တောကြီးမျက်မည်းထဲက မထွက်နိုင်ခင်မှာ လွတ်ပြီလို့ မအော်ကြပါနဲ့

(တစ်)

ကျုပ်စကားပြောရင် စာရေးရင် အညာသားပီပီ ကြားဖူးနားဝ ပုံတိုပတ်စ ၊ ဥပမာ ဥပမေယျလေး ထည့်ပြောရမှ ပြည့်စုံတယ်လို့ အောက်မေ့တာ ကလား။ ဟုတ်တယ်ဗျ။ အထူးသဖြင့် အာဏာရှင်မျိုးဆက် အစိုးရမင်းများ အကြောင်း စဉ်းစားမိရင် ကျုပ်ခေါင်းထဲမှာ ပုံတိုပတ်စတွေ အစီအရီ ပေါ်လာတတ်လေရဲ့။

ပြီးခဲ့တဲ့ ရွေးကောက်ပွဲမှာ လူထုအကြီးအကျယ် ထောက်ခံတဲ့ အတိုက်အခံ ပါတီကြီး အနိုင်ရပြီဟေ့ဆိုတဲ့ သတင်းလည်း ကြားရော ကျုပ်ခေါင်းထဲကို ဒိုင်းခနဲ ဝင်ဆောင့်လာတာကတော့ ဖိုးသူတော် ပုံပြင်တစ်ပုဒ်ပဲဗျ။

တစ်ခါတုန်းက သီလကြောင် ဖိုးသူတော်တစ်ယောက်ဟာ ကျောင်းနဲ့ မလှမ်းမကမ်းမှာရှိတဲ့ လယ်ကွင်းထဲက လယ်ပုစွန်လုံးတွေကို မြင်တော့ ချက်စားလိုက်မဟဲ့ဆိုတဲ့ ရည်ရွယ်ချက်နဲ့ လယ်ကွက်ထဲဆင်း ပုစွန်လုံးတွေကို ဖမ်း၊ ခါးပိုက်ထောင်ထဲ ထည့်ပြီး ကျောင်းကို ပြန်လာသတဲ့။ ကျောင်းနားကန်နားမှာ မှီခိုရတဲ့ ဖိုးသူတော်ဆိုတော့ သူတစ်ပါးအသက်ကို သတ်ခြင်းဟာ ကံငါးပါးထဲက ပါဏာတိပါတာ ကံထိုက်မှာကို ရှောင်လွှဲတဲ့ အနေနဲ့ အဲဒီပုစွန်လုံးတွေကို ဝိနည်းလွတ် ချက်စားနိုင်ဖို့ ဥာဏ်နီဥာဏ်နက် ထုတ်သတဲ့။

အဲဒီ ဖိုးသူတော် ရွှေဥာဏ်တော် စူးရောက်လိုက်ပုံက မီးဖိုပေါ်မှာ ရေနွေးအိုး ကျိုက်ကျိုက်ဆူအောင် တည်ပြီး အဲဒီရေနွေးအိုး ဟိုဘက်ဒီဘက် အိုးနှုတ်ခမ်း ပေါ်ကို တုတ်တိုတစ်ချောင်း ဖြတ်တင်ပြီး လယ်ပုစွန်လုံးတွေကို ဖြတ်လျှောက် စေသတဲ့။ ပြီးတော့ သူက ပုစွန်လုံးတွေကို ပြောလိုက်သေး တယ်။ မင်းတို့ ဟိုဘက်အိုး နှုတ်ခမ်းကို ရောက်အောင် ဖြတ်လျှောက်နိုင်ရင် ဇီဝိတဒါနအဖြစ် မင်းတို့အသက်ကို လွှတ်ပါသကွာ။ တကယ်လို့ ဟိုဘက် နှုတ်ခမ်း မရောက်ခင် အိုးထဲပြုတ်ကျရင်တော့ မင်းတို့ထိုက်နဲ့ မင်းတို့ကံပေပဲ…တဲ့။

(နှစ်)

