင်ခြင်ရမယ်။ ကုန်းကုန်းကွကွနဲ့ အလုပ် မလုပ်သင့်ပါဘူး။ နောက်တစ်ခုက အလေးအပင် မ,မသင့်ဘူး။ လမ်းသိပ်ဆိုးတဲ့အခါ မော်တော်ကား ဆောင့်ရင်လည်း ကျိုးနိုင်တယ်။ ဆိုက်ကားစီးရင်း ဆိုက်ကား ချိုင့်ထဲကျလို့ အရိုးကျိုးသွားတဲ့ အဘွားကြီးတစ်ယောက် လာပြဖူးပါတယ်။ တီဘီရောဂါရှိရင်လည်း အရိုးကို မစားခင် စောစောစီးစီး ရောဂါ တွေ့ရှိ ကုသလို့ရအောင် စစ်ဆေးပါ၊ ကုသပါလို့ ပြောချင်ပါတယ်။ တခြားရောဂါမှာလည်း သင့်တော်တဲ့ ကုသမှုတွေကို ခံယူရပါမယ်။ ဥပမာ မွေးရာပါ အရိုးပုံမှန် မဖြစ်တဲ့ အခြေအနေဆိုရင်လည်း စောစောစီးစီး ကုသသင့်ပါတယ်။ နောက်ကျသွားရင် ခက်ခဲသွားနိုင်လို့ပါ။
အရိုးပါးတာကြောင့် ခါးကုန်းပြီးသူတွေမှာ ခါးပြန်မတ်အောင် ဘယ်လို လုပ်ဆောင်နိုင်ပါသလဲ ဆရာ။
အရိုးပါးရောဂါကြောင့် အရိုးတွေက ပြားသွားတဲ့ အခြေအနေမှာ ကျိုးသွားတဲ့အရိုးကို ပြန်မတ်သွားအောင် ပစ္စည်းထည့်၊ ပြီးတော့ Bone Cement ထည့်ပြီး ဆန့်လိုက်လို့ရပါတယ်။ ဒီနည်းလမ်းတွေကို ဆရာတို့
ဆီမှာ မလုပ်နိုင်သေးပါဘူး။ ဈေးကြီးလို့ပါ။ ပစ္စည်းတွေက ရှားပါတယ်။ ဒီနည်းလမ်းကို လုပ်တာကြောင့် ခါးက ဆန့်သွားပြီး ကြည့်ရတာ ပိုကောင်းလာတယ်။ ခါးနာတာ၊ ကျောနာတာလည်း သက်သာသွားမယ်။ နေလို့ထိုင်လို့ ကောင်းလာပါတယ်။
ခါးကုန်းတဲ့အခါ နောက်ဆက်တွဲ ပြဿနာတွေ မဖြစ်အောင် ဘယ်လို ကာကွယ်နိုင်ပါသလဲ ဆရာ။
ခါးကုန်းတဲ့သူတွေ အနေနဲ့ နောက်ဆက်တွဲ ပြဿနာတွေ ဖြစ်တဲ့ ကြည့်လို့မကောင်းတာ၊ နှလုံးနဲ့ အဆုတ်ရဲ့ လုပ်ငန်းဆောင်တာတွေ ထိခိုက်တာ စတာတွေက ခါးကို ပြန်ဆန့်အောင် လုပ်မှ သက်သာမှာပါ။ တကယ်လို့ မလုပ်နိုင်ရင် အရိုးပါးရောဂါကြောင့် ခါးနဲ့ ကျောရိုးကျိုးပြီး ခါးကိုင်းတဲ့အခါ ကျောက အရိုးတွေ ဆက်မကျိုးအောင် ကယ်လ်စီယမ်၊ ဗီတာမင်ဒီနဲ့ တခြား သင့်တော်တဲ့ ဆေးတွေ ပေးရပါမယ်။ ပြီးတော့ လဲမကျအောင်၊ မကျိုးအောင် ဂရုစိုက်ဖို့ မှာရပါတယ်။ ကုန်းကုန်းကွကွ မနေနဲ့၊ ခါးကိုဆန့်ပြီးနေပါ၊ ပစ္စည်းတစ်ခုခု ကုန်းကောက်ရမယ်ဆိုရင် သူများကို လုပ်ခိုင်းပါ၊ ကိုယ်တိုင် မလုပ်သင့်ပါဘူး။ အသက်အရွယ်နဲ့ သင့်တင့်မျှတတဲ့ ကိုယ်လက် လှုပ်ရှားမှုတွေကလည်း အကျိုးရှိပါတယ်။
