၂၀၁၄
ခုနှစ် စက်မှုဖွံ့ဖြိုးတဲ့ နိုင်ငံ ၂၀ (G-20) အစည်း အဝေးကို
သြစတြေးလျ နိုင်ငံ ကွင်းစလန်း ပြည်နယ် Brisbane မြို့ မှာ ကျင်းပ
မယ်လို့ အစိုးရက ကြေငြာ ပြီးနောက် New South Wales ပြည်နယ် အစိုးရက
မကျေမနပ် ဖြစ်နေပါတယ်။အစည်း အဝေးအတွက် အိမ်ရှင် အဖြစ် ရွေးချယ် ခံရရင် ကုန်ကျ စရိတ်များလွန်းတဲ့အတွက် သြစတြေးလျ ပြည်ထောင်စု အစိုးရက ကုန်ကျစရိတ် ခံသင့်တယ်လို့ ကွင်းစလန်းပြည်နယ် အစိုးရရဲ့ ပြောခွင့်ရ ပုဂ္ဂိုလ်က ပြောလိုက် ပါတယ်။
New South Wales အစိုးရ ကတော့ ဒီငွေကြေးတွေကို ဘယ်သူက ကုန်ကျခံမလဲဆိုတာ သိလိုစိတ် ပြင်းပျနေသလို New South Wales ပြည်နယ်ရဲ့ မြို့တော် Sydney မြို့ကသာ အိမ်ရှင်ဖြစ်သင့် တယ်လို့ ပြောလိုက် ပါတယ်။
သြစတြေးလျ အစိုးရ အနေနဲ့ ကွင်းစလန်းပြည်နယ်က Brisbane မြို့ကို အိမ်ရှင်မြို့အဖြစ် ရွေးချယ် လိုက်တာဟာ ကွင်းစလန်း ပြည်သူတွေရဲ့ မဲရအောင် လုပ်ဆောင်နေတာလို့လဲ New South Wales အစိုးရက စွပ်စွဲ လိုက်ပါတယ်။
သြစတြေးလျနိုင်ငံ ဘဏ္ဍာရေး ဝန်ကြီး Wayne Swan က တော့ ကုန်ကျ စရိတ်ကို ကွင်းစလန်း ပြည်နယ် အစိုးရက ကျခံရမှာ ဖြစ်ပြီး ပြည်နယ် ဖွံ့ဖြိုးရေးအတွက် ဒေါ်လာ သန်း ၄၀၀ နီးပါး ပေးထားပြီလို့ ပြောလိုက်ပါတယ်။
သြစတြေးလျနိုင်ငံ စီးပွားရေးနဲ့ စက်မှု ဆိုင်ရာ အကြီးအကဲကတော့ ဒီလို အရေးကြီးတဲ့ အစည်းအဝေးမှာ အိမ်ရှင်အဖြစ် လက်ခံကျင်းပပေးတဲ့ မြို့အတွက် စီးပွားရေး အကျိုးအမြတ် အများကြီး ရှိတယ်လို့ ပြောပါတယ်။
G-20 အစည်းအဝေးမှာ ထိပ်သီး ခေါင်းဆောင်တွေ၊ အဖွဲ့အစည်း အသီးသီးက ကိုယ်စားလှယ်တွေနဲ့ သတင်း မီဒီယာသမား စုစုပေါင်း အယောက် ၇၀၀၀ ထောင်လောက် တက်ရောက်မယ် လို့လည်း မျော်လင့်နေကြပါတယ်။
သြစတြေးလျ နိုင်ငံအနေနဲ့ G-20 အစည်းအဝေးကို ပထမဆုံး အကြိမ် အိမ်ရှင်နိုင်ငံအဖြစ် လက်ခံကျင်းပမှာ ဖြစ်ပါတယ်။
ရွှေဟင်္သာ
No comments:
Post a Comment