Tuesday, September 04, 2012

အစိုးရတပ်နှင့် KIA ဒိန်ဂါဘွမ် တိုက်ပွဲတွင် အစိုးရဗိုလ်ကြီး ၂ ဦးကျ

ကချင်ပြည်နယ် ဝိုင်းမော်မြို့နယ်ရှိ မြန်မာအစိုးရတပ်ဖွဲ့ ခမရ (၃၀၁) တပ်များနှင့် ကချင်လွတ်မြောက်ရေးတပ်ဖွဲ့ (KIA) အရပ်သားတပ်ဖွဲ့ (MHH) များ စက်တင်ဘာ ၁ ရက်နေ့တွင် လိုင်ဖောန် (Lai Hpawng) မှ ၆ မိုင်အကွာရှိ ဒိန်ဂါဘွမ် (Dingga Bum) တွင် ၃ နာရီခန့် အပြန်အလှန်ပစ်ခတ်တိုက်ခိုက်ခဲ့ရာ အစိုးရတပ်မှ ဗိုလ်ကြီးများ ထိခိုက်သေဆုံးသွားခဲ့ကြောင်း KIA အရာရှိတစ်ဦးပြောသည်။

ဝိုင်းမော်မြို့နယ် ဆမ်ပိုင် (Sambai) သွားလမ်းရှိ မိုင် ၄၀ ကျော်ရှိသည့် ဒါဂါယန် (Daga Yang)နှင့် လိုင်ဖောန် (Lai Hpawng) ကြားတွင် KIA အရပ်သားတပ်ဖွဲ့ ၂ ဦးကို မြန်မာအစိုးရတပ်မှ စတင်ပစ်ခတ်ခံခဲ့ရပြီးနောက် ၎င်းနေရာအနီးဝန်းကျင်တွင် တိုက်ပွဲများ ပြင်းထန်စွာဆက်လက်ဖြစ်ပွားနေခြင်းဖြစ်ကြောင်း KIA ရှေ့တန်းမှ သိရသည်။

ထို့သို့ အပြန်အလှန်ပစ်ခတ်မှုတွင် မြန်မာအစိုးရတပ်မှ ဗိုလ်ကြီးတဦးနှင့် ဗိုလ် ၂ ဦးသေဆုံးပြီး KIA အရပ်သားတပ်ဖွဲ့မှ ထပ်မံသေဆုံး ဒဏ်ရာ ရရှိသူမရှိကြောင်း ရှေ့တန်းစခန်းမှဆိုသည်။

“ကျတော်တို့ ပြန်သွားတိုက်တာ တချို့တပ်သားတွေက ထွက်ပြေးသွားကြတယ်။ ဗိုလ်ကြီး၊ ဗိုလ်တွေရှိတဲ့ နေရာထဲကို ကျတော်တို့ ပြန်သွားတိုက်တယ်။ ထွက်ပြေးတဲ့သူကိုလည်း လိုက်ပြီးပစ်ခဲ့တယ်”

သြဂုတ်၂၉ ရက်နေ့မှစပြီး စက်တင်ဘာ ၁ ရက်နေ့ထိ ပစ်ခတ်တိုက်ခိုက်မှုများပြင်းထန်ပြီး ယခုချိန် နှစ်ဘက်တပ်မှ ဆက်လက် ပစ်ခတ်ရန် အသင့်အနေအထားတွင်ရှိနေကြောင်း သိရသည်။

ပြီးခဲ့သည့်ပတ် သောကြာနေ့တွင် ဖြစ်ပွားသောတိုက်ပွဲတွင် မြန်မာအစိုးရတပ်မှ MA သေနတ်တလက်၊ အမြောက်ကျည်ဆံ (၂၀၀) ကျော်၊ E.Y. ဗုံး ၃ လုံးလည်း သိမ်းဆည်းရရှိခဲ့ကြောင်း KIA ရှေ့တန်းမှဆိုသည်။

မြန်မာအစိုးရတပ်များသည် ဝူထောန်ဘွမ် (Wu Htau Bum) တွင် တပ်ချနေပြီး KIA အရပ်သားတပ်ဖွဲ့ (MHH) များရှိရာ လိုင်ဖောန် (Lai Hpawng) သို့လာရောက်ပစ်ခတ်ခဲ့ခြင်းဖြစ်သည်။

KIA တပ်မဟာ (၅) အောက် တပ်ရင်း (၃) ဒေသတွင် ပြည်သူ့စစ်တပ်ဖွဲ့များအား ကူညီပေးနေသော တပ်ဖွဲ့ဝင် ၂ ဦး၏ ရုပ်အလောင်းကို သြဂုတ် ၃၁ ရက်နေ့တွင် ကောင်းမွန်စွာ သဂြိုလ်ခဲ့ကြောင်း KIA အရာရှိတဦး KNG ကချင်သတင်းဌာနသို့ ပြောသည်။

No comments:

Post a Comment

My Blog List