မွန်ပြည်နယ် ရေးမြို့နယ်အတွက် အနယ်နယ်အရပ်ရပ်က ရေဘေးသင့်ပြည်သူများအတွက် လှူဒါန်းထားတဲ့ ကျန်ငွေ သိန်း ၁၃၀၀ ကျော်ကို ပြန်လည်ထူထောင်ရေးလုပ်ငန်းတွေမှာ အသုံးပြုသွားမယ်လို့ မြို့နယ် သဘာဝဘေးအန္တရာယ်စီမံခန့်ခွဲရေး ကော်မတီက ပြောပါတယ်။
အနယ်နယ်အရပ်ရပ်က လှူဒါန်းထားတဲ့ လက်ကျန်ငွေ ကျပ်သိန်း ၁၃၀၀ ကျော်ကို မြို့နယ်သဘာဝဘေး အန္တရာယ်စီမံခန့်ခွဲရေးကော်မတီရဲ့ ဆုံးဖြတ်ချက်တွေနဲ့အညီ အရေးပေါ် သက်ကယ်လှေငယ်တွေ ဝယ်ယူပြီး ရပ်ကွက်တွေမှာ ပြန်လည်ထားရှိပေးသွားမယ်လို့ ဆိုပါတယ်။
တခြားမြို့နယ်တွေက အခုအရေးပေါ်သက်ကယ်လှေငယ်တွေ လာရောက်လှူဒါန်းထားတဲ့ လှေတွေကို ဒေသခံတွေက ရှေးဟောင်းကျုံးတော်ကြီးမှာ စမ်းသပ်မောင်းလေ့ကျင့်နေကြပါတယ်။
အခုရေဘေးသင့်ပျက်စီးနေတဲ့ ကျောက်မိကျောင်းကျေးရွာ (တောင်) ရှိ စာသင်ကျောင်း ၁ ကျောင်းအတွက်တော့ သီးသန့်ငွေ ကျပ်သိန်း ၈၀၀ လောက် ရရှိထားပြီး ကျောင်းဆောက်လုပ်ဖို့ပြင်ဆင်ထားတယ်လို့ သဘာဝဘေးစီမံခန့်ခွဲရေးကော်မတီက ပြောပါတယ်။
DVB
No comments:
Post a Comment