ဒီလောက် ကျိုက်ကျိုက်ဆူပြီး အငွေ့တထောင်းထောင်း ထနေတဲ့ အပူငွေ့တွေ ကြားမှာ ခနော်ခနဲ့ တုတ်ချောင်းပေါ်ကို ဘယ်ပုစွန်လုံးက ဖြတ်လျှောက်နိုင်မတုံးဗျာ။

ရေနွေးအိုးထဲ တဖြုတ်ဖြုတ်ပြုတ်ကျပြီး မာလကီးယား ကုန်ကြရတာပေါ့။

ဖြစ်ချင်တော့ အဲဒီလယ်ပုစွန်လုံးတွေထဲက အကြီးဆုံးပုစွန်လုံးတစ်ကောင် ဟာ ဖိုးသူတော်ရဲ့ ကလိမ်စေ့ငြမ်းဆင်တဲ့ စိန်ခေါ်ချက်ကို ရင်ဆိုင်၊ ရေနွေးငွေ့ အပူရှိန်ကြားကနေ တုတ်ချောင်းပေါ် ဖြတ်လျှောက်ပြီး အိုးဟိုဘက်နှုတ်ခမ်း အထိ အောင်မြင်စွာ ကူးသွားနိုင်ခဲ့သတဲ့။

ဒီမှာတင် အကြီးဆုံး ပုစွန်လုံးကို စားချင်ဇောနဲ့ သားရေကျနေတဲ့ ဖိုးသူတော် နောက်ထပ်ထုတ်လိုက်တဲ့ ဥပဒေကတော့…၊ မင်းက အကောင်ကြီးတယ်၊ နောက်တစ်ခေါက် ထပ်လျှောက်တဲ့ဗျာ။ တိုတိုပြောရရင် နောက်တစ်ခေါက် ထပ်လျှောက်တော့ အဲဒီပုစွန်လုံးကြီးလည်း သေရရှာတာပေါ့။

အဲဒီပုံပြင်နဲ့ တစ်ထပ်တည်းပါပဲဗျာ။ ဟိုးလွန်ခဲ့တဲ့ ၂၅ နှစ် ၁၉၉၀ တုန်းက နိုင်ငံနဲ့အဝှမ်း ရွေးကောက်ပွဲကြီး ခြိမ့်ခြိမ့်သဲသဲ ကျင်းပပြီး အတိုက်အခံပါတီ ကြီးလည်း အနိုင်ရရော…. ရွေးကောက်ပွဲလုပ်တာဟာ အာဏာလွှဲပေးဖို့ မဟုတ်ဘူး။ ဖွဲ့စည်းပုံ အခြေခံဥပဒေ ရေးဆွဲဖို့သာဖြစ်တယ်လို့ အခုလက်ရှိ အာဏာရ အစိုးရမင်းများရဲ့ ခေါင်းကိုင်ဖခင်ကြီးများက နှစ်ခေါက် ပြန်လျှောက်ခိုင်းခဲ့ဖူးတယ်လေ။

ဒါတင် ဘယ်ကဦးမတုံး။ ၂၀၀၃ ခုနှစ်တုန်းက ဒီပဲယင်းမှာ အတိုက်အခံပါတီ ခေါင်းဆောင်ကို မသေမချင်း ရိုက်သတ်ဖို့ လမ်းညွန်ခဲ့သူဟာ အခုစာဖတ် နေပါတယ်ဆိုတဲ့ ဂိုဏ်းချုပ်ကြီးပဲလို့ သူတို့ဂိုဏ်းဝင် အချင်းချင်း ပြန်ဖော်နေ ကြလေရဲ့။

(သုံး)

အမှန်တော့ သူတို့ဟာ သူတို့ ဘေးလောင်းတော် ဘိုးလောင်းတော်၊ ၁၉၆၂ ခုနှစ် တော်လှန်ရေးကောင်စီ ဥက္ကဋ္ဌကြီးရဲ့ ခြေရာကို ပုံတူလိုက်နင်းတာ ပေါ့ဗျာ။ ဒီမောင်တွေရဲ့ ညစ်လုံးတွေကို ဇာတ်စုံခင်းရရင် တစ်ထောင့်တစ်ည ပုံပြင်လိုဖြစ်တော့မှာမို့ လိုတိုရှင်းပဲ ပြောပါရစေတော့။ ဒင်းတို့ဟာ ဘမျိုးဘိုးတူ ရာဇဝင်လေးနဲ့ခင်ဗျ။