ခါးကုန်းတာနဲ့ ပတ်သက်ပြီး အများပြည်သူကို ပညာပေးလိုတာရှိရင် ပြောပြပေးပါ ဆရာ။
ဆရာတို့အနေနဲ့ အတွေ့များတာက အသက်ကြီးတဲ့ အဘွားကြီးတွေမှာ ပိုအဖြစ်များပါတယ်။ ငယ်ငယ်တုန်းက တွေ့ဖူးခဲ့တဲ့ အရပ်အမောင်း ထောင်ထောင်မောင်းမောင်း အမျိုးသမီးကြီးတွေဟာ ကြည့်ကောင်းခဲ့ပေမယ့် အခုအချိန်မှာ ခါးက ကုန်းလာတော့ အရပ်ပါ ပုသွားပါတယ်။ အရပ်က ငါးလက်မလောက် ပုသွားတဲ့အတွက် တစ်ချိန်က ထောင်ထောင်မောင်းမောင်း လူတွေက ခါးကုန်းသွားတော့ ပုသွားတယ်။ အသက်အန္တရာယ် မပေးဘူးဆိုပေမယ့် ကြည့်လို့ မကောင်းတော့ဘူး။ နောက်တစ်ခုက ကျန်းမာရေး ထိခိုက်သွားပါတယ်။ ဒါကြောင့် အရိုးပါးရောဂါနဲ့ ပတ်သက်ရင် တတ်နိုင်သမျှ ကာကွယ်မှုတွေ လုပ်သင့်ပါတယ်။ဆရာတို့နိုင်ငံမှ
နွားနို့တစ်ဖန်ခွက် သောက်ရင် ကယ်လ်စီယမ် ၃၀၀ မီလီဂရမ်လောက် ရပါတယ်။ နွားနို့နှစ်ခွက်လောက် သောက်လိုက်ရင် ၆၀၀ လောက် ရနေပါပြီ။ ဆရာတို့ လူမျိုးတွေရဲ့ တစ်နေ့စားသမျှ အစားအသောက်ထဲက ရရှိတဲ့ ကယ်လ်စီယမ် ပမာဏက ပျမ်းမျှအားဖြင့် ၃၀၀ မီလီဂရမ် ဝန်းကျင်လောက်ပဲ ရှိပါတယ်။ စင်ကာပူနိုင်ငံသားတွေတောင် စားသမျှထဲက ရတဲ့ ကယ်လ်စီယမ် ပမာဏက ၄၀၀ လောက်ပဲ ရှိပါတယ်။ ဒါကြောင့် တစ်နေ့တာ လိုအပ်တာထက် နည်းလွန်းတဲ့အတွက် ကယ်လ်စီယမ်နဲ့ ဗီတာမင်ဒီ ဖြည့်စွက်ဆေးကို သောက်ကို သောက်သင့်ပါတယ်။ တချို့လူတွေကကယ်လ်စီယမ်သောက်ရင်
ဆိုပြီး ပြောကြတယ်။ ဒါလည်း မဟုတ်ပါဘူး။ ဆရာတို့တိုင်းပြည်မှာ ကယ်လ်စီယမ်များလို့ ကျောက်တည်မယ်ဆိုရင် ကျောက်တည်တဲ့သူ ရှိမှာတောင် မဟုတ်ပါဘူး။
ကျန်းမာရေးစာတိုများစုစည်းမှု
No comments:
Post a Comment