ဗစ်တိုးရီးယားလေးကို စစ်ဆေးဖို့အတွက် ကလေးသူငယ် စစ်ဆေးမှုဆိုင်ရာကျွမ်းကျင် တရားသူကြီးတဦးကို ပြည်ထောင်စု တရားလွှတ်တော်ချုပ်က တာဝန်ပေးအပ်ထားတယ်လို့ ဗစ်တိုရီးယား အမှုအတွက် တရားဆွဲဆိုခံထားရတဲ့ အောင်ကြီးရဲ့ ရှေ့နေ ဦးခင်မောင်ဇော်က DVB သတင်းဌာနကို အတည်ပြုပြောဆိုပါတယ်။
ဗစ်တိုးရီးယားအမှုမှာ တရားဆွဲဆိုခံထားရတဲ့ အောင်ကြီးကို စက်တင်ဘာ ၁၁ ရက်နေ့ နေပြည်တော် ဒဏ်က္ခိဏ ရိုင်တရားရုံးမှာ ရုံးထုတ်မှာဖြစ်ပြီး အဓိက နစ်နာခဲ့သူ အသက် ၃ နှစ်အရွယ် ဗစ်တိုရီးယားလေးအား စစ်းဆေးသွားမှာမို့ တရားရုံး ပြင်ဆင်မှုအခြေအနေနဲ့ပတ်သက်ပြီး မေးမြန်းမှုအပေါ် တရားလွှတ်တော် ရှေ့နေ ဦးခင်မောင်ဇော်က အခုလို ဖြေဆိုခဲ့တာပါ။
“တရားရုံးချုပ်ကနေပြီးတော့ တယောက် တာဝန်ပေးထားတယ်။ ကလေးသူငယ် စိတ်ပညာ တို့ နောက်ပြီးတော့ ကလေးသူငယ် တရားခွင်အတွင် သင်တန်းတွေပေါ့ဗျာ။ UNICEF တို့ကနေ သင်တန်းတွေ ပေးတာပေါ့ဗျာ။ အဲဒီသင်တန်းတွေကို တက်ထားတဲ့ တရားသူကြီးတစ်ယောက် အမျိုးသမီး တရားသူကြီးပါ။ သူက ကလေးနဲ့ အဓိက ဆက်ဆံမှာပါ” လို့ တရားလွှတ်တော်ရှေ့နေ ဦးခင်မောင်ဇော်က ဆိုပါတယ်။
ဗစ်တိုရီးယားလေးကို လာမယ့် စက်တင်ဘာ ၁၁ ရက်နေ့ တရားခွင်မှာ ဗွီဒီယို ကွန်ဖရင့်နဲ့ စစ်ဆေးမှာ ဖြစ်ပါတယ်။
တရားရုံနဲ့ တရားခွင် ကြောက်ရွံ့မှုမရှိစေဖို့အတွက် ပြီးခဲ့တဲ့ စက်တင်ဘာ ၉ ရက်နေ့က ဒက္ခိဏခရိုင်တရားရုံးမှာ ဗစ်တိုရီးယားလေးနဲ့ သူမအား အနီးကပ်တာဝန်ယူပေးမဲ့ သီးသန့်တရားသူကြီးတို့ ရင်းနှီးမှု တည်ဆောက်တဲ့အနေနဲ့ ထိတွေ့ဆက်ဆံမှုတွေ ပြုလုပ်ခဲ့တယ်လို့လည်း သိရပါတယ်။
“မနေ့ကတော့ ကလေးကို ရင်းနှီးအောင်လုပ်ပြီးတော့ ပြောတာဆိုတာတွေလုပ်တာပေါ့ဗျာ။ ကလေးနေမယ့် နေရာကို ပြပြီးရင်းနှီးမှုယူတာ။ ဒါပါဘဲ။ မနက်ဖန်မှာလည်း ကလေးမလေးဘေးမှာ သူရှိမယ်။ နောက်ပြီးတော့ ကလေးမလေး မိခင်ရယ်ရှိမယ်။ အဖေသည် ပင်လျှင် ရှိချင်မှရှိမယ်ဗျ”လို့လည်း ဦးခင်မောင်ဇော်က ဆိုပါတယ်။
နေပြည်တော်ရှိ Wisdom Hill ပုဂ္ဂိလက မူကြိုကျောင်းမှာ ပြီးခဲ့တဲ့ မေလက အသက် ၃ နှစ်အရွယ် မိန်းကလေးငယ် ဗစ်တိုးရီးယား မဖွယ်မရာပြုကျင့်ခံခဲ့ရတာပါ။
မိခင်ဖြစ်သူရဲ့ အမှုဖွင့်တိုင်ကြားချက်ကြောင့် ရဲတပ်ဖွဲ့အနေက စစ်ဆေးမှုတွေပြုလုပ်ခဲ့ပြီး ကားယာဉ်မောင်းဖြစ်သူ အောင်ကြီးအား ဒက္ခိဏခရိုင်တရားရုံးမှာ တရားဆွဲဆိုကာ အမှုကို စစ်ဆေးနေတာလည်း ဖြစ်ပါတယ်။
အောင်ဆန်းဦး
DVB
No comments:
Post a Comment