၁၉၉၀ နဲ့ ၂၀၁၅ ဘာတွေတူ ဘာတွေခြားနား

မြန်မာ့နိုင်ငံရေး သမိုင်းမှာ ရွေးကောက်ပွဲလုပ်ပေးတဲ့ အစိုးရက ဖြစ်စေချင်တာနဲ့လုံးဝခြားနား ကွဲပြားအောင် မဲတစ်ပြားတစ်ပြားစီပေးပြီး ဆန္ဒပြခဲ့.. အဲလေဆန္ဒပြုခဲ့တဲ့ သမိုင်းဝင် ရွေးကောက်ပွဲကြီး နှစ်ခုရှိခဲ့ပါတယ်။ အားလုံးသိတဲ့အတိုင်း၁၉၉၀ ရွေးကောက်ပွဲနဲ့ ၂၀၁၅ ရွေးကောက်ပွဲများပါပဲ။ ဒီနှစ်ခုမှာ တူတာတွေလည်းမနည်း၊ ကွဲတာတွေလည်း ကွဲဆိုတာတွေ့ရ ပါတယ်။

ပထမဆုံးတူတာတွေ နည်းနည်းပြောကြည့်ရမယ် ဆိုရင် ဒီရွေးကောက် ပွဲကြီးများကိုအစိုးရကလုပ်ပေးရာမှာ အနည်းဆုံး သူတို့ဆန္ဒနဲ့တော့ ပြောင်းပြန်ကြီး ဖြစ်မသွားလောက်ဘူး၊ သို့မဟုတ် မဖြစ်စေရဘူးဆိုတဲ့ မျှော်လင့်ချက်နဲ့ လုပ်ပေးခဲ့ကြတာဆိုတာ တွေ့ရပါတယ်။

၉၀ ရွေးကောက်ပွဲမှာဆိုရင် အစိုးရက သူတို့လိုလားတဲ့မဆလတစ်ဖြစ် လဲ တစညပါတီအနိုင်ရပြီး အာဏာလွှဲလိုက်ခြင်းနဲ့ တရားမ၀င်အာဏာသိမ်း အစိုးရကနေ တရားဝင် ရွေးကောက်တင်မြှောက်ခံ အစိုးရဘ၀ကိုပြောင်းနိုင်မယ်လို့ ယုံကြည်ပြီး လုပ်ပေးခဲ့တာပဲလေ။ ဒီလိုပဲ ၂၀၁၅ရွေးကောက်ပွဲမှာလည်း တစ်မတ်သား တပ်မတော်သားများနဲ့ ပေါင်းပြီး ၅၁ရာခိုင်နှုန်းနဲ့ အစိုးရဖွဲ့ဖို့ ၂၆ ရာခိုင်နှုန်းရရင်ပဲ အဆင်ပြေပြီလို့ဗြောင်ဖွင့်ပြောခဲ့တဲ့အထိ ရှိခဲ့တာပါပဲ။ နောက်တူတာ တစ်ခုကတော့

ဒီရွေးကောက်ပွဲမှာ ဥပဒေနဲ့မညီတာ၊ တရားမဲ့လုပ်တာတွေ အနည်းအပါး ရှိခဲ့ပေမယ့်ရွေးကောက်ပွဲနှစ်ခုစလုံးဟာ လွတ်လပ်မျှတပြီး ပြည်သူ့ဆန္ဒ ဖော်ဆောင်နိုင်တဲ့ရွေးကောက်ပွဲလို့ ဆိုနိုင်တာပါပဲ။ ဟဲဟဲ၊ ဒိုင်လူကြီးများဖြစ် တဲ့ ရွေးကောက်ပွဲကော်မရှင်များ တော်၊ တော်၊ တော်၊ တော်လို့ မြည်တမ်း ရလောက်အောင်တော်ပါပေတယ်လို့ မှတ်တမ်းတင်ရမှာကလည်း အတူတူပဲ ဖြစ်မှာပေါ့ခင်ဗျ။

