ရုရှ အားကစားသမားတွေ လောကမှာ တားမြစ်ဆေး သုံးစွဲမှုများတယ်လို့ စွပ်စွဲချက်တွေကို အစိုးရက စုံစမ်း စစ်ဆေးသွားမယ်လို့ ရုရှ သမ္မတ ဗလာဒီမာ ပူတင်က ပြောကြားလိုက်ပါတယ်။ဒီကိစ္စအတွက် အားကစား ဝန်ကြီးနဲ့တကွ တခြား လုပ်ဖော်ကိုင်ဘက်တွေ အားလုံး သေချာ အရေးတယူ ဆောင်ရွက်ကြဖို့ မစ္စတာ ပူတင်က တောင်းဆိုခဲ့တာပါ။
နိုင်ငံတကာ အဖွဲ့အစည်းတွေနဲ့ အပြည့်အဝ ပူးပေါင်းဆောင်ရွက်သွားဖို့ ကိုလည်း မစ္စတာ ပူတင်က ပန်ကြားခဲ့ပါတယ်။
ကမ္ဘာ့ တားမြစ်ဆေး သုံးစွဲမှု တိုက်ဖျက်ရေး အေဂျင်စီ အဖွဲ့ရဲ့ တနင်္လာက အစီရင်ခံစာမှာ ရုရှကို ပြစ်တင် ရှုတ်ချထားပြီးနောက် မစ္စတာ ပူတင်က ပထမဆုံးအကြိမ် ပြောကြားခဲ့တာပါ။
ဒီပြဿနာဟာ ရုရှ တခုထဲမှာတင် ရှိတာ မဟုတ်ကြောင်း၊ အားကစား လောကမှာ တားမြစ်ဆေးသုံးတာ ပပျောက်ဖို့ ရုရှ အနေနဲ့ အစွမ်းကုန် ဆောင်ရွက်သွားမယ်လို့လည်း မစ္စတာ ပူတင်က ဆိုပါတယ်။
ရုရှ အစိုးရက တားမြစ်ဆေး သုံးစွဲအောင် အားပေးကူညီနေတယ် ဆိုတဲ့ စွပ်စွဲချက်တွေကို ရုရှဘက်က အရင်က ငြင်းဆန်လာခဲ့တာတွေနဲ့ မတူဘဲ ပြောင်းလဲမှု ဖြစ်တယ်လို့လည်း ဘီဘီစီရဲ့ မော်စကို သတင်းထောက်က ပြောဆိုပါတယ်။
BBC Burmese
No comments:
Post a Comment