ဟုတ်တယ်လေ။ အဲဒီဥက္ကဋ္ဌကြီး ခေါင်းဆောင်တဲ့ အိမ်စောင့်အစိုးရဟာ တော်လှန်ရေးကောင်စီ ဖြစ်လာတယ်။ တော်လှန်ရေးကာင်စီကနေ မြန်မာ့ဆိုရှယ်လစ် လမ်းစဉ်ပါတီကို အာဏာရပါတီကြီး ဖြစ်လာအောင် ရွက်ဖျဉ်တဲထဲ သစ်ကုလားအုတ် ဝင်သလိုမျိုး တစ်ဆင့်ပြီးတစ်ဆင့် ကလိမ်ကကျစ် ကျခဲ့တာပါပဲ။

၁၉၆၂ နဲ့ ၁၉၈၈ ခုနှစ်တွေမှာ အာဏာသိမ်းတော့လည်း တောင်သူလယ် သမား ကျောမွဲလူတန်းစားတွေ ကောင်းစားဖို့၊ တိုင်းပြည်ငြိမ်ဝပ်ပိပြားဖို့ ဆိုတဲ့ လေသံပစ်တာချင်းလည်း တစ်ထပ်တည်း တူညီတယ်ခင်ဗျ။ ရဟန်းသံဃာ၊ တောင်သူလယ်သမား ကျောင်းသားနဲ့ ပြည်သူတွေကို ရက်ရက်စက်စက် ပစ်ခတ်နှိမ်နှင်းတဲ့ နေရာမှာလည်း ခြေရာတူ လိုက်နင်းခဲ့တာပါပဲ။

မြန်မာ့ ဆိုရှယ်လစ်လမ်းစဉ်ပါတီကို အမြုတေပါတီကနေ ပြည်သူ့ပါတီအဖြစ် ကူးပြောင်းတာနဲ့ ပုံစံတူ တိုင်းပြည်ဘဏ္ဍာငွေတွေနဲ့ တည်ထောင်ထားတဲ့ ကြံ့ခိုင်ဖွံ့ဖြိုးရေး လူမှုရေးအသင်းကြီးကိုလည်း နိုင်ငံရေးပါတီအဖြစ် ဇွတ်အတင်း ကူလီကူမာနည်းနဲ့ အသွင်ပြောင်းခဲ့တာလည်း တစ်ပုံစံတည်းပါပဲဗျာ။

၂၀၀၈ ခုနှစ်တုန်းက နာဂစ်မုန်တိုင်းဒဏ်ကြောင့် မြန်မာတစ်ပြည်လုံး မသာအိမ်လို ဖြစ်နေတဲ့အချိန်မှာ ဒင်းတို့ စိတ်တိုင်းကျ တစ်ဖက်သတ်ရေး ဆွဲထားတဲ့ ဖွဲ့စည်းပုံ အခြေခံဥပဒေကြီးကို အတည်ပြုခဲ့တာ မှတ်မိကြဦးမှာပါ။ အဲဒီလုပ်ရပ်ဟာ ၁၉၈၈ ခုနှစ် တစ်တိုင်းပြည်လုံး ခြွတ်ခြုံကျပြီး ကမ္ဘာ့အဆင်း ရဲဆုံး နိုင်ငံစာရင်း ဝင်နေချိန်မှာ ငွေစက္ကူတွေကို တရားမဝင်ကြောင်း ကြေညာခဲ့တာ၊ မဆလခေတ် (၁၉၇၄)တုန်းက ဖွဲ့စည်းပုံ အခြေခံဥပဒေကို အတည်ပြုတုန်းကလည်း မဲမသမာမှုတွေ လုပ်ခဲ့တာတွေကို ပြန်ပြောင်း သတိရစရာပါပဲ။

