မြန်မာနိုင်ငံရဲ့
စာပေစိစစ်ရေးဆိုတဲ့ စာပေကင်ပေတိုင်ဆိုတာကြီး ပျက်ဆီးသွားတဲ့သင်္ကေတ အနေနဲ့
စာနယ်ဇင်း ကောင်စီ ဖွဲ့စည်းလိုက်တဲ့ သတင်းထွက်ပေါ်လာပါပြီ။
မြန်မာနိုင်ငံ အမြုတေ စာနယ်ဇင်းကောင်စီ ဖွဲ့စည်းမိန့်
အငြင်းပွားဖွယ်ရာများ ရှိနိုင်သော်လည်း
၁။ အစိုးရအရာရှိများ (ပြန်ကြားရေး ၀န်ကြီးဌာနမှ အရာရှိများ) မပါရှိခြင်း၊
၂။ စာနယ်ဇင်းသမားများ ကိုယ်တိုင် ရေးဆွဲရမည့် စာနယ်ဇင်းကောင်စီ ဥပဒေကြမ်း၊
၃။ ဥပဒေအရ ရပ်တည်သော ကောင်စီ ဖြစ်လာမည် ဖြစ်သောကြောင့် မည်သည့် အစိုးရဌာန၊ မည်သည့် ပုဂ္ဂလိက အဖွဲ့အစည်း၊ မည်သည့် ပုဂ္ဂိုလ် နှင့်မျှ သက်ဆိုင်ခြင်း မရှိသော သီးခြားလွတ်လပ်သည့် အဖွဲ့ အစည်း ဖြစ်လာခြင်း၊
၎။ ဥပဒေနှင့်အညီ၊ စာနယ်ဇင်းများ အားလုံး သဘောတူကျေနပ် လက်ခံ နိုင်သော ကောင်စီအသစ် ဖြစ်ပေါ်လာရေးသည် ဥပဒေကြမ်း ရေးဆွဲသည့် အချိန်ကာလအပေါ်တွင် မူတည်နေခြင်း စသည့် အချက်များကို တင်ပြလိုပါသည်။
အဓိကတင်ပြလိုသည့် အချက်မှာ စာနယ်ဇင်းလောက၏ အနာဂတ်သည် စာနယ်ဇင်းသမားများ၏ လက်ဝယ်တွင်သာ ရှိပါတော့မည် ဟူသော အချက်ပင် ဖြစ်ပါသည်။
နိုင်ငံတော် သမ္မတရုံး ညွှန်ကြားရေးမှူး တဦးရဲ့ ဖေ့စ်ဘုတ်စာမျက်နှာပါ ဖော်ပြချက်ပါ။
ဒါဆိုရင် ပြန်ကြားရေး ၀န်ကြီး ဦးကျော်ဆန်း ဘာဖြစ်သွားပြီလဲ။
အခုရက်ပိုင်း အနံပြင်းပြင်းထွက်လာတဲ့ သတင်းတခုကတော့ ဇာတ်တော်တွေ ခင်း ငိုချင်းသည် ဦးကျော်ဆန်း တယောက် ပြန်ကြားရေး ၀န်ကြီး ရာထူးက ဖယ်ရှားပေးရမယ်ဆိုပဲ။
အရင် အလုပ်သမား ၀န်ကြီးလည်းဖြစ်၊ ဒေါ်အောင်ဆန်းစုကြည်နဲ့ ဆက်ဆံရေး တာဝန်ယူခဲ့တဲ့ ဦးအောင်ကြည် က ပြန်ကြားရေး ၀န်ကြီး တာဝန်ယူတော့မယ်တဲ့။
သမ္မတ ဦးသိန်းစိန်ဟာ ပြုပြင်ပြောင်းလဲရေး သမားဖြစ်တာကြောင့် "လောကကို ပြုပြင်ပြောင်းလဲချင်သူဟာ မိမိ ကိုယ် မိမိ အရင် ပြုပြင်ပြောင်းလဲ ရမယ်" ဆိုတဲ့ အယူအဆအတိုင်း နိုင်ငံပြုပြင်ပြောင်းလဲရေးအတွက် အစိုးရ အဖွဲ့အတွင်း ပြုပြင်ပြောင်းလဲရေးလည်း လုပ်ရတဲ့ပုံပါပဲ။
ဒီအတွက် ဦးကျော်ဆန်းကို ၀န်ကြီး တာဝန် ရပ်နားဖို့ ဖြုတ်ပစ်တာ လူမြင်မကောင်းတော့ သမ္မတက နုတ်ထွက် စာ တင်ဖို့ ပြောဆို တာကို ငြင်းပယ်တယ်ဆိုတဲ့ သတင်းတွေလည်း ထွက်ပေါ်လာခဲ့တာပါ။
မီးမရှိပဲ မီးခိုးမထွက်ဘူးဆိုတဲ့ စကားအတိုင်း ဒီကိစ္စဖြစ်နိုင်ခြေရှိပါတယ်။ အငိုသန်တဲ့ ဦးကျော်ဆန်းလည်း သမ္မတကြီးကို ငိုပြနေမှာပေါ့။
