ကချင်ပြည်နယ်အတွင်းရှိ တိုက်ပွဲရှောင်ပြည်သူများကို စိတ်အားမငယ်ကြရန် နိုင်ငံတော် ဒုတိယသမ္မတ (၂) မှ အားပေး တိုက်တွန်းပြောဆိုခဲ့သည်။
နိုင်ငံတော်ဒုတိယ သမ္မတ(၂) ဦးဟင်နရီဗန်ထီးယူ၏ ဒုတိယအကြိမ် ကချင်ပြည်နယ်ခရီးစဉ် နိုဝင်ဘာလ (၁၅) ရက်နေ့က မိုင်းနားကျေးရွာရှိ KBC တိုက်ပွဲရှောင်စခန်းမှ တိုက်ပွဲရှောင် ပြည်သူများနှင့် တွေ့ဆုံရာတွင် ယခုကဲ့သို့ ပြောဆိုတိုက်တွန်းခဲ့ခြင်း ဖြစ်သည်။
“မိဘပြည်သူများအနေနဲ့ ဒီလိုအနေအထားနဲ့ နေထိုင်နေတဲ့ရတာကို စိတ်အားမငယ်ကြပါနဲ့၊ နိုင်ငံတော်ကနေ ပြည်နယ်တည်ငြိမ်အေးချမ်းမှုရရှိအောင် ဆောင်ရွက်နေသလိုဘဲ၊ တည်ငြိမ်အေးချမ်းမှုမရရှိသေးတဲ့ အချိန်စပ် ကြားမှာ ဒီလိုနေရာမျိုးမှာ ရောက်ရှိလာတဲ့ မိဘပြည်သူမောင်နှမတွေကို နိုင်ငံတော်အစိုးရကနေပြီး ပစ်ပယ် မထားဘဲ သတ်မှတ်ထားတဲ့ မူဘောင်နဲ့ စည်းမျဉ်းစည်းကမ်းနဲ့အညီ အတတ်နိုင်ဆုံးကြိုးစားပမ်းစား ဆောင်ရွက် ပေးနေပါတယ် စိတ်အားမငယ်ကြပါနဲ့” ဟု နိုင်ငံတော်ဒုတိယ သမ္မတ(၂) ဦးဟင်နရီဗန်ထီးယူက တိုက်တွန်း ပြောဆိုခဲ့သည်။
ကချင်ပြည်နယ်အတွင်းတွင် တိုက်ပွဲရှောင်စခန်းမြောက်များစွာရှိနေပြီး အချို့တိုက်ပွဲရှောင်စခန်းများမှာ သွား လာရန် ခက်ခဲပြီး နိုင်ငံတော်အစိုးရအနေဖြင့် လက်လှမ်းမှီနိုင်ရန် အားနည်းသည့်အခြေအနေတွင် ရှိနေခြင်း ကြောင့် ယင်းတိုက်ပွဲရှောင်ပြည်သူများအနေဖြင့်လည်း စိတ်အားမငယ်ရန် ယခုကဲ့သို့ တိုက်တွန်းပြောဆိုခဲ့ သည်။
“ထပ်မံပြောပြချင်တာကတော့ ဒီနေရာတစ်နေရာတစ်ခုထဲရှိတာ မဟုတ်ဘူး။ တခြားနေရာတွေမှာလည်း ရှိပါတယ်။ တခြားနေရာမှာရှိတဲ့ တိုက်ပွဲရှောင် မိဘပြည်သူ မောင်နှမများလည်း ကျွန်တော်ထင်တယ် တစ်ချို့နေရာဆိုရင် နိုင်ငံတော်အစိုးရကနေ အလေးထားဆောင်ရွက်ပေးနိုင်မယ့် အနေအထားမျိုးနဲ့ နည်းနည်း အလှမ်းဝေးတဲ့ နေရာတွေဆိုလို့ဆိုရင် ဒီထက်တော့ နည်းနည်းအားနည်းချက်တော့ရှိမယ် ဘယ်လိုအခြေအနေ ဘဲဖြစ်ဖြစ် ကျွန်တော်တို့ နိုင်ငံတော်အစိုးရအနေနဲ့ အားလုံးကို တန်းတူဘဲမြင်ပါတယ်”ဟု ဒုသမ္မတဦးဟင်နရီ ဗန်ထီးယူက ပြောဆိုခဲ့သည်။
လက်ရှိကချင်ပြည်နယ်အတွင်းတွင် တိုက်ပွဲရှောင် စခန်းပေါင်း (၁၀၀)ကျော်တွင် တိုက်ပွဲရှောင်ပြည်သူ စုစုပေါင်း (၇၀၀၀)ဦးကျော်ရှိနေကြောင်း UNHCR ၊ KBC နှင့် KMSSတို့မှ ကောက်ယူထားသော စစ်တမ်းများအရ သိရ သည်။
လွမ်းအောင်
(Unicode)
ကချင်တိုက်ပွဲရှောင် ပြည်သူများကို စိတ်အားမငယ်ကြဖို့ နိုင်ငံတော် ဒုသမ္မတ (၂) တိုက်တွန်း