၉၀ခုနှစ် ကော်မရှင်ကတော့ မဲစာရင်းမလုပ်ရတဲ့အတွက် နာမည်ပျက်သက် သာခဲ့ပြီးအမှားတွေ ရိုက်ထည့်သမျှ အမှန်ပြင်ဆင် ထုတ်မပြတတ်ဘဲ နာမည်ပျက်အရှက်ရအောင်လုပ်တဲ့ ကွန်ပျူတာဆိုတာကြီး အဲဒီတုန်းက မြန်မာပြည်ကိုများများစားစား ရောက်မလာသေးပဲကိုးဗျ ဟဲဟဲ။

ရွေးကောက်ပွဲပြီးရင် အစိုးရကြိုက်ပါတီက သူတို့နိုင်မယ်လို့ ယုံကြည်ကြရာ မှာတော့ပြောခဲ့တဲ့အတိုင်း နှစ်ခုစလုံးမှာအတူတူ ပါပဲ။ ၁၉၉၀ မှာက အတိုက်အခံမဲဆွယ်မှုတွေကို ပိတ်ပင်ထားပြီး အစိုးရမီဒီယာနဲ့ သတင်းစာတွေက တစညကိုတစ်ဖက်သတ် မဲဆွယ်ပေးတဲ့ ဗျူဟာကိုသုံးခဲ့ပြီး ၂၀၁၅ မှာတော့ ငွေချေးပေးတာ၊ထောက်ပံ့ကြေး ဝေတာအပြင် ဘာသာရေးမှိုင်းတိုက်ပြီး အန်န်အယ်လ်ဒီကိုဗြောင်တိုက်ခိုက် စေတာမျိုးအထိ လုပ်ခဲ့ပါတယ်။ ဒီလိုတွေလုပ်လို့ သူတို့အပြတ်အသတ် နိုင်ဖို့တော့ မျှော်လင့် မှာ မဟုတ်ပေမယ့် သူတို့ အစိုးရဖွဲ့နိုင်မယ့် ၂၆ရာခိုင်နှုန်းဆိုတာ တော့ အသာရမယ်လို့ တွက်ခဲ့ပုံပေါ်ပါတယ်။ ၉၀ ခုနှစ်မှာဒီမိုကရေစီပါတီ တွေ မဲကွဲအောင်လို့ ပါတီတွေ အများကြီး ထောင်ခွင့်ပြုပြီးပြည်သူတွေကို စဉ်းစားရွေးချယ်စရာတွေ အများကြီး ဖန်တီးပေးခဲ့တယ်။ 

၂၀၁၅မှာတော့ အဲဒီဗျူဟာမျိုးအပြင် ဒီမိုကရေစီပါတီတွေကို မကြိုက်ရင် ရွေးချယ်နိုင်ဖို့တတိယ အင်အားစုပုံစံနဲ့ ပါတီတွေလည်း များများပါဝင်လာ စေတာ တွေ့ရပါတယ်။

ဒီလို ကွဲပြားပေမယ့်လည်း ပြည်သူကတော့ သိပ်စဉ်းစားမနေပါဘူး။ ပြတ်သားပါတယ်။ မဲကွဲလို့မဖြစ်ဘူး။ တခြားဟာပေးလို့ မဖြစ်ဘူးဆိုတာကို သိနေကြတာပါပဲ။

ဒီတော့ ၉၀ နဲ့ ၂၀၁၅ မှာ တူညီတာတစ်ခုကတော့ ပြည်သူက “မဲ” ပြီး ၀ိုင်း “ထည့်”လိုက်ရာမှာ တောင်ပြိုကမ်းပြို အနိုင်ရခဲ့တာပါပဲ။ ပြိုတာမှ ကြံ့ခိုင်ကြီးမားလှတယ်ဆိုတာ အစိမ်းရောင် တောင်တန်းကြီးတွေတောင် အနယ်နယ်အရပ်ရပ်မှာပြိုကုန်တာပါပဲဗျာ။