နောက်တစ်ချက်က သူတို့အာဏာရနေစဉ် ကာလတစ်လျှောက်လုံးမှာ လုပ်ခဲ့သမျှ ဆန္ဒခံယူပွဲ၊ ရွေးကောက်ပွဲမှန်သမျှ အကြံအဖန်လုပ်ပွဲတွေချည်း ဖြစ်နေတာမို့၊ တစ်သဝေမတိမ်း တူညီနေတာလည်း ထူးလျက်နဲ့ မဆန်းတဲ့ အချက်ပဲဗျာ။

ဟော၊ ပြီးခဲ့တဲ့ ၂၀၁၅ ရွေးကောက်မှာလည်း အဲဒီပါတီဟာမသမာနည်းမျိုးစုံ သုံးပြီး မဲဆွယ်လုပ်ခဲ့ကြတာ လူတကာ သိနေတဲ့ကိစ္စ။ အေးလေ၊ သင်းတို့ဟာ အဲသလောက် သမိုင်းကြောင်း မကောင်းခဲ့လို့ အခုရွေးကောက်ပွဲရလဒ်သတင်းတွေလည်း ထွက်လာရော စောစောကပြောတဲ့ သီလကြောင် ဖိုးသူတော်နဲ့ ပုစွန်လုံးပုံပြင်ကို ကျုပ်ပြေးသတိရမိတာပေါ့။

(လေး)

အခု ၂၀၁၅ ရွေးကောက်ပွဲ ရလဒ်ကတော့ ဒင်းတို့ ကံဆိုးလွန်းတယ်။ ထင်တိုင်း မပေါက်ဘူး ဆိုရမယ်ဗျ။ ဒင်းတို့ကိုယ်ဒင်းတို့ ဟုတ်လှပြီထင်၊ ပြည်သူလူထုကို နလဗိန်းတုံးတွေလို့ နှလုံးသွင်းပြီး ၂၆ ရာခိုင်နှုန်းလောက် တော့ ရလောက်ရဲ့လို့ တွေးမိတဲ့ ကိုယ်တော်ချောများခမျာ ပြိုင်လေရာ နေရာတိုင်းလိုလို ဟက်တက်ကွဲပြီး ရှုံးပါရောလားဗျာ။ တကယ်တော့ သူတို့ရဲ့ နိုင်ငံရေးဘဝဟာ သေဆုံးသွားခဲ့ပြီ။ သူတို့ကို ပြည်သူလူထု တစ်ရပ်လုံးက အယုံအကြည် မရှိတော့ဆိုတာ ငမိုက်သားခမျာ မရိပ်စားမိကြရှာဘူးဗျ။

ဒီမှာတင် သမ္မတကြီးလည်း မျက်ကလဲဆန်ပြာဖြစ်ပြီး လူထုဆန္ဒကို လေး စားပါ့မယ်၊ အာဏာကို အသာတကြည် အေးချမ်းစွာ လွှဲပြောင်းပေးပါ့မယ် ဆိုတဲ့ လေသံတွေ ထွက်လာတော့တာပါပဲ။ အင်း၊ အဲဒီအသံတွေဟာ လူကြား လို့တော့ ကောင်းပါရဲ့။ မင်္ဂလာရှိတာလည်း မှန်ပါရဲ့။

သို့ပေသည့်….၊ နောက်ဆက်တွဲ သတင်းတွေအရ၊ မဲရှုံးတဲ့ပါတီကြီးဘက် ကနေ တိုင်စာတွေ ပလူပျံအောင် တက်မယ်ဆိုတဲ့ အပေါက်မျိုး ချိုးလာတယ်။ သမ္မတကြီး ကိုယ်တိုင်က အနိုင်ရပါတီရဲ့ တွေ့ဆုံဆွေးနွေးရေး ကမ်းလှမ်းချက်ကို သောင်မတင် ရေမကျ အကြောင်းပြန်ပြီး ဘာအဓိပ္ပာယ်မှ မရှိတဲ့ ပါတီကိုးဆယ်ကျော်ကို ခေါ်ယူတွေ့ဆုံတယ်။ အဲဒီပွဲမှာ ဘဲဥမကွဲတဲ့ ကချွတ်ကချောက် ပါတီဥက္ကဋ္ဌတွေက အနိုင်ရပါတီဥက္ကဋ္ဌကို အရေးယူဖို့ စစ်တပ်က အာဏာသိမ်းဖို့ လေသံပစ်တယ်။ မိုးညှင်း ဘက်မှာ တိုက်ပွဲတွေ အရှိန်မြှင့်လာတယ်။ ကျုပ်စိတ်ထဲမှာတော့ အာဏာ လွှဲပြောင်းရေး မချောမွေ့အောင်၊ အချိန်ကြန့်ကြာအောင် ပြသ၁နာမျိုးစုံကို ဆီလိုအပေါက်ရှာ နေကြတယ်လို့ ထင်မိတာပါပဲ။