…………………………………………………………
မြစ်ကြီးနား၊ နိုဝင်ဘာ ၁၈
ကချင်ပြည်နယ်အတွင်းရှိ တိုက်ပွဲရှောင်ပြည်သူများကို စိတ်အားမငယ်ကြရန် နိုင်ငံတော် ဒုတိယသမ္မတ (၂) မှ အားပေး တိုက်တွန်းပြောဆိုခဲ့သည်။
နိုင်ငံတော်ဒုတိယ သမ္မတ(၂) ဦးဟင်နရီဗန်ထီးယူ၏ ဒုတိယအကြိမ် ကချင်ပြည်နယ်ခရီးစဉ် နိုဝင်ဘာလ (၁၅) ရက်နေ့က မိုင်းနားကျေးရွာရှိ KBC တိုက်ပွဲရှောင်စခန်းမှ တိုက်ပွဲရှောင် ပြည်သူများနှင့် တွေ့ဆုံရာတွင် ယခုကဲ့သို့ ပြောဆိုတိုက်တွန်းခဲ့ခြင်း ဖြစ်သည်။
“မိဘပြည်သူများအနေနဲ့ ဒီလိုအနေအထားနဲ့ နေထိုင်နေတဲ့ရတာကို စိတ်အားမငယ်ကြပါနဲ့၊ နိုင်ငံတော်ကနေ ပြည်နယ်တည်ငြိမ်အေးချမ်းမှုရရှိအောင် ဆောင်ရွက်နေသလိုဘဲ၊ တည်ငြိမ်အေးချမ်းမှုမရရှိသေးတဲ့ အချိန်စပ် ကြားမှာ ဒီလိုနေရာမျိုးမှာ ရောက်ရှိလာတဲ့ မိဘပြည်သူမောင်နှမတွေကို နိုင်ငံတော်အစိုးရကနေပြီး ပစ်ပယ် မထားဘဲ သတ်မှတ်ထားတဲ့ မူဘောင်နဲ့ စည်းမျဉ်းစည်းကမ်းနဲ့အညီ အတတ်နိုင်ဆုံးကြိုးစားပမ်းစား ဆောင်ရွက် ပေးနေပါတယ် စိတ်အားမငယ်ကြပါနဲ့” ဟု နိုင်ငံတော်ဒုတိယ သမ္မတ(၂) ဦးဟင်နရီဗန်ထီးယူက တိုက်တွန်း ပြောဆိုခဲ့သည်။
ကချင်ပြည်နယ်အတွင်းတွင် တိုက်ပွဲရှောင်စခန်းမြောက်များစွာရှိနေပြီး အချို့တိုက်ပွဲရှောင်စခန်းများမှာ သွား လာရန် ခက်ခဲပြီး နိုင်ငံတော်အစိုးရအနေဖြင့် လက်လှမ်းမှီနိုင်ရန် အားနည်းသည့်အခြေအနေတွင် ရှိနေခြင်း ကြောင့် ယင်းတိုက်ပွဲရှောင်ပြည်သူများအနေဖြင့်လည်း စိတ်အားမငယ်ရန် ယခုကဲ့သို့ တိုက်တွန်းပြောဆိုခဲ့ သည်။
“ထပ်မံပြောပြချင်တာကတော့ ဒီနေရာတစ်နေရာတစ်ခုထဲရှိတာ မဟုတ်ဘူး။ တခြားနေရာတွေမှာလည်း ရှိပါတယ်။ တခြားနေရာမှာရှိတဲ့ တိုက်ပွဲရှောင် မိဘပြည်သူ မောင်နှမများလည်း ကျွန်တော်ထင်တယ် တစ်ချို့နေရာဆိုရင် နိုင်ငံတော်အစိုးရကနေ အလေးထားဆောင်ရွက်ပေးနိုင်မယ့် အနေအထားမျိုးနဲ့ နည်းနည်း အလှမ်းဝေးတဲ့ နေရာတွေဆိုလို့ဆိုရင် ဒီထက်တော့ နည်းနည်းအားနည်းချက်တော့ရှိမယ် ဘယ်လိုအခြေအနေ ဘဲဖြစ်ဖြစ် ကျွန်တော်တို့ နိုင်ငံတော်အစိုးရအနေနဲ့ အားလုံးကို တန်းတူဘဲမြင်ပါတယ်”ဟု ဒုသမ္မတဦးဟင်နရီ ဗန်ထီးယူက ပြောဆိုခဲ့သည်။
လက်ရှိကချင်ပြည်နယ်အတွင်းတွင် တိုက်ပွဲရှောင် စခန်းပေါင်း (၁၀၀)ကျော်တွင် တိုက်ပွဲရှောင်ပြည်သူ စုစုပေါင်း (၇၀၀၀)ဦးကျော်ရှိနေကြောင်း UNHCR ၊ KBC နှင့် KMSSတို့မှ ကောက်ယူထားသော စစ်တမ်းများအရ သိရ သည်။
လွမ်းအောင်
#PeopleMedia #EPN
No comments:
Post a Comment