၂၀၁၅မှာ ဦးလှဆွေတို့လို ကြံ့ခိုင်ရေးကိုယ်စားလှယ်မျိုးတွေက အန်န်အယ်လ်ဒီနိုင်နိုင်တယ်ဆိုတာကို လုံးဝလက်မခံဘဲ ငြင်းခဲ့တဲ့ အသံမျိုးတွေ အမြဲကြားခဲ့ရပါတယ်။ ဒီတော့ ၉၀ ခုနှစ်တုန်းက ပျော်ဘွယ်ကနေ အရွေးခံခဲ့တဲ့ တစညကိုယ်စားလှယ်ကြီး တစ်ဦးကို သတိရမိပါတယ်။ အဲဒီပုဂ်္ဂိုလ်ကြီးဟာ အစိုးရအရာရှိဟောင်းဖြစ်ပြီး သူနိုင်မယ်လို့ ရဲရဲယုံကြည်နေခဲ့သူပါ။ ၉၀ ခု မေလမှာရွေးကောက်ပွဲအတွက် မြို့ကိုရောက်လာချင်းပဲ အခြေအနေ ဘယ်လိုရှိလဲမေးတော့မြို့ခံသူ့ပါတီဝင်များက ကျွန်တော်တို့ နိုင်မှာပါလို့ဖြေသတဲ့။ အဲဒီတော့ကိုယ်စားလှယ်လောင်းကြီးက “နိုင်မှာတော့ ငါလည်း သိတာပေါ့ကွ၊ ဒါပေမဲ့မင်းတို့တစ်တွေ မဲရုံအလိုက် ဘယ်လောက်ရာ ခိုင်နှုန်းနဲ့ နိုင်နိုင်တယ်ဆိုတာစစ်တမ်းလုပ်ထားတာ မရှိဘူးလား”လို့ မေးပါသတဲ့။ တပည့်ကျော် များကလည်း“အဲဒါ ရပါတယ်ဆရာ၊ ညတွင်းချင်း လုပ်လိုက်ပါမယ်”လို့ ပြောသတဲ့။ (ကဲဗျာ၊ကွန်ပျူတာမလိုဘဲ ချက်ချင်း လုပ်ပြနိုင်တဲ့ တော်ချက်)။ ညတွင်းချင်း လုပ်ပြီးပေးတဲ့အခါ “အေး၊ ဒီလိုမှပေါ့ကွ” လို့ လူကြီးမင်းက ချီးကျူးပါသတဲ့။

ဒါပေမဲ့ ရွေးကောက်ပွဲနေ့ကျတော့ မဲရေချိန်မှာ မဲရုံတွေလိုက်ကြည့်တော့ရုံတိုင်းမှာလိုလို ရှုံးတာတွေ့ရသတဲ့။ ဒီတော့ မျက်နှာကောင်း မရရှာတဲ့ ဒေသခံတပည့်များက “ဆရာရယ်၊ မြို့ပေါ်တော့ ကြည့်မနေပါနဲ့တော့၊ နယ်က ကျွန်တော်တို့အပိုင် စည်းရုံးထားတဲ့ရွာတွေ သွားကြည့်ရအောင်ပါ” လို့ ပြောပြီး သူတို့ရဲ့အမာခံရွာတစ်ရွာကို ခေါ်သွားပါသတဲ့။ ဟိုရောက်တော့ မဲရုံကမဲရေပြီးစ ဖြစ်နေတာမို့သူတို့ပါတီရဲ့ မဲရုံကိုယ်စားလှယ်ကို အခြေအနေ ဘယ်လိုလဲလို့လှမ်းမေးလိုက်ပါသတဲ့။ အဲဒီတော့ မဲရုံကိုယ်စားလှယ်က ၀မ်းသာအားရ အော်ကြီးဟစ်ကျယ် ပြန်ဖြေလိုက်ပါသတဲ့။ ဖြေလိုက်ပုံက တော့ “ဟာ၊ ကျွန်တော်တို့အခြေအနေ သိပ်ကောင်းတယ်ဆရာ၊ ကျွန်တော် တို့ ဒုတိယရတယ်” တဲ့။ အင်း၊အခုလည်း ရွေးကောက်ပွဲ မတိုင်ခင်က “ကျွန်တော်တို့ အခြေအနေ ကောင်းမှာပါ”ဆိုတဲ့ အသံမျိုးကြားတိုင်း ကျွန်တော် အဲဒီ “ဒုတိယရတယ်” ဆိုတဲ့ ဇာတ်လမ်းကို

