ချင်းနှင့် ပအိုဝ်းအဖွဲ့တို့ကို UNFC အဖွဲ့ဝင်အဖြစ်မှ ယာယီရပ်ဆိုင်း

ညီညွတ်သော တုိုင်းရင်းသားလူမျိုးများ ဖက်ဒရယ်ကောင်စီ (UNFC) က ချင်းအမျိုးသားတပ်ဦး (CNF) နှင့် ပအုိုဝ်း အမျိုးသားလွှတ်မြောက်ရေးအဖွဲ့ချုပ် (PNLO) တို့ကို အဖွဲ့ဝင်အဖြစ်မှ ယာယီရပ်ဆုိုင်းလိုက်ကြောင်း သိရသည်။UNFC အဖွဲ့၏ နှစ်ပတ်လည် အစည်းအဝေး ဒုတိယနေ့တွင် တရားဝင် ဆုံးဖြတ်လုိုက်ခြင်းဖြစ်ပြီး လစ်လပ်နေသော ဗဟုိုအလုပ်အမှုဆောင်အဖွဲ့ဝင်နေရာများအတွက်လည်း ရွေးချယ်ခန့်အပ်ခဲ့သည်ဟု သိရသည်။

နုိုဝင်ဘာလ ၁၀၊ ၁၁၊၁၂ ရက်များတွင် ကျင်းခဲ့သော UNFC ၏ ဗဟုိုအလုပ်အမှုဆောင်ကော်မတီ တုိုးချဲ့ အရေးပေါ် အစည်းအဝေးတွင် ၄င်းအဖွဲ့ နှစ်ဖွဲ့အား ယာယီရပ်ဆုိုင်းရန် ဆွေးနွေးခဲ့ကြပြီး ဒီဇင်ဘာလ ၈ ရက် ကျင်းပသော နှစ်ပတ်လည် မျက်နှာစုံညီအစည်းအဝေး ဒုတိယနေ့တွင် တရားဝင်ဆုံးဖြတ်လုိုက်ခြင်းဖြစ်သည်။

“ချင်းနဲ့ ပအုိုဝ်းတွေကုို ကျနော်တို့က ယာယီရပ်ဆုိုင်းထားတဲ့ဟာကုို ဆက်ပြီးတော့ အတည်ပြုလုိုက်တယ်။ သူတို့ကုို ဆက်ပြီး ယာယီရပ်ဆုိုင်းထားတဲ့အနေအထားမှာ ရှိမှာပေါ့။ လစ်လပ်သွား တဲ့နေရာနှစ်ခုကို ဒီမနက်ဘဲ ရွေးချယ်လိုက်ပြီ။” ဟု နုိုင်ဟံသာက သတင်းထောက်များကုို ပြောဆုိုခဲ့သည်။

ပြီးခဲ့သည့် စက်တင်ဘာလ ၂၇ ရက်က UNFC ၏ အရေးပေါ်အစည်းအဝေးတွင် တုိုင်းရင်းသား အဖွဲ့အစည်းများ အားလုံး ပါဝင်ရေးနှင့် အားလုံး မပါဝင်နုိုင်ပါက မပါဝင်သေးသည့် အဖွဲ့အစည်းများအတွက် အာမခံချက် ရရှိရေးကုို ရပ်တည်သွားရန် သဘောတူဆုံးဖြတ်ခဲ့သော်လည်း အောက်တုိုဘာလ ၁၅ ရက်တွင် CNF နှင့် PNLO တုို့က တစ်နုိုင်ငံလုံး အပစ်အခတ် ရပ်စဲရေးစာချုပ်မူကြမ်း (NCA) ကုို လက်မှတ်ရေးထုိုးလုိုက်သဖြင့် ယာယီရပ်ဆုိုင်းရခြင်းဖြစ်သည်ဟု အဖွဲ့၏ ဒုဥက္ကဌ နုိုင်ဟံသာက ပြောသည်။

“အပစ်အခတ် ရပ်စဲရေး လက်မှတ်ထုိုးတဲ့အခါကြရင် အားလုံးပါဝင်ရေးမူကုို ရပ်တည်ဖုို့၊ တကယ်လို့ အားလုံး မပါဝင်သေး ရင် မပါနုိုင်တဲ့အဖွဲ့တွေကုို အာမခံချက်ရှိဖုို့ တောင်းဖုို့၊ နားလည်မှု ရတော့မှဘဲ လက်မှတ်ထုိုးမယ်ဆုိုပြီးတော့ UNFC က ချမှတ်ထားတယ်။ တပ်ပေါင်းစုဆုိုတာ စုစုစည်းစည်းနဲ့ပေါ့ဗျာ။ တပ်ပေါင်းစုရဲ့ မူအပေါ်မှာ ရပ်တည်ရမှာကုိုး။ သူတုို့က အဲဒီအပေါ်မှာ လွန်သွားတယ်ဆုိုတဲ့ အနေအထားပေါ်မှာ ကျနော်တို့ လုပ်တာဖြစ်တယ်။” ဟု နုိုင်ဟံသာက ပြောသည်။

