UWSA “၀”တပ်ဖွဲ့၏ မူးယစ်ဆေးဝါးလုပ်ဆောင်မှုများကြောင့် RCSS/SSA ကို ထိခိုက်စေလျက်ရှိ

ထိုင်း၊ လာအိုတို့မှတစ်ဆင့် အမေရိကန်အပါအ၀င် ကမ္ဘာအနှံ့သို့ပျံ့နှံ့ရောက်ရှိနေသော မူးယစ်ဆေး ၀ါး များ၏ အဓိကအရင်းအမြစ်ကို ရှာဖွေဆန်းစစ်ကြည့်ရာ ၁၉၈၉ ခုနှစ်က  မြန်မာစစ်တပ်နှင့် ငြိမ်းချမ်းရေး ရယူခဲ့သော UWSA ခေါ် “၀”တပ်ဖွဲ့ကို တွေ့ရှိရကြောင်း RCSS /SSA သတင်းရပ်ကွက်က ဆိုပါတယ်။

 

 “၀”တပ်ဖွဲ့ခေါင်းဆောင် ပေါင်းယိုချမ်း

RCSS/SSA မှ ၄င်းတို့နှင့်အတူ မူးယစ်ဆေးဝါး တိုက်ဖျက်ရေး လက်တွဲဆောင်ရွက်ရန် “၀”တပ်ဖွဲ့ အားကမ်းလှမ်း ထားသော်လည်း “၀”တပ်ဖွဲ့မှ လိုလိုလားလား တုန့်ပြန်ခြင်းမရှိဟု RCSS /SSA ခေါင်းဆောင် ဒုဗိုလ်ချုပ်ကြီး ယွက်စစ်က ပြောပါတယ်။

မိမိတို့ရဲ့ ဆောင်ရွက်မှုများမှာ တစ်တပ်တစ်အား ပူးပေါင်းပါဝင်ခြင်းဖြင့် နိုင်ငံတကာသိရှိစေရန် လုပ်ဆောင် သင့်ကြောင်း၊ ယင်းသို့ ပူးပေါင်းခြင်းမရှိပါက အမေရိကန်နှင့် ထိုင်းတို့မှ ဖမ်းဝရမ်းထုတ် ထားသော “၀”တပ်ဖွဲ့ ခေါင်းဆောင်များ ပြစ်ဒဏ်မှ လျော့ကျသွားလိမ့်မည်မထင်ကြောင်း၊ မိမိတို့သည် “၀”ခေါင်းဆောင်များ၏ နောက်ကြောင်းကို ပြန်လည်ဖော်ထုတ်နေခြင်းမဟုတ်ကြောင်း၊ လက်တွေ့ကျပြီး ထင်သာမြင်သာသော လုပ်ဆောင်ချက်များအတွက် ကမ်းလှမ်းခြင်းသာဖြစ်ကြောင်း၊ မိမိတို့  RCSS /SSA ၏ လုပ်ဆောင်ချက်များကို ထိုင်းအစိုးရမှအသိအမှတ်ပြုပြီး  Golden  Eagle  Award  ချီးမြှင့်ခဲ့သလို “၀”တပ်ဖွဲ့အပေါ်လည်း ဖြစ်စေလိုပါ ကြောင်း၊ ဥက္ကဋ္ဌကြီး ယွက်စစ်၏ ပြောကြားချက်များကိုကိုးကား၍ သျှမ်းသတင်းဌာနများက ဖော်ပြကြပါတယ်။