သတိရနေမိတာပါပဲ။

ဒီလို နိုင်မှာသေချာတယ် ထင်တာတူပေမယ့် ၉၀ ခုနှစ်မှာ အစိုးရမီဒီယာ များကဒီမိုကရေစီအင်အားစုတွေကို တစ်ဖက်သတ်ရေးတဲ့ ဆောင်းပါးတွေနဲ့ ဖိနှိပ်ခဲ့ပြီး၂၀၁၅ မှာတော့ မီဒီယာများက ရွေးကောက်ပွဲ တရားမျှတရေးကို ၀ိုင်းထိန်းကျောင်းခဲ့ကြတယ်လို့ ဆိုနိုင်ပါလိမ့်မယ်။ မီဒီယာများရဲ့ဖိအားက အတော်ပြင်းထန်တာမို့ရွေးကော်ဥက္ကဋ္ဌကြီးက ဒိုင်လူကြီးလည်း ဒဏ်ရာတွေနဲ့ ရင်ဖွင့်တာ ဖြစ်ပါလိမ့်မယ်။

နောက်ဆုံးမှာ ဒီဖိအားကို တန်ပြန်ရာမှာ ဖေ့စ်ဘုတ်မှာ “ကြေးစားဆဲဆို ကျိန်ဆဲရေးတပ်မကြီး” နဲ့ ပြန်ပစ်တာတောင် မရတော့ ဘက်မလိုက်ပါ ဘူးဆိုတဲ့ သတင်းစာတို့၊ရုပ်မြင်သံကြားတို့ကို ပြောင်ပြောင်သုံးပြီး ရွေးကောက်ပွဲ မ၀င်ပါဘူးဆိုတဲ့သမ္မတကြီးကိုယ်တိုင် တီဗီမင်းသားလုပ်ပြီး ၀င်လှုပ်ရှားရတဲ့ အဖြစ် ရောက်ခဲ့ရရှာတာပါပဲ။

ဘယ်သူတွေ ဘာတွေရေးပြီး ဘာတွေပြောပြော ပြည်သူကတော့ ငါတို့ဒါပဲရွေးရမှာပဲဆိုတဲ့ ဘ၀ပေး အသိကရတဲ့ နိုင်ငံရေးအမြင်နဲ့ တညီတညွတ်တည်းဝိုင်း “ထည့်” လိုက်ပုံကတော့ ၉၀ ရော ၂၀၁၅ ပါ အတူတူပါပဲ။ ဒါပေမဲ့ မတူတာတစ်ချက်က ၉၀ ခုနှစ်မှာ အစိုးရက ရွေးကောက်ပွဲ လုပ်ပေးသူဖြစ်ပြီး သူကဒိုင်လူကြီးပါလို့ သူဘာသာ ခရာဝင်မှုတ်ရာမှာ သူ့လူရင်း တစညနဲ့ အန်န်အယ်လ်ဒီတို့ အဓိကပြိုင်ခဲ့ရတာ ဖြစ်ပါတယ်။ ၂၀၁၅ ကတော့ ရွေးကောက်ပွဲ လုပ်ပေးသူအစိုးရကိုယ်တိုင် အင်တိုက် အားတိုက် ၀င်ပြိုင်တဲ့ ရွေးကောက်ပွဲမှာ အန်န်အယ်လ်ဒီအပါအ၀င် ဒီမိုကရေစီ အင်အားစုများနဲ့ ယှဉ်ရတဲ့ပွဲဖြစ်တာပါ။ ၉၀ ခုနှစ်မှာအာဏာလွှဲပြောင်းရေး လုပ်ငန်းစဉ် မရှိတဲ့အတွက် ၀ိုင်းဝန်းတောင်းဆို ကြရာမှာအဲဒီကာလ ဗိုလ်ချုပ်မှူးကြီး စောမောင်က ဘာလို့ ဒါချည်း မေးမေးနေရတာလဲ၊နိုင်တဲ့လူကို လွှဲရုံပေါ့ဗျလို့ ဖြေခဲ့ပေမယ့် မလွှဲခဲ့နိုင်တာ အားလုံးအသိပါပဲ။