UNFC အဖွဲ့ဝင်အဖြစ်မှ ယာယီရပ်ဆုိုင်းလုိုက်သဖြင့် ထုိုအဖွဲ့နှစ်ဖွဲ့မှ တာဝန်ယူထားသော လစ်လပ်နေသော တွဲဘက် အတွင်းရေးမှူး (၁) နှင့် (၂) နေရာများအတွက်လည်း ဗဟုိုကော်မတီဝင်များအား အစားထိုး ခန့်အပ်လုိုက်သည်။

မူလက UNFC ၏ တွဲဘက်အတွင်းရေးမှူး တာဝန်ယူထားသော PNLO ၏ ဗုိုလ်မှူးကြီး ခွန်ဥက္ကာ၏ နေရာတွင် ရခုိုင်အမျိုးသားကောင်စီ (ANC) မှ ကုိုထွန်းဇော်နှင့် တွဲဘက်အတွင်းရေးမှူး (၂) ကုို တအာင်းအမျိုးသား လွတ်မြောက်ရေး အဖွဲ့ (PSLF) မှ တာပန်လ တုို့ကုို လျို့ဝှက်မဲစနစ်ဖြင့် ရွေးချယ်တင်မြောက်လုိုက်သည်ဟု နိုင်ဟံသာက ပြောသည်။

ထုို့ပြင် ကရင်အမျိုးသားအစည်းအရုံး (KNU) အတွက် လျာထားသော UNFC ၏ ဒုဥက္ကဌနှင့် ဗဟုိုကော်မတီဝင် ၂ နေရာကို ပယ်ဖျက်လုိုက်ပြီး ဗဟုိုအလုပ်အမှုဆောင်ကော်မတီဝင် ၁၀ ဦးဖြင့် ပြန်လည် ဖွဲ့စည်းလုိုက်သည်ဟု သိရသည်။

၂၀၁၁ ခုနှစ်က တုိုင်းရင်းသား လက်နက်ကုိုင် အဖွဲ့အစည်း ၁၁ ဖွဲ့ဖြင့် ဖွဲ့စည်းထားသော UNFC တွင် ပြီးခဲ့သည့်နှစ်က KNU ကလည်း အဖွဲ့ဝင်အဖြစ်မှ နုတ်ထွက်ခဲ့ပြီး၊ ယခု CNF နှင့် PNLO ကိုလည်း အဖွဲ့ဝင်အဖြစ်မှ ယာယီ ရပ်ဆုိုင်းလုိုက်ပြီး အဖွဲ့ ၉ ဖွဲ့မှ ကုိုယ်စားလှယ်များ တက်ရောက် ဆွေးနွေးနေခြင်းဖြစ်သည်။

လက်ရှိ ကချင်လွတ်လပ်ရေးအဖွဲ့ (KIO)၊ မွန်ပြည်တစ်ပါတီ (NMSP)၊ ရှမ်းပြည် တုိုးတက်ရေးပါတီ(SSPP)၊ ကရင်နီ အမျိုးသားတုိုးတက်ရေးပါတီ (KNPP)၊ တအာင်းအမျိုးသားလွတ်မြောက်ရေးအဖွဲ့ (PSLF)၊ ရခုိုင်အမျိုးသား ကောင်စီ (ANC)၊ ကိုးကန့်တပ်မတော် (MNDAA)၊ ဝ အမျိုးသားအဖွဲ့ချုပ် (WNO)၊ လားဟူဒီမုိုကရက်တစ်ပါတီ (LDP) တို့ အဖွဲ့ဝင် အဖြစ် ကျန်ရှိနေသည်။

UNFC အဖွဲ့ဝင်သစ်အဖြစ် လျှောက်ထားသော ဇုိုမီးပြန်လည်သွေးစည်းညီညွတ်ရေးအဖွဲ့ (ZRO) ကုိုလည်း အဖွဲ့ဝင်အဖြစ် လက်ခံ၊ မလက်ခံ ဆက်လက်ဆွေးနွေးသွားမည်ဟုလည်း သိရသည်။

ထုိုင်းနုိုင်ငံ ချင်းမုိုင်မြို့တွင် ဒီဇင်ဘာလ ၇ ရက်မှ ၁၀ ရက်နေ့ထိ ကျင်းပမည့် UNFC နှစ်ပတ်လည် မျက်နှာစုံညီ အစည်းအဝေး၌ တစ်နုိုင်ငံလုံး အပစ်အခတ် ရပ်စဲရေးကို လက်ရှိအစုိုးရနှင့် ဆက်လက် ဆွေးနွေးနုိုင်ရေး၊ အစုိုးရအသစ်နှင့် ဆက်လက်ဆွေးနွေးနုိုင်ရေးဆိုင်ရာ ရှေ့လုပ်ငန်းစဉ်များလည်း ချမှတ်သွားမည်ဟု ဆိုသည်။

Mizzima - News in Burmese