ဖြစ်တောင့်ဖြစ်ခဲအခြေအနေတွင် အချက်ပြရှုပ်ထွေးမှုများ ဖြစ်ပွားစေနိုင်သောကြောင့် စမတ်ဖုန်းများကို နှလုံးခုန်စက် (pacemakers)နှင့် နှလုံးညှိစက် (defibrillators)ကဲ့သို့သော ကိုယ်တွင်းထည့် နှလုံးကိရိယာ များမှ ခက်ဝေးဝေးတွင် ထားသင့်သည်ဟု သုတေသနတစ်ရပ်က အကြံပြုထားသည်။
''လူတိုင်းနီးပါးက စမတ်ဖုန်းတွေကို အသုံးပြုနေကြတော့ သိပ်နီးကပ်လွန်းရင် နှလုံးကိရိယာကိုနှောင့်ယှက်မိ တာမျိုးဖြစ်နိုင်ပါတယ်'' ဟု သုတေသနခေါင်းဆောင် ဂျာမန်နှလုံးဌာနမှ လျှပ်စစ်ရူပဆိုင်ရာအကြီးအကဲ ခရစ်တော့ဖ် ကော့ဘ်က ဥရောပနှလုံးအသင်းကြီး (ESC)မှ သတင်းထုတ်ပြန်ချက်တစ်ရပ်တွင် ပြောကြား ခဲ့သည်။ ဤအကြံပြုချက်က ကိုယ်တွင်းထည့် နှလုံးကိရိယာများနှင့် လူများ အဖို့ ၄င်းတို့၏ ဖုန်းများကို လွှင့်ပစ်ရမည်ဟုတော့ မဆိုလိုပါ။
''နှလုံးစက်နဲ့လူတွေလည်း စမတ်ဖုန်းတွေကို အသုံးပြုနိုင်ပါတယ်။ ဒါပေမယ့် စမတ်ဖုန်းကို နှလုံးစက် အပေါ် တည့်တည့်တော့ မထားသင့်ပါဘူး''ဟု ကော့ဘ်က ပြောကြားခဲ့သည်။ ဆိုလိုသည်မှာ နှလုံးစက်အပေါ် အိတ်ကပ်ထဲတွင် ထည့်မထားရန် ပင်ဖြစ်သည်။ ဖုန်းကို နားထောင်မည်ဆိုလျှင်လည်း နှလုံးကိရိယာထည့် မထားသည့်ဖက်မှ နားထောင်သင့်သည်ဟု ဆိုသည်။
ဤသုတေသနအကြံပြုချက်ကို အမေရိကန်ပြည်ထောင်စုမှ ကျွမ်းကျင်သူတစ်ဦးကလည်း သဘောတူပါ သည်။ ''လူနာတွေအနေနဲ့ ထိတ်လန့်စရာတော့ မလိုပါဘူး။ နှလုံးကိရိယာတွေအပေါ် သက်ရောက်နိုင်မှု အလားအလာက သေးငယ်လွန်းပါတယ်''ဟု နယူးယောက်မြို့တော်မှ လျှပ်စစ်ရူပဗေဒပညာရှင် ဒေါက်တာ မာရီနိုအဲက ပြောကြားသည်။
ဥရောပ သုတေသီများအလိုရမူ နှလုံးခုန်စက်များက အနီးအနား စမတ်ဖုန်းများမှ ထုတ်လွှတ်သည့် လျှပ်စစ် သံလိုက်လှိုင်းများကို နှလုံးအချက်ပြအဖြစ် မှားယွင်းဘာသာပြန်ပြီး နှလုံးခုန်ခြင်းကို ရပ်တန့်ပစ်လိုက်တာမျိုး ဖြစ်နိုင်ကောင်းသည်ဟု ဆိုသည်။
ဤကဲ့သို့ အလုပ်ရပ်စဲမှုမှာ အခိုက်အတန့်မျှသာ ကြာမြင့်နိုင်သော်လည်း လူကို သတိလစ်သွားစေနိုင်သည် ဟု သုတေသီများ က ပြောကြားသည်။ တစ်ချိန်တည်းမှာပင် ကိုယ်တွင်းထည့်နှလုံးကိရိယာက စမတ်ဖုန်း များမှလာသည့် နှောင့်ယှက်လှိုင်းများကို အသက်အန္တရာယ်အဖြစ် မှားယွင်းဘာသာပြန်ပြီး ခုန်ချက်ကို ဖောက်ပြန်စေသောကြောင့် လူနာအနေဖြင့် နာကျင်မှုကို ခံစားရနိုင်သည်ဟုဆိုသည်။
ယခုလက်ရှိတွင်မူ အမေရိကန် အစားအစာနှင့် ဆေးဝါးကွပ်ကဲရေးအဖွဲ့ကြီးက ဆဲလ်ဖုန်းများကို ကိုယ်တွင်း ထည့် နှလုံးကိရိယာများမှ အနည်းဆုံး ၅လက်မမှ ၇လက်မအထိ ခွာထားရန် အကြံပြုထားသည်။
Mizzima - News in Burmese
No comments:
Post a Comment