၂၀၁၅ ကတော့ ဒီလိုမဟုတ်ပါဘူး။ အာဏာ ဘယ်လိုလွှဲရမယ်၊ ရွေးကောက်ပွဲအပြီးရက် ၉၀ အတွင်း လွှတ်တော်ကို ခေါ်ယူပေးရပါမယ် ဆိုတာမျိုးတွေ ဥပဒေနဲ့ပြဋ္ဌာန်းပြီးသား အဆင်သင့်ရှိနေပါတယ်။ ဒါကို မလိုက်နာရင် အရေးယူရမယ့်ဥပဒေတွေလည်း အဆင်သင့်ရှိနေပါတယ်။ ပြီးတော့ ၂၀၁၅ မှာ ရှုံးနိမ့်သူများဟာ ၉၀တုန်းက ရှုံးခဲ့သူတွေနဲ့ မတူဘဲ ရှုံးကြောင်း ရဲရဲ ၀ံ့ဝံ့ ၀န်ခံရဲသူတွေပါဗျာ။ ရှုံးရင်လည်းတကယ်ရှုံးကြောင်း၊ နိုင်ရင်လည်း အပီအပြင်နိုင်ကြောင်း ပြနိုင်ဖို့ နိုင်ငံတကာစောင့်ကြည့် လေ့လာသူတွေကိုတောင် နိုင်ငံထဲဝင်ပြီး မှတ်တမ်းတင်ခွင့်စိစစ်ဝေဖန်ခွင့် ပေးထားခဲ့တာပဲ။ ပြီးတော့ အရင်ကဆို ပြည်သူက ရွေးကောက်တင်မြှောက်ထားတဲ့ သမ္မတကြီးမျိုးမရှိလို့သာ အာဏာရှင် လုပ်သမျှ ခံခဲ့ကြရတာမဟုတ်လား။ အခု ကျွန်တော်တို့ သမ္မတကြီးက အနိုင်ရသူကို အာဏာလွှဲပေးပါမယ်လို့ ပြောနေတာရှိသလို ကာကွယ်ရေး ဦးစီးချုပ်ကလည်း ပြည်သူ့ဆန္ဒကိုလေးစားလိုက်နာပါမယ်လို့ ဆိုထားတာ အားလုံး ကြားပြီးကြ ဖြစ်မှာပါ။

