ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံ ဥပဒေကို ပြင်ဆင်သည့် ဥပဒေမူကြမ်း ပုဒ်မ ၄၃၆ (က) ပါ ပြင်ဆင်ချက်များနှင့် ပတ်သက်ပြီး ယနေ့တွင် ပြည်ထောင်စုလွှတ်တော် အစည်းအဝေး၌ မဲခွဲဆုံး ဖြတ်ရာတွင် ပုဒ်မ ၅၉ (ဃ) ပြင်ဆင်ချက် တစ်ခုသာ လိုအပ်သည့် ထောက်ခံမဲ ရရှိခဲ့ကြောင်း သတင်းရ ရှိသည်။ ထောက်ခံမဲ ရရှိမှုမှာ ၅၅၆ မဲဖြစ်သည်။
ပုဒ်မ ၅၉ (ဃ) မူလပြဋ္ဌာန်းချက်မှာ နိုင်ငံတော် အရေးအရာများဖြစ်သော နိုင်ငံရေး၊ အုပ်ချုပ်ရေး၊ စီးပွားရေး၊ စစ်ရေးစသည့် အမြင်များရှိရမည်ဖြစ်ပြီး ပြင်ဆင်ချက်မှာ နိုင်ငံတော် အရေးအရာများဖြစ်သော နိုင်ငံရေး၊ အုပ်ချုပ်ရေး၊ စီးပွားရေး၊ ကာကွယ်ရေး စသည့် အမြင်များ ရှိရမည်ဖြစ်သည်။
အခြား ပြင်ဆင်ချက်များဖြစ်သည့် ပုဒ်မ ၅၉ (စ)၊ ပုဒ်မ ၆၀ (ဂ)၊ ပုဒ်မ ၄၁၈ (ခ)၊ ပုဒ်မ ၄၃၆ (က)၊ ပုဒ်မ ၄၃၆ (ခ) တို့မှာ ပြင်ဆင်ရန် လိုအပ်သည့် ထောက်ခံမဲ အရေအတွက် မရရှိခဲ့ကြောင်း သိရသည်။ ပုဒ်မ ၅၉ (စ) က ထောက်ခံမဲ ၃၇၁ မဲ၊ ပုဒ်မ ၆၀ (ဂ) က ထောက်ခံမဲ ၃၈၆ မဲ၊ ပုဒ်မ ၄၁၈ (ခ) က ထောက်ခံမဲ ၃၈၆ မဲ၊ ပုဒ်မ ၄၃၆ (က) က ထောက်ခံမဲ ၃၈၈ မဲနှင့် ပုဒ်မ ၄၃၆ (ခ) က ထောက်ခံမဲ ၃၈၈ မဲတို့သာ ရရှိခဲ့ ကြောင်း သိရသည်။
ပြည်ထောင်စုလွှတ်တော်တွင် မဲပေးခွင့်ရှိသူ ၆၃၃ ဦး ရှိသည့်အနက် ယနေ့ လွှတ်တော် တက်ရောက်သူ အရေအတွက်မှာ ၅၈၃ ဦး ဖြစ်ကြောင်းနှင့် ၇၅ ရာခိုင်နှုန်းကျော် ရရှိရန်အတွက် ထောက်ခံမဲ ၄၇၅ မဲ လိုအပ်ကြောင်း သိရှိရသည်။
Eleven Media Group
No comments:
Post a Comment