အခုဖြစ်ရပ်တွေက ဦးကျော်ဆန်းရဲ့ စာနယ်ဇင်းလောကကို ပုရွက်ဆိတ်အုံ တုတ်နဲ့ ထိုးဆွလိုက်သလို ဂျာနယ် ၂ စောင် ထုတ်ဝေခွင့် အကန့်အသတ်မရှိ စာပေ ကင်ပေတိုင် ဆင်ဆာဘုတ်အဖွဲ့က ပိတ်လိုက်တာရဲ့ နောက် ဆက်တွဲ ဆိုပဲ။
သမ္မတနဲ့ နီးစပ်တဲ့ သူတွေ ရှယ်ယာပါတဲ့ The Voice Weekly နဲ့ Envoy ဂျာနယ် ၂ စောင်ကို ပိတ်လိုက်တာ ကလည်း သူ့ ရှေ့ကျား စာနယ်ဇင်း ဖျက်မြင်း ဦးမြတ်ခိုင်ရဲ့ ဂျာနယ်ကို တရားစွဲခဲ့လို့ လက်တုန့်ပြန်တဲ့ အနေနဲ့ လုပ်လိုက်တာလို့ လူတွေ ပြောနေကြတယ်။
ဒါဟာ အစိုးရ အဖွဲ့အတွင်းက အာဏာ လွန်ဆွဲပွဲရဲ့ ထင်ရှားတဲ့ သင်္ကေတလည်းဖြစ်မယ်ထင်ပါတယ်။ ဘာပဲ ပြောပြော ဂိုဏ်းမာအဖွဲ့ဝင်တွေ အာဏာနဲ့ ဝေးသွားပြီး ပြုပြင်ပြောင်းလဲရေး သမားတွေ ဆက်ပြီး ရှေ့ တန်းရောက်လာခြင်းဟာ သန်းခြောက်ဆယ်ကျော် မြန်မာနိုင်ငံသားတွေအတွက် ကောင်းတဲ့ လက္ခဏာပါ။
သေချာတာတော့ ပြန်ကြားရေး ၀န်ကြီးဖြစ်နေတဲ့ ဦးကျော်ဆန်းဟာ စားလို့ ၀ ရုံတင်မကပါဘူး။ နောက်ဆယ် သက်စားလို့ မကုန်အောင် ငွေမထည့်ပဲ ရှယ်ယာ ဝေစုတွေ စားနေရတာမို့ ဒီစားကျက်က မဖယ်ချင်ပါဘူး။
ဒါပေမယ့် ဦးကျော်ဆန်းက ၀န်ကြီး ရာထူး ပြုတ်သွားလည်း လုပ်စားဖို့ လွယ်ပါတယ်။ သူက အငိုကောင်း တယ်။
သူ့ရဲ့ အထင်ရှားဆုံး သတင်းစာ ဆရာတွေ ခေါ်ပြီး ငိုပြတဲ့ ပွဲတုန်းက ငိုချင်းကို ပရိတ်သတ်များ မှတ်မိမယ် ထင်ပါတယ်။ မနှစ်က သြဂုတ်လတွင်း လုပ်တဲ့ သတင်းစာရှင်းလင်းပွဲပါပဲ။
သတင်းထောက်တယောက်က မြစ်ဆုံဆည်တွေအကြောင်း မေးပါတယ်။ ဒီ မြစ်ဆုံဆည်စီမံကိန်းကို အများက ကန့်ကွက်နေကြပြီ။ ဘယ်လို ဆက်လုပ်မလဲ တဲ့။
ဝန်ကြီး ဖြေပုံက
“တပ်မတော်အစိုးရက ၁၉၈၈ ခုနှစ်ကတည်းက ဒုက္ခခံခဲ့တယ်။ နိုင်ငံတော်အကြီးအကဲတွေက
အနစ်နာ ခံပြီး လုပ်ဆောင်ခဲ့တာ။ ဧရာဝတီမြစ်ကြီး ပျက်စီးမယ့် ကိစ္စ
ကျနော်တို့လည်း မလုပ်ပါဘူး။ အမေရိကန်လို နိုင်ငံကြီးတွေက ကျ နော် တို့ ကို
ဝိုင်း ဖိ နှိပ် ပြီး................................................” (အဟင့် အဟင့်)
ပြောရင်းနဲ့ ချုံးပွဲချငိုချလိုက်ပါတယ်။ ၀န်ကြီးရဲ့ ငိုကြွေးမှု ၁၅ မိနစ် ကြာသွားပြီးတဲ့နောက်မှာ သတင်းစာ ရှင်းလင်းပွဲကို အဆုံးသတ်လိုက်ရပါတော့တယ်။
No comments:
Post a Comment