(ငါး)

ထောက်ရှု ဆင်ခြင်ကြည့်ရင် အာဏာရှင်စိတ်ဓာတ် မပျောက်ချင်သေးတဲ့၊ ဒီမိုကရေစီ နွားကန်မနာသေးတဲ့၊ ဒီမိုကရေစီ ထမ်းပိုးမကျင့်ရသေးတဲ့၊ ရွှေကိုယ်တော်များဟာ ပြဿနာမျိုးစုံကို ဖန်တီးမီးမွှေးဖို့ ကျားချောင်းချောင်းနေမှာ သေချာတယ်။ အာဏာကို မလွတ်စတမ်း ကျားပိန်တွယ် တွယ်ထားဖို့ စိတ်ကူး ဖဲရိုက်နေကြမှာ သေချာတယ်။

ဒီအချက်တွေကို အနိုင်ရပါတီခေါင်းဆောင်အနေနဲ့ ကောင်းကောင်းကြီး နားလည် သဘောပေါက်နေပုံရတယ်ဗျ။ ပြည်သူလူထုကို အောင်ပွဲမခံကြဖို့ဆုံးမဆော်သြတယ်။ ကြီးသုံးကြီးကို တွေ့ဆုံဆွေးနွေးဖို့ ကမ်းလှမ်းတယ်။ နိုင်ငံတကာ သံတမန်ငါးဆယ်ကျော်ကို လက်ခံတွေ့ဆုံတယ်။ သူ ရှေ့ဆက် လုပ်သွားမဲ့ လုပ်ငန်းစဉ်တွေကို နိုင်ငံတကာ သတင်းဌာနတွေကတစ်ဆင့် တစ်ခုချင်း တစ်ဆင့်ချင်း ဖွင့်ဟသတင်းပေးတယ်။ အတော့်ကို အကွက် စေ့စေ့ ထောင့်စေ့စေ့ ကိုင်တွယ်ဆောင်ရွက် နေတယ်ဆိုတာ အများမြင်သာ ပါတယ်။ သူမက ခေါင်းအေးအေးနဲ့ ပညာသားပါပါ တစ်ကွက်ချင်း ရွှေ့လေ၊ ဟိုမောင်တွေခမျာ မျောက်မီးခဲ ကိုင်မိသလို ထိုင်မရ ထမရဖြစ်လေ ဖြစ်နေ ကြမှာ သေချာတယ်ဗျာ။

နောက်ဆုံးရ သတင်းတွေအရ ဘာအကွက်ဆန်းများ ထွင်ကြဦးမလဲတော့ တပ်အပ်မဆိုနိုင်ဘူး။ အငြိမ်းစား ဗိုလ်ချုပ်မှူးကြီးရဲ့ မြေးတော်လေးက အနိုင်ရ ပါတီခေါင်းဆောင်ဆီကို တွေ့ခွင့်လာတောင်းလို့ တွေ့ခွင့်ပြု လိုက်သတဲ့။

ဘယ်လိုပဲဖြစ်ဖြစ် သင်းတို့ဟာ မဟုတ်တာမှန်သမျှ နောက်မဆုတ်စတမ်း လက်ရဲဇက်ရဲ ပြုမူဖို့ အသင့်ရှိနေတဲ့ လူစားတွေဆိုတာကတော့ မေ့ထားလို့ မဖြစ်ဘူးလေ။

