NCA မှာ အားလုံးပါဖို့ အစိုးရကြိုးစား

အပစ်အခတ်ရပ်စဲရေးကို အောက်တိုဘာလ ပထမပတ်ထဲမှာ လက်မှတ်ရေး ထိုးသွားမှာဖြစ်ပြီး နောက်ပိုင်း မှာတော့ တိုင်းရင်းသားအဖွဲ့တွေ အားလုံး ပါဝင်လာအောင် ကြိုးစားသွားမယ်လို့ ပြည်ထောင်စုငြိမ်းချမ်းရေး ဖော် ဆောင်ရေးလုပ်ငန်းကော်မတီ ဒုဥက္ကဋ္ဌ ဦးအောင်မင်းက ပြောပါတယ်။

လက်မှတ်ရေးထိုးပြီးရင်လည်း တိုင်းရင်းသားလက်နက်ကိုင် အဖွဲ့တွေအနေနဲ့ မိမိကိုယ်ကိုယ် ခုခံကာကွယ် ခွင့်ရှိသလို တိုက်ပွဲတွေ ဆက်လက်မဖြစ်နိုင်ရေး အတွက်လည်း နှစ်ဘက်ပါဝင်တဲ့ ပူးတွဲစောင့်ကြည့်ရေး အဖွဲ့တွေက ထိန်းချုပ် သွားမှာဖြစ်တယ်လို့ သူက ပြောပါတယ်။ ဗွီအိုအေ ရန်ကုန်သတင်းထောက် မေခက သတင်းပေးပို့ထားပါတယ်။

ဒီကနေ့ မြန်မာနိုင်ငံငြိမ်းချမ်းရေးနဲ့ပြန်လည်ထူထောင်ရေးလုပ်ငန်း ဗဟိုဌာန (MPC)မှာ နိုင်ငံရေးပါတီတွေ ကို လုပ်ဆောင်ထားတဲ့ ငြိမ်းချမ်းရေး လုပ်ငန်း စဉ်အပေါ် ပြည် ထောင်စုငြိမ်းချမ်းရေးဖော်ဆောင်ရေး လုပ်ငန်းကော်မတီက ရှင်းလင်းပြောကြားတာမှာ ဦး အောင်မင်းက ခုလိုပြောခဲ့တာ ဖြစ်ပါတယ်။

“အခု တိုက်ပွဲမဖြစ်အောင် ထိန်းချုပ်ဖို့အတွက် Joint Monitoring Committee - ဆိုတဲ့ နှစ်ဘက်ပါဝင်တဲ့ အဖွဲ့တွေက ထိန်းချုပ်သွားမှာဖြစ်ပါ တယ်။ Joint Monitoring Committee မှာ အောက်မှာအချက်တွေ အများကြီး ပါပါတယ်။ အဲဒီတော့ code of conduct လို့ခေါ်တဲ့ နှစ်ဘက်တပ်များ လိုက်နာရမယ့်စည်းကမ်း၊ အရပ်သားများအဖွဲ့မှာ ပြုကျင့်ရမယ့်ကျင့်ဝတ် စသည်များ ဒါတွေကို ကျနော်တို့ဆက်ဆွဲ ရပါမယ်။ Joint Monitoring Committee ကနေ နယ်မြေ သတ်မှတ်ပိုင်းခြား ပေးရပါမယ်။ အဲဒီတော့ လက်နက်ကိုင်ထား တဲ့သူအချင်းချင်းဗျာ။ ရန်တော့ ဖြစ်တော့ဖြစ်မှာပဲ။ ခုခံစစ်မှအပ-ဆိုတာတော့ နှစ်ဘက် ရေးဆွဲတဲ့အခါမှာ Code of Conduct ရေးဆွဲတဲ့အခါမှာ ဒါတော့ ထည့်ဖို့ လိုအပ်မယ်။”

