မန္တလေးမြို့ ချမ်းမြသာစည်မြို့နယ် မြို့သစ် ၅ ရပ်ကွက် လမ်း ၇၀၊ ဒဿနလမ်းရှိ နေအိမ်တလုံးမှာ ဖောက်ခွဲရေး ပစ္စည်းတွေ၊ ယမ်းတွေ ဆက်သွယ်ရေးပစ္စည်းတွေနဲ့အတူ အေအေတပ်ဖွဲ့ဝင်လို့ ယူဆရသူ ၄ ဦးကို မနေ့က ဖမ်းဆီးရမိခဲ့တယ်လို့ ချမ်းမြသာစည်မြို့နယ် ရဲတပ်ဖွဲ့ ယာယီမြို့နယ်ရဲတပ်ဖွဲ့မှူး ရဲမှူး ဇော်ဝင်းနိုင်က ပြောပါတယ်။
အဲဒီနေအိမ်ကို သတင်းအရ သွားရောက် ရှာဖွေခဲ့တာဖြစ်ပြီး ဖိုးကျော်၊ အောင်လင်းထက်၊ ဦးမြတ်ခိုင်တို့ကို ကနဦး တွေ့ရှိခဲ့ပြီး သူတို့ကို စစ်ဆေးမှုတွေ လုပ်နေတဲ့အချိန် ချမ်းငြိမ်း ရောက်လာတဲ့အတွက် ဖမ်းဆီးရမိခဲ့တာလို့ ဆိုပါတယ်။
သူတို့နဲ့အတူ Satellite Phone (အသစ်) အလုံး (၄၀)၊ မှန်ပြောင်း အခု (၃၀)၊ ယမ်းတုံးအထုပ် (၂၈) ထုပ်၊ ဖောက်ခွဲရာမှာ အသုံးပြုတဲ့ ဒီတိုနီတာ ၁၀၀ ထုပ်ပါ (၁၀) ခု၊ ဆာလာအိတ်နဲ့ ထည့်ထားတဲ့ ယမ်းဖြူ ၅ အိတ် စတာတွေကို တွေ့ရှိသိမ်းဆည်းခဲ့တယ်လို့ ဆိုပါတယ်။
ဖမ်းဆီးထားတဲ့ ၄ ဦးကို အကြမ်းဖက်ဥပဒေ ပုဒ်မ ၅၀ (ဈ)/၅၁ (ဂ) တို့နဲ့ အမှုဖွင့်အရေးယူသွားမယ်လို့ သိရပါတယ်။
မန္တလေးမြို့မှာ လုံခြုံရေးအနေနဲ့ လှည့်ကင်း၊ ပတ်ကင်း၊ ဝပ်ကင်းတွေအပြင် မြို့ဝင် ဂိတ်တွေမှာလည်း စစ်ဆေးရေးလုပ်ငန်းတွေ ရှောက်တခင် ပြုလုပ်တာတွေ လုပ်ဆောင်နေတယ်လို့ သိရပါတယ်။
DVB
No comments:
Post a Comment