သူမဟာ ရန်စွယ်ကြားက လှဥမ္မာ၊ မီးလျှံထဲက ကြာဖြူ၊ ဘဲအုပ်တွေကြားက ဗေဒါဘဝမို့ ကျုပ်တို့ ပြည်သူလူထု တစ်ရပ်လုံးက သတိမပြတ်ဘဲ ဆက်လက်ဝန်းရံပေးကြဖို့ လိုတယ်ဗျ။ ရွေးကောက်ပွဲအကြိုနဲ့ ရွေးကောက်ပွဲ နေ့ရက်တွေတုန်းကလိုပဲ ပြည်သူတစ်ရပ်လုံး နိုင်ငံရေး အသိစိတ်ဓာတ် နိုးကြားနေကြဖို့ လိုတယ်။ လူဖျင်းလုံ့လ တစ်ခဏဆိုသလို ကောက်ရိုးမီးလို ဟုန်းခနဲ ထထောက်ပြီး ဟုတ်ခနဲ ငြိမ်းသွားလို့ မဖြစ်ဘူးလေဗျာ။

(ခြောက်)

အဲဒီတော့ကာ ခင်ဗျားတို့ကျုပ်တို့အနေနဲ့ ဒီမိုကရေစီအရသာကို ခံစားစံစားနိုင် ကြိုးပမ်းနေကြရပါဦးမယ်။ ခင်ဗျားတို့ ကျုပ်တို့ သဘောဆန္ဒအတိုင်း တညီတညွတ်တည်း ရွေးကောက် တင်မြှောက်ထားတဲ့ အနိုင်ရပါတီ ခေါင်းဆောင်ရဲ့ ဦးဆောင်မှု နောက်ကို အရှိန်ဟုန်မပျက် ယုံယုံကြည်ကြည် ဆက်လက် လိုက်ပါကြဖို့ အရေးကြီးပါတယ်။

ဟုတ်ပါ့ဗျာ။ ဒီမောင်တွေရဲ့ လက်ထဲကနေ အာဏာကို အေးအေးချမ်းချမ်းလွှဲယူနိုင်ပြီး ဒင်းတို့ရဲ့ အမြီးနဲ့ဖုန်လုံး၊ လုံးလုံးကြီး မမြင်ရတော့တဲ့ အချိန်မှာတောင် အဘက်ဘက်က ယိုယွင်းပြီး ပျက်စီးခြင်းငါးပါး ဆိုက်နေတဲ့ တိုင်းပြည်ကြီးကို ပြန်လည် ထူထောင်ဖို့အတွက် သူများနိုင်ငံတွေ ခြေလှမ်း လေးငါးလှမ်း လှမ်းရင် ကျုပ်တို့က ခြေလှမ်း အလှမ်းနှစ်ဆယ်တန်သည် သုံးဆယ်တန်သည် လှမ်းနိုင်မှ တန်ကာကျမှာ၊ ကျုပ်တို့ အရိုးစွဲနေတဲ့ ခေတ်ဟောင်းက အကျင့်ဟောင်းတွေ အကျင့်ဆိုးတွေ သောက်ကျင့်တွေကို ပြင်နိုင်မှ ဖြစ်မှာမဟုတ်လား။

ဒီမိုကရေစီရပြီဆိုတာနဲ့ ပဒေသာပင်မြေကနေ ချက်ချင်းပေါက်လာမှာ မဟုတ်ဘူးလေ။ ကျုပ်တို့တစ်တွေ ကုန်းရုန်းပြီး လုပ်နိုင်ပါမှ၊ ပြဲနေအောင် လုပ်နိုင်ပါမှ တန်ကာကျမှာဗျ။ အဲဒါကြောင့် ကျုပ်တို့ အမျိုးသားခေါင်း ဆောင်ကြီး ပြောခဲ့တာပေါ့။

“တောကြီးမျက်မည်းထဲက မထွက်နိုင်ခင်မှာ လွတ်ပြီကျွတ်ပြီလို့ မအော်ကြပါနဲ့” ဆိုတာလေဗျာ။

မင်းဒင်

The Ladies News Journal