အမေရိကန်သမ္မတ ဒေါ်နယ်ထရမ့်က သူ့ရဲ့ အမျိုးသား လုံခြုံရေးအကြံပေး ဂျွန်ဘောလ်တန်ကို စက်တင်ဘာ ၁၀ ရက်မှာ ရာထူးက ဖြုတ်ချလိုက်ပါတယ်။
မြောက်ကိုရီးယား၊ အီရန်၊ အာဖဂန်စ္စတန်နဲ့ ရုရှား စတဲ့ နိုင်ငံခြားရေး မူဝါဒတွေကို ဘယ်လိုကိုင်တွယ်မယ်ဆိုတာနဲ့ ပတ်သက်ပြီး ထရမ့်ဟာ ဂျွန်ဘော်လ်တန်နဲ့ သဘောထား ကွဲလွဲနေချိန်မှာပဲ သူ့ကို ရာထူးက ဖြုတ်လိုက်တာပါ။
ဂျွန်ဘော်လ်တန်ဟာ အမေရိကန်ရဲ့ နိုင်ငံခြားရေးရာ မူဝါဒတွေကို ဦးဆောင်ကိုင်တွယ်ခဲ့ပြီး ထရမ့်ရဲ့ တတိယမြောက် အမျိုးသားလုံခြုံရေးအကြံပေးလည်း ဖြစ်ခဲ့ပါတယ်။
ဒါ့အပြင် သူဟာ မြောက်ကိုရီးယားအရေးမှာ သမ္မတ ထရမ့်ကို ဖိအားပေးခဲ့တာနဲ့ ပတ်သတ်လို့လည်း လူသိများပါတယ်။
ဂျွန်ဘော်လ်တန်ဟာ အီရန်ဆန့်ကျင်ရေး ထရမ့်ရဲ့ မူဝါဒရေးရာမှာလည်း အကြီးအကဲ တယောက်ဖြစ်ပြီး ရုရှားနဲ့ အာဖဂန်နစ္စတန်အား ခိုင်ခိုင်မာမာ ချဉ်းကပ်ရေးကိုလည်း ထောက်ခံ အားပေးခဲ့ပါတယ်။
၂၀၁၈ ခုနှစ် ဧပြီလက အမျိုးသားလုံခြုံရေး အကြံပေးတာဝန်ကို စတင်ထမ်းဆောင်ခဲ့တဲ့ ဂျွန်ဘောလ်တန်ဟာ ထရမ့်ရဲ့ အဓိကသစ္စာတော်ခံ တယောက်ဖြစ်တဲ့ နိုင်ငံခြားရေးဝန်ကြီး မိုက်ခ်ပွန်ပီယိုနဲ့လည်း တခါတရံ သဘောထား ကွဲလွဲတာတွေ ရှိခဲ့ပါတယ်။
လက်ရှိ လစ်လပ်သွားတဲ့ အမျိုးသားလုံခြုံရေး အကြံပေးရာထူးအတွက် ရေပန်းစားနေသူထဲမှာ ထရမ့်ရဲ့ မြောက်ကိုရီးယားဆိုင်ရာ သံတမန် စတီဖင် ဘီဂန်လည်း ပါတယ်လို့ ရိုက်တာသတင်းဌာနက ဖော်ပြပါတယ်။
DVB
No comments:
Post a Comment