RCSS /SSA ခေါင်းဆောင် ဒုဗိုလ်ချုပ်ကြီး ယွက်စစ်

RCSS/SSA မှ ၎င်းတို့ရဲ့ မူးယစ်ဆေးဝါးတိုက်ဖျက်ရေးဆောင်ရွက်မှုများအပေါ် “၀”တပ်ဖွဲ့များ ပူးပေါင်း ပါဝင်လာစေရန် မည်သည့်အတွက်ကြောင့် ကြိုးပမ်းနေရပါသနည်းဆိုသည့် မေးခွန်းနှင့်ပတ်သက်၍  RCSS ခေါင်းဆောင်တစ်ဦးက ယခုလို ပြောပါတယ်။ “ အရင်အချိန်က မူးယစ်ဆေးဝါးနဲ့ နာမည်ကျော် ခဲ့တဲ့ “၀”နဲ့ MTA တို့ဟာ သမိုင်းကြောင်းအပြောင်းအလဲမှာ နာမည်ဆိုးတွေနဲ့ ဆက်ပြီးမရပ် တည် သင့်တော့ဘူး၊ “၀”တွေ မူးယစ်ဆေးဝါးထုတ်နေတာ လူတိုင်းသိတယ်၊ သူတို့ကြောင့် ကျွန်တော် တို့ အဖွဲ့ကိုပါ “၀”တပ်ဖွဲ့လိုပဲလို့  မမြင်စေချင်ဘူး၊ ဒါကြောင့် ကျွန်တော် တို့လျှောက်တဲ့လမ်းမှာ သူတို့ကိုပါဝင်ဖို့ ကမ်းလှမ်းတာဖြစ်တယ်၊ ပွင့်ပွင့်လင်းလင်းပြော ရရင် “၀”တွေ ဘိန်းဖြူလုပ် တာကြောင့် RCSS ပါ ရောပြီး နာမည်အပျက် မခံနိုင်ဘူး...”

“၀”တပ်ဖွဲ့က RCSS/SSA နဲ့ မူးယစ်ဆေးဝါးတိုက်ဖျက်ရေး ပူးပေါင်းမဆောင်ရွက်ဘူးဆိုရင် RCSS/SSA အနေနဲ့ ဘယ်လိုဆက်လုပ်မလဲလို့ မေးတဲ့အခါ သူက ဒီလိုပြောပါတယ် “ လက်ရှိ ကျွန်တော်တို့ မြန်မာအစိုးရနဲ့ ပေါင်းပြီး မူးယစ်ဆေးဝါးတိုက်ဖျက်ရေး အကောင်အ ထည်ဖော်နေ တယ်၊ သူတို့အဖွဲ့ ကျွန်တော်တို့နဲ့ ပူးပေါင်းမှု မရှိလည်း အစိုးရနဲ့ ဆက်လုပ်သွားမယ်၊ သူတို့ကြောင့် RCSS ပါ မူးယစ်ဆေးဝါးထုတ်လုပ်နေတယ်လို့မဖြစ်ရအောင် လုပ်နိုင်တဲ့နည်းလမ်းပေါင်းစုံနဲ့ ကာကွယ်သွားမယ် “လို့ ပြောပါတယ်။

“၀”တပ်ဖွဲ့ဟာ ပန်ဆန်းကို မူးယစ်ဆေးဝါးပပျောက်သောဒေသအဖြစ် ကြေညာနိုင်ရေး ကြိုးပမ်း   နေပေမယ့် တကယ်လက်တွေ့မှာ ရှမ်းပြည်နယ်ထဲက ဘိန်းတွေကို ဒေသပေါက်ဈေးထက် အဆမတန်ပေး ၀ယ်ယူနေတာ ဖြစ်ပါတယ်၊ ဒါကိုလည်း RCSS အဖွဲ့က သိထားတယ်၊ အရင်နှစ်က ဘိန်းဈေးဟာ တစ်ပိဿာကို ဘတ် ၂၅၀၀၀ လောက်ပဲ ရှိနေတာကနေ “၀”တွေရဲ့ ပေါက်ဈေးမဟုတ်တဲ့ ၀ယ်ယူမှုတွေကြောင့် ဘိန်းဈေးက ဒီနှစ်မှာ တစ်ပိဿာကို ဘတ် ၃၃၀၀၀ အထိ မြင့်တက်နေပါတယ်။

