ပထမအကြိမ်
ကျွန်တော့် မိတ်ဆွေ ဦးကျော်သိန်း ဒေါ်တင်နွယ်တ်ို့မိသားစုသည် ရန်ကင်းမြို့နယ် အမှတ် (၈) ရပ်ကွက်တွင် ၁၉၆၅ ခုနှစ်မှ ယနေ့အထိ နေထိုင်လာခဲ့ကြပါတယ်၊ ၁၉၉၃ ခုနှစ်မှာ တိုင်းစစ်ဒေသနှင့် ဟိန္ဒူဘုရားကျောင်း ဂေါပက အဖွဲ့တို့က ၄င်းတို့ ဘိုးဘွားပိုင်မြေအား ဟိန္ဒူဘုရားကျောင်းပိုင်မြေဟု ဆိုကာ အတင်းမောင်းထုတ်ဆွဲချခဲ့ပါသည်။
၎င်းမိသားစုက နေစရာ မရှိသဖြင့် အသနားခံစာတင် သောကြောင့် ၁၉၉၄ ခုနှစ်တွင် ယခု လက်ရှိနေထိုင်လျှက်ရှိသော အမှတ်(၈၆) သဇင်ဖြူလမ်းသွယ် (၄) အမှတ်(၈)ရပ်ကွက် ရန်ကင်းမြို့နယ်တွင် ပြန်လည် အစားထိုးပေးခဲ့ပါသည်။
ယင်းမြေကွက်အား စတင်နေထိုင်စဉ်က ရွံ့နွံအိုင်ကြီးမျှသာဖြစ်ပါသဖြင့်ကိုယ်ထူကိုယ်ထ ခက်ခက်ခဲခဲ ပြုပြင် နေထိုင် လာခဲ့ရပါသည်။
အိမ်ထောင်ဦးစီး ဖြစ်သူ ဦးကျာ်သိန်းမှာ အမှတ်(၂) စက်မှုဝန်ကြီးဌာနမှ သာမန် ရိုးသားသော အစိုးရ၀န်ထမ်းတစ်ဦးဖြစ်ပြီး ၀န်ထမ်းကောင်းလက်မှတ် များ ကိုင်ဆောင်ထားသော အငြိမ်းစား တစ်ယောက်ဖြစ်ပါသည်။
ဒုတိယအကြိမ်
၎င်းမိသားစု (၁၈)နှစ်ကျော်ကြာ နေထိုင် လာခဲ့သောယင်းမြေကွက်အား ယခုအခါတွင်စစ်တက္ကသိုလ် ကျောင်းအုပ် ကြီးဟောင်း ဗိုလ်မှုးကြီး ခင်မောင်တင့် ဆိုသူက ၄င်းပိုင်ဆိုင်သည်ဟု မတရားသဖြင့်စွပ်စွဲကာ လုပ်ကြံတရားစွဲဆိုလာသည်ကို ရန်ကုန်အရှေ့ပိုင်းခရိုင်တရားရုံးက တစ်ဖက်သက် စစ်ဆေးပြီး ဗိုလ်မှုးကြီးဟောင်းကို အနိုင်ပေးလိုက်ပါသည်။
တစ်ဖက်သက်စစ်ဆေးပြီး အနိုင်ပေးလိုက်သည် ဆိုသည်မှာ ရုံးချိန်းများသာ ပုံမှန်ခေါ်ယူပြီး မည်သည့် ထိရောက်သော စစ်ဆေးမှုမျိုးကိုမျှ ပြုလုပ်ခြင်းမရှိဘဲ ဗိုလ်မှုးကြီးဟောင်း ခင်မောင်တင့်အား အနိုင်ပေးလိုက်ခြင်းကို ဆိုလိုပါသည်။
သူရဦးရွှေမန်းရဲ့ ဆရာ
ဗိုလ်မှုးကြီးဟောင်းခင်မောင်တင့်သည် သူ့ကိုယ်သူ သူရဦးရွှေမန်း၏ ဆရာ ဟုဆိုကာ ပြောဆို အာဏာ သုံးခဲ့သည်များလည်း ရှိခဲ့ပါသည်။ စစ်တက္ကသိုလ်က ထုတ်ဝေသော ချယ်ရီအလှ(၁၁) ပတ္တမြားရတု မဂ္ဂဇင်း မှာကြည့်နိုင်ပါတယ်။ အမှန်တကယ်လည်း DSA အပါတ်စဉ် (11) ဆင်း သူရဦးရွှေမန်း၏ ဆရာဖြစ်နေပါသည်။
