ဇွန်၂၂ ရက်က နေပြည်တော်တွင် စတင်ကျင်းပသည့် ကမ္ဘောဒီးယား၊ လာအို၊ မြန်မာနှင့် ဗီယက်နမ် (CLMV) ထိပ်သီး အစည်းအဝေးတွင် ဒေသတွင်း နိုင်ငံများအကြား စီးပွားရေး ပူးပေါင်းဆောင်ရွက်မှု မြှင့်တင်ရေးဆိုင်ရာ လုပ်ငန်းစဉ်များနှင့် ဖွံ့ဖြိုးမှု ကွာဟချက် ကျဉ်းမြောင်းစေရေး လုပ်ဆောင် ချက်များကို ဆွေးနွေးတိုင်ပင်ခဲ့ကြောင်း (၇)ကြိမ်မြောက် CLMV ထပ်သီး အစည်းအဝေး ပူးတွဲကြေညာချက်တွင် ဖော်ပြထားသည်။
အဆိုပါ ထိပ်သီးအစည်းအဝေးတွင် CLMV နိုင်ငံများအကြား ရှိရင်းစွဲ ချစ်ကြည်ရင်းနှီးသော ဆက်ဆံရေး၊ အိမ်နီးချင်းကောင်း ပီသမှုနှင့် အပြန်အလှန် အကျိုးစီးပွားတိုးမြှင့်စေရေးအတွက် ပူးပေါင်း ဆောင်ရွက်သွား ရန်နှင့် အရှေ့တောင်အာရှ ဒေသအတွင်း ငြိမ်းချမ်းမှု၊ တည်ငြိမ်မှုနှင့် သာယာဝပြောမှု ရှိစေရန်အတွက် ပူးပေါင်းဆောင်ရွက်မှု ပိုမိုခိုင်မာလာစေရန် ကတိပြုခဲ့ကြသည်။
ထို့အပြင် ၂၀၁၅ ခုနှစ်အကုန်တွင် အာဆီယံ အသိုက်အ၀န်း တည်ထောင်ရန် ကြိုးပမ်းလျက်ရှိသော ဖွံ့ဖြိုးမှုကွာဟချက် ကျဉ်းမြောင်းစေရန်အတွက် ၂၀၁၃ ခုနှစ် လာအိုနိုင်ငံတွင် ကျင်းပခဲ့သည့် CLMV ထိပ်သီး အစည်းအဝေးမှ ချမှတ်ခဲ့သည့် စီမံကိန်းများ၏ ဆောင်ရွက်နေမှု အခြေအနေများကို ပြန်လည် သုံးသပ် ခဲ့ကြသည့်အပြင် အနာဂတ် CLMV ပူးပေါင်းဆောင်ရွက် ရေး မျှော်မှန်းချက်များအပေါ် အမြင်ချင်း ဖလှယ်ခဲ့ကြသည်။
CLMV လုပ်ငန်းစီမံချက် အကောင်အထည်ဖော်ရာတွင် အဖွဲ့ဝင်နိုင်ငံများမှ ကဏ္ဍအလိုက် ကြုံတွေ့ရသည့် အခက်အခဲများ၊ အတားအဆီးများကို အသိအမှတ်ပြုခဲ့ပြီး ရှေ့လာမည့် စီမံကိန်းများအတွက် CLMV စီးပွား ရေး ၀န်ကြီးများ၏ အကြံပြုချက်များကို ထောက်ခံအတည်ပြုခဲ့သည်။
ကုန်သွယ်မှုနှင့် ရင်းနှီးမြှုပ်နှံမှုကဏ္ဍ ပူးပေါင်းဆောင်ရွက်ရေးအတွက် ဆွေးနွေးရာတွင် CLMV နိုင်ငံများအ တွင်းနှင့် နိုင်ငံရပ်ခြားရှိ ကုန်သွယ်ရေးနှင့် ရင်းနှီးမြှုပ်နှံမှုဆိုင်ရာ အဖွဲ့များအပါအ၀င် အဖွဲ့ဝင် နိုင်ငံအချင်း ချင်းကြား တည်ရှိပြီး သဘောတူညီချက်များအားလုံး အကောင်အထည်ဖော်ရေး ကတိပြုခဲ့ကြသည်။
ထို့ပြင် ကုန်သွယ်မှု၊ ရင်းနှီးမြှုပ်နှံမှု၊ ခရီးသွားလာရေးနှင့် သယ်ယူပို့ဆောင် ရေး လွယ်ကူချောမွေ့ စေရန် အတွက် Stop Inspection ၀န်ဆောင်မှု ကွန်ရက်တစ်ခု ပေါ်ထွန်းလာစေရေးအတွက် CLMV နိုင်ငံများ အကြား အပြည်ပြည်ဆိုင်ရာ နယ်စပ်ဂိတ်များတွင် တိုးချဲ့ဖော်ဆောင်သင့်ကြောင်း သဘောတူညီခဲ့ကြ သည်။
