မုံရွာတွင် ပုဒ်မ ၁၄၄ ထုတ်ပြန်သည်ဆိုသည့် သတင်း မှာ လိမ်ညာ သတင်းလွှင့်ခြင်းသာဖြစ်

Wednesday, September 12, 2012

မုံရွာမြို့ပေါ်၌ ယနေ့ ညနေ ၆ နာရီခွဲ အချိန်အထိ ပုဒ်မ ၁၄၄ ထုတ်ပြန်ထားခြင်းမရှိသေးကြောင်း မုံရွာ NLD မှ ဦးနေသီဟကပြောသည်။စစ်ကိုင်းတိုင်းဒေသကြီးဝန်ကြီးချုပ်ဦးသာအေးနှင့် ယနေ့ညနေတွင် တစ်နာရီကျော်ကြာ တွေ့ဆုံဆွေးနွေးခဲ့သော အမျိုးသားဒီမိုကရေစီ အဖွဲ့ချုပ်ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က အချက်နှစ်ချက်တောင်းဆိုခဲ့ကြောင်း သူမက ဆွေးနွေးပွဲအပြီးတွင် သတင်းထောက်များကိုပြောကြားသည်။

စစ်ကိုင်းတိုင်းဒေသကြီး ၀န်ကြီးချုပ် ဦးသာအေးက “တောင်းဆိုချက်များကို ဒီရက်ပိုင်းအ တွင်း အမြန်ဆုံးလိုက်လျောသွားနိုင်အောင် ကြိုးစား သွားပါ့မယ်”ဟုပြောကြားကြောင်း ဒေါ်ခင်စန်းလှိုင် ကပြောကြား သည်။ ထိန်းသိမ်းခံထားရသူ ၄ဦးမှာ ပြစ်မှု့များကျူးလွန်ထားသည့်အတွက် ဖမ်းဆီးထားရခြင်းဖြစ်ကြောင်းဝန်ကြီးချုပ်ကရှင်းလင်းပြောကြားခဲ့ကြောင်း မုံရွာသတင်းထောက်က သတင်းပေးပို့သည်။

ယနေ့ညနေ ဖေ့ဘွတ်လူမှုကွန်ယက်တွင် သတင်းပျံ့နှံ့လာသကဲ့သို့ မုံရွာမြို့တွင် ပုဒ်မ ၁၄၄ ထုတ်ပြန်ခြင်းမရှိကြောင်းလည်း 7 Day News မုံရွာသတင်းထောက်က သတင်းပေးပို့သည်။

Myanmar Express