ဖွဲ့စည်းပုံအခြေခံဥပဒေ ပြင်ဆင်ရာတွင် အမျိုးသားဒီမိုကရေစီအဖွဲ့ချူပ်အနေဖြင့် ပုဒ်မ ၅၉(စ) ပယ်ဖျက်ရန် ဆွေးနွေးမှု ကို ပြောင်းလဲရပ်တည်သွားမှာမဟုက်ကြောင်း ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က ယနေ့ ပြည်ထောင် စု လွှတ်တော်တွင် ဆွေးနွေးသည်။
“ဒီပုဒ်မရဲ့အဓိကအချက်ဟာ လူတစ်ဦးတစ်ယောက်ကို သီးသန့်ပစ်မှတ်ထားပြီး ကန့်သတ်တဲ့အချက်ဖြစ်တယ်လို့ ထင်မြင် ယူဆ ပါတယ်။ သားသမီးတစ်ယောက်က မိဘများအပေါ် ဘယ်လောက်ထိ သြဇာလွမ်းမိုးနိုင်မှုရှိပါသလဲ။ တိုင်းပြည်ကို ရောင်းစားမှာ စိုးရိမ်တာလား။ ဒီလိုစိုးရိမ်ကြကြေးဆိုရင် မြန်မာနိုင်ငံမှာ ကိုယ့်နိုင်ငံကို ရောင်းစားတဲ့သူတွေ အများကြီးပါ။ နိုင်ငံပိုင် သံယံဇာတတွေကို လက်ညိုးထိုး ရောင်းစားသူတွေလည်း အများကြီးရှိပါတယ်။” ဟု ဒေါ်ခင်စန်းလှိုင်က ဆွေး နွေးသည်။
၂၀၀၈ ဖွဲ့စည်းပုံအခြေခံဥပဒေပုဒ်မ ၅၉ (ခ) မှာ မိမိနှင့် မိမိ၏မိဘနှစ်ပါးလုံး "နိုင်ငံတော်အာဏာပိုင်နက်အတွင်း၌ မွေးဖွားသော တိုင်းရင်းသားမှဖြစ်သည့် မြန်မာနိုင်ငံသားဖြစ်ရမည်" ဟု ပါရှိသဖြင့် လွှတ်တော်ကိုယ်စားလှယ်အဖြစ် ရွေး
ချယ်ပိုင်ခွင့် အရည်အချင်းနှင့် ပြည်စုံသူတစ်ယောက်အတွက် လုံလောက်ပြီဟု အမျိုးသားဒီမိုကရေစီအဖွဲ့ချူပ် ကိုယ်စား လှယ်များ က ဆွေးနွေးသည်။
ပုဒ်မ ၅၉ (စ) မူလပြဌာန်းချက်နှင့် ပြင်ဆင်ချက်ကို နှိုင်းယှဉ်လေ့လာကြည်လျှင်ပြင်ဆင်ထားမှုသည် “ ထိုတရားဝင် သား သမီးတစ်ဦးဦး၏ ဇနီး သို့မဟုက် ခင်ပွန်းသော်လည်းကောင်း” ဆိုသည့် စကားရပ်ကိုသာ ဖြုတ်ထားခြင်းဖြစ်သည်ဟု ဆိုသည်။
ပြည်ထောင်စုသမ္မတနိုင်ငံတော် ဖွဲ့စည်းပုံအခြေခံဥပဒေကို ပြင်ဆင်သည့် ဥပဒေမှုကြမ်း ပုဒ်မ ၄၃၆ ပုဒ်မခွဲ (က) အတွက် လွှတ်တော်ကိုယ်စားလှယ် ၁၅ ဦးက ပြည်ထောင်စုလွှတ်တော်အစည်းအဝေးတွင် ဆွေးနွေးခဲ့ခြင်းဖြစ်သည်။
အမျိုးသားဒီမိုကရေစီအဖွဲ့ချူပ်အနေဖြင့် ဖွဲ့စည်းပုံအခြေခံဥပဒေ ပြုပြင်ပြောင်းလဲရေးကို သဘောတူညီသော်လည်း ပြောင်းလဲ ပုံပြောင်းလဲနည်းနှင့်ပတ်သက်ပြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီနှင့် သဘောထားကွဲလွဲနေသည် ဟု အမျိုးသား ဒီမိုကရေစီအဖွဲ့ချူပ် ကိုယ်စားလှယ်များက ဆွေးနွေးသည်။
“မြန်မာနိုင်ငံရေးသမိုင်းမှာ ကျင့်သုံးခဲ့တဲ့ ဖွဲ့စည်းပုံအခြေခံဥပဒေများအရ နိုင်ငံတော်သမ္မတ၏ အရည်းအချင်း သတ်မှတ် ချက်များနှင့် စပ်လျဉ်းပြီး ၂၀၀၈ ခုနှစ်ဖွဲ့စည်းပုံအခြေခံဥပဒေပုဒ်မ ၅၉ (စ) လုံးတွင် ပါရှိသော ပြဌာန်းချက်မျိုးလုံးဝ မတွေ့ ရှိရပါ။” ဟု ပြည်သူ့ လွှတ်တော်ကိုယ်စားလှယ်ဦးဝင်းမြင့်က ဆွေးနွေးသည်။
ဖွဲ့စည်းပုံအခြေခံဥပဒေပြင်ဆင်ရေး ဥပဒေကြမ်း၏ ပုဒ်မ ၄၃၆-က ပြင်ဆင်ရေးနှင့်ပတ်သက်ပြီး လွှတ်တော်ကိုယ်စား လှယ် ၃၉ ဦးမှ သုံးရက်ကြာဆက်လက်ဆွေးနွေးသွားမည်ဟုသိရသည်။
Mizzima - News in Burmese
No comments:
Post a Comment