CLMV နိုင်ငံများအကြား နယ်စပ်ဖြတ်ကျော် ကုန်သွယ်ရေးသဘောတူညီချက်၊ အာဆီယံပြတင်း တစ်ပေါက် စနစ်၊ အာဆီယံ အကောက်ခွန်ဆိုင်ရာ တစ်ဆင့် ဖြတ်သန်းသွားလာမှုစနစ်နှင့် CLMV နိုင်ငံများမှ လက်မှတ် ရေးထိုး ထားသည့် သဘောတူညီချက်များကို အကောင်အထည် ဖော်ဆောင်ရန်လည်း သဘောတူညီခဲ့ကြ သည်။
စိုက်ပျိုးရေး၊ စက်မှု၊ စွမ်းအင်၊ ဆက်သွယ်ရေးကဏ္ဍ၊ သတင်းအချက်အလက် နှင့် နည်းပညာ ပူးပေါင်း ဆောင်ရွက် မှုတွင်လည်း အသေးစားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး၊ စိုက်ပျိုး ရေး ထွက်ကုန်များ ထုတ်လုပ်ရေး၊ သုတေသနနှင့် အပြီးသတ်ထုတ်လုပ်မှု လုပ်ငန်းစဉ်များ ဖွံ့ဖြိုးတိုးတက် ရေး၊ ဓာတ်သတ္တုရှာဖွေ တူးဖော်ရေး၊ ပြန်လည်ပြည့်ဖြိုးမြဲစွမ်းအင်၊ ရေအားလျှပ်စစ် ထုတ်လုပ်ရေး၊ သဘာဝ လောင်စာဆီနှင့် ဓာတ်ငွေ့ရှာဖွေရေး၊ ဆက်သွယ်ရေးဆိုင်ရာ အခြေခံ အဆောက်အအုံများ ဖွံ့ဖြိုးတိုး တက်ရေးနှင့် ၀န်ဆောင်မှု လုပ်ငန်းများ အပါအ၀င် အရေးပါသည့် နယ်ပယ် များတွင် ရင်းနှီးမြှုပ်နှံမှုများ တိုးတက်ရေးအတွက် အခြေအနေကောင်းများ အပြန်အလှန် ဖန်တီးရန် CLMV ထိပ်သီးအစည်းအဝေးတွင် သဘောတူညီ ခဲ့ကြသည်။
ထို့ပြင် ဖွံ့ဖြိုးရေးလုပ်ငန်းများ ဆောင်ရွက်ရာတွင် ပုဂ္ဂလိကကဏ္ဍ၏ အရေးပါမှုကို ထည့်သွင်းစဉ်းစားသော အားဖြင့် CLMV လုပ်ငန်းစဉ်များ အကောင်အထည်ဖော်ရာတွင် ပုဂ္ဂလိကကဏ္ဍမှ တက်ကြွစွာ ပါဝင်ဆောင် ရွက်မှုကို အားပေးရန် သဘောတူ ဆုံးဖြတ်ခဲ့ကြသည်။
ပူးပေါင်းဆောင်ရွက်မှု နယ်ပယ်အသီးသီးအား တာဝန်ယူလျက်ရှိသော လုပ်ငန်းအဖွဲ့များမှ ပုံမှန်အစည်း အဝေးများ ခေါ်ယူကာ မိမိတို့ တာဝန်ယူ ထားသည့် ကဏ္ဍများအောက်ရှိ စီမံကိန်းများ အကောင်အထည် ဖော်မှု ထိရောက်စေရန် စဉ်ဆက်မပြတ် ညှိနှိုင်းဆွေးနွေးရန်လည်း CLMV ထိပ်သီးအစည်းအဝေးက တိုက်တွန်းခဲ့ကြောင်း ပူးတွဲကြေညာချက်တွင် ဖော်ပြထားသည်။
ဇွန် ၂၂ ရက်က နေပြည်တော်တွင် ကျင်းပသည့် (၇)ကြိမ်မြောက် CLMV ထိပ်သီး အစည်းအဝေးနှင့်အတူ (၆) ကြိမ်မြောက် ဧရာဝတီ-ကျောက်ဖယား-မဲခေါင် စီးပွားရေးပူးပေါင်းဆောင်ရွက်မှု မဟာဗျူဟာ ထိပ်သီးအ စည်းအဝေး လည်း စတင်ကျင်းပခဲ့ပြီး CLMV ထိပ်သီးအစည်းအဝေးသို့ အဖွဲ့ဝင်နိုင်ငံ ခေါင်းဆောင် များ အပြင် အာဆီယံ အတွင်းရေးမှူးချုပ် လီလောင်မင်းလည်း တက်ရောက်ခဲ့ကြောင်း သိရသည်။
Eleven Media Group
No comments:
Post a Comment