ပြီးတော့ ၁၉၉၀ မှာ အာဏာလွှဲခဲ့ရရင် ဒီမိုကရေစီအင်အားစုများ လက်ကိုအကန့်အသတ်မဲ့ လွှဲလိုက်ရမှာ ဖြစ်ပြီး အခုတစ်ခါ လွှဲတာကတော့ အခြေခံဥပဒေအရ“ငါးနှစ်တာကာလလေး” သာ ဖြစ်ပါတယ်။ ဒါကိုလည်း ရှုံးနိမ့်ပါတီဥက္ကဋ္ဌကြီးဦးဌေးဦးက သဘောပေါက်ပါတယ်။ “ဒီမိုကရေစီဆိုတာ ဒီလိုပါပဲ။ သူတစ်လှည့်ကိုယ်တစ်လှည့်ပါပဲ” လို့ သဘောထားကြီးစွာ မီဒီယာနဲ့ပြောတာကို ကြားလိုက်ရပါတယ်။ ဘယ်လောက်များ သဘောထားကြီးလဲဆိုရင် “အတိုက်အခံ” တောင်မဟုတ်ပါဘူးတဲ့။ လိုအပ်သလို ပူးပေါင်းဆောင်ရွက်မယ့် “လုပ်ဖော်ကိုင်ဖက်”များအဖြစ်သာ ရပ်တည်မယ်လို့ ဆိုပါတယ်။ ဒီလို ကြားရတာ ကျွန်တော်တို့ကလည်းဝမ်းသာပါတယ်။ လုပ်ဖော်ကိုင်ဖက်မို့ ရင်းနှီးချစ်ခင်သူတွေဆိုတော့လည်း လွှတ်ခနဲစော်ကားပြောဆိုမိတာတို့၊ သဘောရိုးနဲ့ မိတ္တူဆိုင်ပို့ပြီး အဖုံးလှပ်မိတာတို့လုပ်မိကြတာဖြစ်ပြီး ကျွန်တော်တို့ ဘက်ကလည်း ဒါကိုလုပ် ဖော်ကိုင်ဖက်တွေပဲဆိုပြီး နားလည်ခွင့်လွှတ်ပေးလို့ ရပါတယ်။ ဒီ “လုပ်ဖော်ကိုင်ဖက်” ကြီးများ လွှတ်ခနဲလွှတ်ခနဲ ပြောခဲ့တာတွေကြောင့် ရခဲ့တဲ့ မဲတွေကလည်း နည်းမှနည်းတာမဟုတ်တော့ ကျေးဇူးတင်ရသေးတာကိုး။

ပြီးတော့ ရှုံးနိမ့် ပြည်ခိုင်ဖြိုးကိုယ်စားပြု လူသိထင်ရှား ပုဂ်္ဂိုလ်တချို့ကဆိုစာပဲရေးတော့မယ်လို့ အသံထွက်နေတာလည်း ကြားရပါတယ်။ အင်း၊ ဒီတော့စဉ်းစားမိတာကသူတို့ အစိုးရဖြစ်ချိန် ကျွန်တော်တို့တစ်တွေ ဝေဖန်ခဲ့၊ ထောက်ပြခဲ့၊ကလိခဲ့၊ ရိခဲ့တဲ့ အခွင့်အရေးများကို သူတို့လည်း အားကျလိုချင်နေပုံရပြီးကျွန်တော်တို့ အစိုးရဖြစ်ချိန် ကျွန်တော်တို့လို တုံ့ပြန်“သမ”ဖို့ ချဖို့ အသင့်များပြင်နေကြသလား စဉ်းစားစရာ ဖြစ်လာပါတယ်။ ဒါဆိုလည်း ရပါတယ်။ ဥပဒေနဲ့အညီချောချောမွေ့မွေ့ အာဏာလွှဲပေးမှတော့ လွှတ်ခနဲ ဆောင်းပါးရေးခွင့်တို့၊ သဘောရိုးနဲ့အပြောဆိုးဆိုးတွေ မီဒီယာကတစ်ဆင့် ပြောခွင့်တို့၊ ဒီနေ့ ကြေးမုံနဲ့ မြန်မာ့အလင်းမှာ“မရယ်ရဆုံး ခပ်တုံးတုံးကာတွန်းများ” ရေးဆွဲနေကျ ကာတွန်းဆရာများကိုခေါ်သုံးပြီး ဆော်ခွင့် လော်ခွင့်တို့ကို တစ်ပြန်တစ်လှည့် လွှဲပေးဖို့ ကျွန်တော်တို့ကလည်း နည်းနည်းမှ ၀န်လေးစရာ မရှိနိုင်ပါဘူး။ ဒီတော့လည်း အပြန်အလှန်လွှဲကြတာပေါ့ ခင်ဗျလို့ “လုပ်ဖော်ကိုင်ဖက်” ကောင်း ပြိုင်ဘက်ဟောင်းလူကြီးမင်းများကို တကယ့်သဘောရိုး အစစ်အမှန်နဲ့ တုံ့ပြန် လိုက်ချင်ပါတယ်ခင်ဗျား။

ရီနေနိုင်

The Ladies News Journal