တစ်ဖက်မှာ လွှတ်တော်ဥက္ကဌ ကြီးမှ နိုင်ငံတော်ကို ပြုပြင်ပြောင်းလဲ ရန်အတွက်စေတနာ အပြည့်ဖြင့် ကြိုးစားနေချိန်တွင် ၄င်း၏ဆရာဆိုသူက ယခုလိုအာဏာကို အလွဲသုံးစားပြုလုပ်ကာ အပြစ်မဲ့မိသားစု တစ်စုအပေါ်ကို မတရား အနိုင်ကျင့်နေခြင်းကို လွှတ်တော်ဥက္ကဌ ကြီးအနေဖြင့် ယခုလိုလျစ်လျှူရှုမနေဘဲ သင့်တော်သလို ဆောင်ရွက်ပေးနိုင်ပါရန် အသနားခံတင်ပြအပ်ပါသည်။
ဗိုလ်မှုးကြီးဟောင်းဦးခင်မောင်တင့်သည် ယခင်ကလည်း အခြားသူများ ပိုင်ဆိုင်သော နေအိမ်ခြံဝင်းများအား အကြိမ်ကြိမ် ၀င်ရောက်ကျူးကျော်ကာ ခြံစည်း ရိုးခတ်သဖြင့်(၄င်းပိုင်ဆိုင်သည့် အနေဖြင့် ခြံစည်းရိုးခတ် ခြင်းဖြစ်သည်) ထိုစဉ်က မြို့နယ် မ၀တရုံးတွင် အကြိမ်ကြိမ် ခေါ်ယူဖြေရှင်းခဲ့ရဖူးပါသည်။
ဦးခင်မောင်တင့်သည် ပြိုင်ဘက်ရှေ့နေများအားလည်း ခြိမ်းခြောက်သည့် သဘောမျိုးဖြင့် လက်ရှိသမ္မတ နှင့် လွှတ်တော်အကြီးကဲများ အားလုံးသည် တစ်ချိန်က ၄င်း၏တပည့်များဖြစ်သဖြင့် အမှုအား လုံးဝ မနိုင် နိုင်ကြောင်းလည်း ပြောပါသည်။ (ပြောသည့်အတိုင်းလည်း အမှန်ပင် မနိုင်ခဲ့ပါ။)
ဘုန်းကြီးကျောင်းမှာ ခိုလှုံ
ကျွန်တော်၏ မိတ်ဆွေမိသားစု မှာယခုအခါ နေထိုင်ခိုကိုးစရာ မရှိပါသဖြင့် ပဉ္စနိကာယ် ကျောင်းထိုင် ဆရာတော်က ခေါ်ယူ ကယ်ဆယ်ထားရပါသည်။
လွှတ်တော် ဥက္ကဌကြီး သူရဦးရွှေမန်း နှင့် ပြည်ထောင်စု တရား လွှတ်တော်ချုပ် ဦးထွန်းထွန်းဦး ခင်ဗျား….
ယခုလို အပြစ်မဲ့ မိသားစု တစ်စုအား မတရားသဖြင့် အနိုင်ကျင့်နေခြင်းအား လွှတ်တော် ဥက္ကဌကြီး သူရဦးရွှေမန်း နှင့် ပြည်ထောင်စု တရားလွှတ်တော်ချုပ်တို့က သေချာစွာ ပြန်လည် စီစစ်ပြီး သင့်တော်သလို ကူညီ ဆောင်ရွက်ပေးနိုင်ပါရန် အသနားခံ တင်ပြ အပ်ပါသည် ခင်ဗျား…..။
ဗိုလ်မှုးကြီးဟောင်း ဦးခင်မောင်တင့် စစ်တက္ကသိုလ်ကျောင်းအုပ်ကြီး ဖြစ်စဉ်က ဓါတ်ပုံအား ပူးတွဲတင်ပြအပ်ပါသည်။ယခုကဲ့သို့ အင်တာနက် စာမျက်နှာမှတဆင့်တင်ပြရခြင်းမှာ လူကြီးမင်းတို့ထံသို့ ယခု စာရောက်ရှိနိုင်ရန် အတွက် တင်ပို့ ပေးမည့်သူ မရှိ ၊ မသိသဖြင့် တင်ပြရခြင်းဖြစ်သည်။
ဧရာဝတီ(Blog)
No comments:
Post a Comment