တရုတ်-မြန်မာချစ်ကြည်ရေးအနေနဲ့ မြန်မာနိုင်ငံရဲတပ်ဖွဲ့ အသုံးပြုဖို့ Kaing Kaing Sangda မော်တော်ကားစက်ရုံက လျှပ်စစ်ဟိုက်ဘရစ်ကားတွေကို တာဝန်ယူ ထုတ်လုပ်ပေးသွားမယ်လို့ ကုမ္ပဏီတာဝန်ရှိသူ Mr Yu Jian ကပြောပါတယ်။
ဒီလျှပ်စစ်ဟိုက်ဘရစ်ကားတွေဟာ မြန်မာနိုင်ငံမှာ ပထမဆုံးစတင်ထုတ်လုပ်မှာဖြစ်ပြီးတော့ မြန်မာနိုင်ငံရဲ့ ရာသီဥတု၊ သဘာဝပတ်ဝန်းကျင်မီးခိုးကင်းစင်ဖို့အတွက်နဲ့ စက်သုံးဆီချွေတာဖို့ အတွက် တရုတ်နည်းပညာနဲ့ ထုတ်လုပ်ထားတာလို့ တာဝန်ရှိသူကပြောပါတယ်။
လက်ရှိမှာတော့ လျှပ်စစ်ဘက်ထရီကား KSD V1 အမျိုးအစားကို အစီးရေ ၁၀၀ ကျော် ထုတ်လုပ်ထားပြီး ကညန က လိုင်စင်ရရှိပါက တရက်ကို အစီးရေ ၄၀ လောက် ထုတ်လုပ်သွား မယ်လို့ သိရပါတယ်။
ဒီကားတင်သွင်းမှုအတွက် တရုတ်အစိုးရက အခွန်မယူထားပါဘူး။ မြန်မာပြည်သူတွေ ဈေးနှုန်းသက်သက်သာသာနဲ့ ဝယ်ယူနိုင်အောင်ရောင်းချပေးသွားမှာပါ။ ဘက်ထရီစွမ်းအင်ကို လျှပ်စစ်မီးရရှိနိုင်တဲ့နေရာတွေမှာ အလွယ်တကူသွင်းနိုင်ပြီး ဟိုင်းဝေးလမ်းမှာ ဘက်ထရီအား ရာခိုင်နှုန်း နည်းနေရင် ဆီထည့်ပြီးကားရဲ့ဘက်ထရီကို အားဖြည့်ပေးနိုင်တဲ့ စက်ပါ တပ်ဆင်ထားတယ်လို့ Kaing Kaing Sangda စက်ရုံက မန်နေးဂျင်းဒါရိုက်တာကပြောပါတယ်။
KSD V1 ကားကို ငွေကျပ် ၉၃ သိန်းနဲ့ဝယ်ယူနိုင်ပြီး ဘက်ထရီ အာမခံတစ်နှစ်ခွဲ ပေးထားပါတယ်။ ကားအတွက် အာမခံပေးနိုင်တဲ့ ကာလအတွင်း ကားရဲ့စက်ပိုင်းဆိုင်ရာ ချို့ယွင်းမှုတွေကို အဆိုပါစက်ရုံမှာ ဆောင်ရွက်ပေးသွားမယ်လို့သိရပါတယ်။
DVB
No comments:
Post a Comment