များမကြာသေးမီက ထိုင်းနိုင်ငံ၊ ချင်းရိုင်းခရိုင်နဲ့ ချင်းမိုင်ခရိုင်များအတွင်း ထိုင်းရဲတပ်ဖွဲ့က ဖမ်းဆီးရမိခဲ့တဲ့ Amphetamine အမြောက်အများဟာ “၀”တပ်ဖွဲ့ရဲ့ မူးယစ်ဆေးဝါးတွေဖြစ်ကြောင်း ထိုင်းရဲသတင်းတွေအရ သိရှိရ ပါတယ်။ ဒီလိုဖမ်းဆီးခံရမှုတွေ မကြာခဏ ဖြစ်လာတာဟာ RCSS/SSA က ထိုင်းရဲကို သတင်းပေးလို့ ဖြစ်တယ်လို့ “၀”အဖွဲ့အတွင်း သံသယများဖြစ်ပေါ်နေပါတယ်၊ RCSS/SSA အဖွဲ့ဟာ “၀”အဖွဲ့ရဲ့ မူးယစ်ဆေးဝါးပို့ဆောင်မှု သတင်းတွေရယူပြီး ထိုင်းရဲတွေကို ပေးခဲ့ခြင်းအားဖြင့် ထိုင်းအစိုးရဆီက ရွှေလင်းယုန်ဆုကို ရယူသွားခြင်း ဖြစ်ကြောင်း “၀”တပ်ဖွဲ့က ယုံကြည်နေပါတယ်။

ပြီးခဲ့တဲ့ကာလအတွင်း “၀”တပ်ဖွဲ့ဟာ RCSS /SSA အပေါ် ကျူးကျော်ရန်စမှုများစွာဆောင် ရွက်ခဲ့ပါ တယ်။ မိုင်းကန်းဒေသက RCSS /SSA တပ်ဖွဲ့ဝင်တွေကို ဖမ်းသွားခဲ့ပြီး များမကြာမီ မိုင်းတုံမြို့နယ် တာဝန်ခံဖြစ်သူ ဗိုလ်ကြီး စောစိန္ဒာအဖွဲ့ကိုလည်း ထပ်ပြီးဖမ်းဆီးသွားခဲ့ပြန်ပါတယ်။ ဗိုလ်ကြီးစောစိန္ဒာ ရဲ့အောက်က တပ်ကြပ်ကြီး စိုင်းအေး ကတော့ “၀”အဖွဲ့တွေ ရိုက်နှက်စစ်မေးလို့ သေဆုံးသွားပြီဖြစ်ကြောင်း အတည်မပြုနိုင်သေးတဲ့ သတင်းတစ်ရပ်က ဆိုပါတယ်။ လက်ရှိအချိန်အထိ “၀”တပ်ဖွဲ့က ဖမ်းထားတဲ့ RCSS /SSA အဖွဲ့ဝင် ၃၀ ဦးထက် မနည်းရှိနေကြောင်း၊ RCSS /SSA မှ တာဝန်ရှိသူတွေ စေ လွှတ်ညှိနှိုင်းေ သ်ာလည်း “၀”တပ်ဖွဲ့က လက်ခံတွေ့ဆုံမှုပင် မရှိကြောင်း သိရှိရပါတယ်။ ဒါနဲ့ပတ်သက်ပြီး RCSS/SSA အောက်ခြေပိုင်း အနေနဲ့ အထက်လူကြီးတွေကို ဝေဖန်ပြစ်တင်မှုတွေ ရှိနေသလို RCSS နဲ့ “၀”တပ်ဖွဲ့တို့အကြား တင်းမာမှုတွေလည်း မြင့်တက်လာနေကြောင်း သိရပါတယ်။ နောက်ဆုံးသတင်းတွေ အရ“၀”အောက်ခြေ တပ်ဖွဲ့ဝင်တစ်ချို့ဟာ နီးစပ်ရာ RCSS /SSA အဖွဲ့တွေကို ကြိုကြားကြိုကြား ပစ်ခတ်တိုက်ခိုက်မှုတွေ စတင်လုပ်ဆောင်နေပြီဖြစ်ကြောင်း သိရပါတယ်။

