ထိုင်းနိုင်ငံ ချင်းမိုင်မြို့မှာ ကျင်းပနေတဲ့ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC အဖွဲ့ရဲ့ တတိယနေ့ ကောင်စီ အစည်းအဝေးကနေပြီး ပြောင်းလဲလာတဲ့ အစိုးရသစ်နဲ့ ငြိမ်းချမ်းရေး ဆွေးနွေးဖို့ အတွက် ကော်မတီတစ်ရပ်ဖွဲ့စည်းခဲ့ပြီး UNFC အဖွဲ့ရဲ့ ရှေ့လုပ်ငန်းစဉ် ၅ ချက်ကိုလည်း ချမှတ်ခဲ့တယ်လို့ သိရပါတယ်။
တိုင်းရင်းသားလက်နက်ကိုင် တော်လှန်ရေးအဖွဲ့တွေအနေနဲ့ လာမည့်အစိုးရ သစ်နဲ့ ငြိမ်းချမ်းရေး နဲ့ နိုင်ငံရေး ဆွေးနွေးပွဲတွေ ဆက်ဆွေးနွေးနိုင်ဖို့ အတွက် UNFC အဖွဲ့ဝင် တစ်ဦးစီပါဝင်တဲ့ နိုင်ငံရေးဆိုင်ရာ ညှိနှိုင်းဖြေရှင်း ရေးကော်မတီတစ်ရပ် ဖွဲ့စည်းခဲ့တာနဲ့ပတ်သက်ပြီး UNFC ဒုဥက္ကဌ ဦးနိုင်ဟံသာ က RFA ကို အခုလို ပြောဆိုပါတယ်။
"ငြိမ်းချမ်းရေးပြဿနာကို ဆက်လက်ကိုင်တွယ်ဖြေရှင်းသွားဖို့လေ နိုင်ငံရေးဆိုင်ရာ ညှိနှိုင်းဖြေရှင်းရေးကော်မတီ ဆိုပြီး ဆက်ဖွဲ့ဖို့ သဘောတူထားတယ်၊ အဲ့အဖွဲ့ကနေပြီးတော့ ဆက်လက်ပြီးညှိနှိုင်းသွားမယ်၊ ငြိမ်းချမ်းရေးဆွေးနွေးသွားဖို့လို့ ပြောရမှာပေါ့ဗျာ၊ ဘာကြောင့်လဲဆိုတော့ အခုက တစ်နိုင်ငံလုံး အပစ်ခတ် ရပ်စဲရေးကလည်း မပြီးသေးဘူး၊ နောက်လို အပ်တဲ့ဟာတွေကလည်း ညှိနှိုင်းဖို့လိုသေးတယ်ဆိုတော့ ကျနော်တို့ သုံးတဲ့ဝေါဟာရကတော့ နိုင်ငံရေးဆိုင်ရာ ညှိနှိုင်းဖြေရှင်းရေးကော်မတီပေါ့"
ဒါ့ပြင် တိုင်းရင်းသား လက်နက်ကိုင်တော်လှန်ရေးအဖွဲ့ ၉ ဖွဲ့နဲ့ ဖွဲ့စည်းထားတဲ့ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC အဖွဲ့ကိုလည်း အားလုံးပါဝင်တဲ့ ငြိမ်းချမ်းရေးကို ဆက်လက်အကောင် အထည်ဖော်ဖို့ အပါအ၀င် အချက် ၅ ချက်ကို ဒီကနေ့ အစည်းအဝေးမှာ ရှေ့လုပ်ငန်းစဉ်အနေနဲ့ ချမှတ်ခဲ့ပေမယ့် ဆက်ဆွေးနွေးစရာ ကျန်ရှိနေသေး တဲ့အတွက် ထုတ်ဖော်ပြောဆိုဖို့ ငြင်းဆိုပါတယ်။
ဒီကနေ့အစည်းအဝေးမှာ UNFC အဖွဲ့ရဲ့ ဌာန ၆ ခုလုပ်ဆောင်ရမည့် ရှေ့လုပ်ငန်းစဉ်တွေကို ဆွေးနွေးအတည်ပြုခဲ့ ကြပြီး UNFC အဖွဲ့ဝင်အဖြစ် လျှောက်ထားတဲ့ ဇိုမီးပြန်လည်သွေးစည်းညီညွတ်ရေးအဖွဲ့ ZRO အဖွဲ့ကိုတော့ UNFC အဖွဲ့ဝင်အဖြစ်လက်ခံဖို့ ခေတ္တာရပ်ဆိုင်းထားကြောင်း ဆုံးဖြတ်ခဲ့ကြ တယ်လို့ သိရပါတယ်။
RFA
No comments:
Post a Comment