Thursday, December 10, 2015

အနာဂါတ် ဆွေးနွေးပွဲများအတွက် ၉ ဦးပါ ကော်မတီအသစ်ကို UNFC ဖွဲ့စည်း


ညီညွတ်သောတုိုင်းရင်းသားလူမျိုးများဖက်ဒရယ် ကောင်စီ(UNFC) ၏ နှစ်ပတ်လည် မျက်နှာစုံညီ အစည်းအဝေး၌ ငြိမ်းချမ်းရေးဆွေးနွေးမှုများအတွက် ၉ ဦး ပါဝင်သော 'နိုင်ငံရေးဆုိုင်ရာ ညှိနှိုင်းဖြေရှင်းရေး ကော်မတီ'ကို ဖွဲ့စည်းလုိုက်သည်။ ဥက္ကဌ အဖြစ် မွန်ပြည်သစ်ပါတီမှ နုိုင်ဟံသာ၊ အတွင်းရေးမှူး အဖြစ် ကရင်နီအမျိုးသား တုိုးတက်ရေးပါတီမှ ခူဦးရယ် တုို့ အပါအဝင် ၉ ဦး ကော်မတီကို ငြိမ်းချမ်းရေးနှင့် နုိုင်ငံရေးဆွေးနွေးပွဲများ ဆက်လက်လုပ်ဆောင်ရန် ဖွဲ့စည်းရခြင်းဖြစ်သည် ဟု ဥက္ကဌ နုိုင်ဟံသာက မဇ္စျိမကုို ပြောသည်။
တက်လာမည့် အစုိုးရသစ်နှင့် နုိုင်ငံရေးဆွေးနွေးပွဲကြီး ဖြစ်ပေါ်လာရေးအတွက် တစ်နုိုင်ငံလုံး အပစ်အခတ်ရပ်စဲရေး၊ ပူးတွဲစောင့်ကြည့်ရေးကော်မတီ၊ နှစ်ဖက်တပ်များ လုိုက်နာရမည့် စည်းမျဉ်းများ၊ နုိုင်ငံရေးဆွေးနွေးပွဲဆုိုင်ရာ မူဘောင် ညှိနှိုင်းရေးနှင့် အခြား မဟာမိတ်အဖွဲ့အစည်းများနှင့် ဆက်လက် ညှိနှိုင်းနုိုင်ရေးအတွက် ဖွဲ့စည်းထားခြင်း ဖြစ်သည်ဟု ဆိုသည်။

နုိုင်ဟံသာက “ပြည်တွင်းငြိမ်းချမ်းရေးအတွက် အဓိကအားဖြင့် နုိုင်ငံရေးဆွေးနွေးပွဲကြီး ဖြစ်ပေါ်လာဖုို့အတွက် ပြင်ဆင်ရေး အပုိုင်းမှာ တစ်နုိုင်ငံလုံး အပစ်အခတ် ရပ်ဆုိုင်းရေး၊ ဂျေအမ်စီ၊ စီအုိုစီတုို့မှာ ညှိနှိုင်းဖုို့၊ မူဘောင်ညှိတဲ့ ကိစ္စတွေမှာ လုိုအပ်မယ်ဆုိုရင် တခြားမဟာမိတ်အဖွဲ့တွေနဲ့ ညှိနှိုင်းသွားဖို့ ဆုိုတဲ့ကိစ္စတွေ အပါအဝင် ဖြစ်တယ်။” ဟု သူက ပြောသည်။

'နိုင်ငံရေးဆုိုင်ရာ ညှိနှိုင်းဖြေရှင်းရေး ကော်မတီ' ကုို UNFC အဖွဲ့ဝင်တုိုင်းမှ တစ်ဦးစီ ပါဝင်သည်။ တခြား တိုင်းရင်းသား လက်နက်ကုိုင်အဖွဲ့အစည်းများလည်း ပါဝင်လာနုိုင်ရန် တံခါးဖွင့်ထားသည်ဟု နုိုင်ဟံသာက ပြောသည်။

“အရင်က NCCT အနေနဲ့၊ SD အနေနဲ့ ဆွေးနွေးခဲ့တယ်။ NCCT မှာလည်း ကွဲသွားပြီဆုိုတဲ့ သဘောပေါ့နော်။ ဟုိုဘက်မှာ လည်း တချို့ပါသွားတယ်။ ဒီဘက်မှာလည်း တချို့ကျန်နေတယ်။ SD ဆုိုတာလည်း ဆွေးနွေးပြီး ဖျက်သိမ်းလုိုက်ပြီ။ NCCT အနေနဲ့လည်း မသုံးသင့်တော့ဘူး။ ဒါကြောင့် ကျန်နေတဲ့အဖွဲ့တွေကိုဘဲ ကုိုယ်စားပြုပြီးတော့မှ ဆက်လက် ဆွေးနွေး သွားနုိုင်ဖုို့ အဖွဲ့အသစ်ကုို ဖွဲ့ခြင်းရခြင်းဖြစ်တယ်။” ဟု သူက ပြောသည်။

ထုို့ပြင် UNFC အနေဖြင့် ငြိမ်းချမ်းရေးဆက်လက် အကောင်အထည်ဖော်ရန် အပါအဝင် ရှေ့လုပ်ငန်းစဉ် ၅ ချက်ကုို ချမှတ်ခဲ့ပြီး၊ UNFC မှ ဌာန ၆ ခု၏ လုပ်ငန်းစဉ်များကုိုလည်း ဆွေးနွေးညှိနှိုင်းခဲ့သည်ဟု သိရသည်။

ထုိုင်းနုိုင်ငံ ချင်းမုိုင်မြို့တွင် ဒီဇင်ဘာလ ၇ ရက်မှ ၁၀ ရက်ထိ လေးရက်ကြာ ကျင်းပနေသော UNFC မျက်နှာစုံညီ အစည်းအဝေးတွင် ချင်းအမျိုးသားတပ်ဦး (CNF) နှင့် ပအုိုဝ့်အမျိုးသားလွတ်မြောက်ရေး အဖွဲ့ချုပ် (PNLO) တုို့ကုို အဖွဲ့ဝင်အဖြစ်မှ ယာယီရပ်ဆုိုင်းကြောင်းလည်း ဆုံးဖြတ်ခဲ့ကြသည်။

ယာယီရပ်ဆုိုင်းလိုက်သည့် အဖွဲ့နှစ်ဖွဲ့မှ တာဝန်ယူခဲ့သော UNFC တွဲဘက်အတွင်းရေးမှူး (၁) နေရာအတွက် ရခုိုင်အမျိုးသားကောင်စီ (ANC) မှ ဦးထွန်းဇော် နှင့် တွဲဘက်အတွင်းရေးမှူး (၂) နေရာအတွက် တအာင်းအမျိုးသား လွတ်မြောက်ရေးအဖွဲ့ (PSLF) မှ တာဘန်လ တို့ကို အသီးသီး ရွေးကောက်တင်မြောက်ခဲ့သည်။

Mizzima - News in Burmese


No comments:

Post a Comment

My Blog List