ဒီအခြေအနေတွေနဲ့ ပတ်သက်ပြီး RCSS/SSA ခေါင်းဆောင်ပိုင်းတစ်ဦးကို မေးကြည့်တဲ့အခါ သူက “ ၂၀၀၅ ခုနှစ်တုန်းက “၀”တွေဟာ စစ်အစိုးရတပ်တွေနဲ့ပေါင်းပြီး ကျွန်တော်တို့ လွယ်တိုင်းလျဲန်း အထိ လာတိုက်ခဲ့ဖူးတယ်၊ လွန်ခဲ့တဲ့ ၇ နှစ်ကကိစ္စကို ကျွန်တော်တို့မေ့လို့မရသေးဘူး၊ “၀”တွေဟာ ကျွန်တော်တို့ကို စစ်ရေးနဲ့ ထိပါးခဲ့သလို မူးယစ်ဆေးဝါးကိစ္စနဲ့လည်း စော်ကားနေကြတယ်၊ ဖမ်းထားတဲ့ ကျွန်တော်တို့အဖွဲ့တွေကို အချိန်အတိုင်းအတာ တစ်ခုအတွင်း အမြန်ဆုံးလွှတ်ပေး ဖို့ တောင်းဆိုထားတယ်၊ ဒီထက်မက ဆိုးရွားလာရင်တော့ ၂၀၀၅ တုန်းကလို မဖြစ်ရအောင် လက် ဦးမှုယူပြီး လုပ်သင့်တာဆက်လုပ်သွားဖို့ ကျွန်တော်တို့ ဆုံးဖြတ်ရပါမယ်”လို့ ဖြေပါတယ်။

စိုင်းနော်ခမ်းကို တရုတ်ရဲများ စစ်ဆေးချက်အရ “၀”တပ်ဖွဲ့ရဲ့ မူးယစ်ဆေးဝါးလုပ်ဆောင် မှုသတင်းတွေ ပြည့်ပြည့်စုံစုံရရှိထားကြောင်း သိရှိရပါတယ်။ ဒုတိယဗိုလ်ချုပ်ကြီး ယွက်စစ်မှ ၎င်းသတင်း များရရှိရေး အပူတပြင်း ကြိုးပမ်းလျက်ရှိပါတယ်၊ “၀”အဖွဲ့ကို ကိုင်တွယ်နိုင်ရေးမှာ စိုင်းနော်ခမ်း ရဲ့ ထွက်ဆိုချက်တွေက ဒုဗိုလ်ချုပ်ကြီး ယွက်စစ်ကို များစွာအထောက်အကူပြုမှာဖြစ်ပါတယ်၊ ၎င်းအပြင် ထိုင်းနဲ့ လာအို နယ်စပ်အာဏာပိုင်  အဖွဲ့အစည်းများရဲ့ “၀”အဖွဲ့နဲ့ မူးယစ်ဆေးဝါးပူးပေါင်းဆောင် ရွက်မှုသတင်း များကိုပါရယူပြီး သက်ဆိုင်ရာ အစိုးရများသို့ပေးပို့ခြင်းဖြင့် RCSS/SSAအား မူးယစ်ဆေးဝါး တိုက် ဖျက်ရေးဆောင်ရွက်နေသည့် အဖွဲ့အစည်းတစ်ရပ် အဖြစ် ပီပြင်စွာပုံဖော်နိုင်ရန်  ကြိုးပမ်းနေကြောင်း သျှမ်းသတင်းရပ်ကွက်များရဲ့ အဆိုအရ သိရှိရပါတယ်။