Thursday, September 06, 2012

ရှမ်းပြည်မြောက်ပိုင်း KIO ထိန်းချုပ်နယ်မြေတွင် မူးယစ်ဆေးဝါး တိုက်ဖျက်

ရှမ်းပြည်မြောက်ပိုင်း ပန်ဆိုင်း (ကြူကုတ်)နှင့် ၁၀၅ မိုင်ကြားရှိ နမ်တောင်း (Namtau)တွင် ကချင်လွတ်မြောက်ရေးအဖွဲ့ (KIO) အောက် အရပ်သားကာကွယ်ရေးတပ်ဖွဲ့ (MHH) တပ်ခွဲ (၅)မှ မှုးယစ်ဆေး တိုက်ဖျက်ရေးကို အရေးယူ ဖမ်းဆီးမှုစတင်လုပ်ဆောင်နေကြောင်းသိရသည်။


KIO မူးယစ်ဆေးဝါးတိုက်ဖျက်ရေး ကော်မတီများနှင့် ဒေသခံအမျိုးသမီးအဖွဲ့များ၊ လူငယ်များပေါင်းပြီး တိုက်ဖျက်ရေးကို စက်တင်ဘာ ၁ ရက်နေ့မှစပြီး ပြင်းထန်စွာလုပ်ဆောင်ခဲ့ကြောင်း ဒေသခံတဦး KNG ကချင်သတင်းဌာန သို့ပြောသည်။

“ကျတော်တို့ ဒီဘက်မှာရှိနေတဲ့ အရပ်သားကာကွယ်ရေးတပ်ဖွဲ့များနဲ့ ကျေးရွာသားများက စီမံကိန်းများချပြီး လိုင်ဇာဗဟိုဌာနချုပ် ညွှန်ကြားချက်အရ ဘိန်းဖျက်မှုကို စတင်လုပ်ဆောင်လာခြင်းဖြစ်တယ်။ ဒီနေ့ ဖမ်းတဲ့သူတွေ စိတ်ဆုံးဖြတ်ပြီး ရောက်လာ သူ ၉၂ ယောက် ရှိတယ်” ဟု ဆိုသည်။

ကျေးရွာရှိ ရပ်မိရပ်ဖများမှ ပါဝင်ပြီး ကချင်လွတ်မြောက်ရေးတပ်ဖွဲ့ (KIA) ထိန်းချုပ်ရာနေရာတိုင်းတွင် စစ်ဆေးဖမ်းဆီးမှုများလုပ်ဆောင်ပြီး အသင်းတော်ဆရာ/မ များမှလည်း တရားဒေသနာများဝေငှခြင်းကြောင့် ကိုယ်တိုင်စိတ်ဆုံးဖြတ်ချက်ဖြင့် ရောက်ရှိလာသူများရှိကြောင်းသိရသည်။

ထိုနေ့ ဖမ်းဆီးသည့် သူများသည် မုန်ဂူးဒေသ (Munggu)၊ မုန်ဘော်ဒေသ (Mungbaw) များနှင့် နမ်တောင်း (Namtau) ဒေသကျေးရွာ များမှဖြစ်ကြောင်း သိသည်။

“ဘိန်းစားတဲ့သူ ရောင်းတဲ့လူတွေကို camp လိုပြုလုပ်ပြီး လုပ်ဆောင်ပေးထားတယ်။ ကိုယ့်ရွာထဲမှာရှိတဲ့ မှုးယစ်ဆေးစားနေတဲ့သူတွေ ရောင်းနေ တဲ့သူတွေကို ဖျက်ပေးတာ အခုစလာတာဟုတ်တယ်” ဟု MHH တပ်ခွဲ (၅) တာဝန်ရှိသူတစ်ဦှးပြောသည်။

ထိုနေ့တွင် ၁၀ ဦးထံမှ မူးယစ်ပစ္စည်းများဖမ်းဆီးရမိသည်။ ထိုသူများကို ထိပ်တုံးခတ် ဒဏ်ခတ်ထားပြီး မှုးယစ်ဆေးများကိုမူ အများပြည်သူရှေ့တွင် မီးရှို့ဖျက်ဆီးမည်ဖြစ်ကြောင်းလည်း အရပ်သားကာကွယ်ရေးတပ်ဖွဲ့ တပ်ခွဲ (၅)မှ ပြောသည်။

ယခုချိန် လာရှိုးဘက်မှ ရောက်ရှိလာသည့် မြန်မာအစိုးရ ခလရ (၆၉) တပ်ဖွဲ့မှ ၎င်းမူးယစ်တိုက်ဖျက်သည့် ဒေသဝန်းကျင်တွင်ရောက်ရှိနေကြောင်းသိရသည်။

အဓိက ထိုသို့ပြုရခြင်းရည်ရွယ်ချက်သည် ကချင်ပြည်သူလူထုသည် မြန်မာအစိုးရ၏ ပစ်ခတ်တိုက်ခိုက်သေဆုံးမှု မရှိသလောက်ရှိသော်လည်း ဘိန်းစားပြီးသေဆုံးတာ အများဆုံးဖြစ်နေခြင်းကြောင့် ယခုလိုပြုလုပ်ခြင်း ဖြစ်ကြောင်း ဆိုသည်။ ရှမ်းပြည်မြောက်ပိုင်းတိုင်းတွင် မှုးယစ်ဆေး ဘိန်းတိုက်ဖျက်မှုကို KIO အရပ်သား ကာကွယ်ရေးတပ်ဖွဲ့ MHH တပ်ဖွဲ့ (၅) မှ ပထမဆုံး စတင်ခဲ့ခြင်းဖြစ်သည်။

KIO သည် အစိုးရနှင့် စစ်ရေး စတင်တင်းမာလာချိန်မှစ၍ ဘိန်းတိုက်ဖျက်ရေး အစီစဉ်များကို ၎င်းထိန်းချုပ် နယ်မြေတွင်း နှစ်စဉ်နှစ်တိုင်း ပြုလုပ်လျက်ရှိသည်။

KIO ဗဟိုဌာနချုပ်လိုင်ဇာနှင့် အခြား ထိန်းချုပ်နယ်မြေတွင် မှုးယစ်ဆေးဝါးတိုက်ဖျက်ရေးနေ့ကို နှစ်စဉ် နှစ်တိုင်းပြုလုပ်လျက်ရှိပြီး ၎င်းတိုက်ဖျက်ရေးနေ့ကို ၂၀၁၀ အောက်တိုဘာလမှစတင်ကာ ပြင်းထန်စွာ ပြုလုပ်လာခဲ့သည်။

No comments:

Post a Comment

My Blog List