လက်ရှိအချိန်မှာ အားလုံးပါဝင်ရေးကို တိုင်းရင်းသားတွေဘက်ကလိုလား သလို ပြည်သူတွေဘက်ကလည်း လိုလားနေကြာင်း ဒီအတွက် အစိုးရက အာလုံးပါဝင်နိုင်ဖို့အတွက် လုပ်ဆောင်ဖို့ တအောင်းပလောင်အမျိုး သား တိုးတက်ရေးပါတီကကခုလိုတင်ပြခဲ့ပါတယ်။

“ပြည်နယ်အဆင့်၊ ပြည်ထောင်စုအဆင့်ဆိုတဲ့ Steps အဆင့်တွေကိုကျော်ပြီး လို့ ဒါကိုတော့ ချန်ထားခဲ့မယ်- ကိုးကန့်တိုက်ပွဲမှာ ပါဝင်ပူးပေါင်းခဲ့လို့ ချန်လှပ် ထားခဲ့မယ် လက်ညိုးထိုးစရာတွေ ချည်း.ပြောနေရင် ကျနော် တို့ တိုင်းရင်းသား ညီအစ်ကိုတွေချင်း ကြားထဲမှာ ကျနော်တို့ပြောတဲ့ Nationwide ceasefire ဆိုတဲ့ ကျနော် တို့ရဲ့လုပ်ရပ်ဟာ တထပ်တည်းကျ မကျဆိုတဲ့ဟာလေး ပြန်ဆန်းစစ်ပေးဖို့နဲ့ တိုင်းရင်းသားလက်နက်ကိုင် အဖွဲ့အစည်းကျန်ခဲ့တာမျိုး၊ ရခိုင်ဒေသမှာ AA ကျန်ခဲ့တာမျိုး၊ ကျနော်တို့ ကိုးကန့်မှာ MNDAA ကျန်ခဲ့တာမျိုး ကို လုံးဝ မလိုလားတဲ့အကြောင်း လက်တွဲခေါ်ပေးဖို့ ကျနော် တို့ရဲ့ခေါင်းစဉ်နဲ့လိုက်ဖက်ညီအောင် လုပ် ဆောင်ပေးဖို့ မေတ္တာရပ်ခံ တင်ပြ ချင်ပါတယ်။"

ဒီအပေါ်မှာဦးအောင်မင်းကသမ္မတအနေနဲ့ငြိမ်းချမ်းရေးစတင်ကမ်းလှမ်းစဉ် ၂၀၁၁ က သိရှိခဲ့တဲ့ လက်နက် ကိုင်အဖွဲ့ ၁၆ ဖွဲ့သာရှိတဲ့အတွက် ဒီအဖွဲ့တွေကို အပစ်ရပ်စဲဖို့ ဖိတ်ခေါ်စာပေး လုပ်ဆောင်ခဲ့တာဖြစ်ကြောင်း၊ အချို့အဖွဲ့တွေမှာ ၂၀၁၁ နောက်ပိုင်းမှ ပေါ်ပေါက်လာတာတွေ ရှိကြောင်း၊ ဖိတ်ခေါ်မှုမှာ ပလောင်အဖွဲ့ပါပေ မယ့် လက်ရှိငြိမ်းချမ်းရေးလုပ်ဆောင်မှုမအောင်မြင် ခဲ့ကြောင်း၊ ပလောင်နဲ့ဆွေးနွေးတာမှာ ပလောင်တွေရှိ တဲ့ မြို့နယ် ၈ မြို့နယ်ကို ပလောင်အဖွဲ့က တောင်းကြောင်း၊ ဒီအပြင် အဲဒီဒေသတွင်း လက်နက်ကိုင်အဖွဲ့ တွေအားလုံး ဖယ်ပေးဖို့တောင်းဆိုခဲ့တာကြောင့် ရှေ့မဆက်နိုင်ဖြစ်ခဲ့ရကြောင်း ဦးအောင်မင်းကပြောပါ တယ်။

“ပလောင်ဒေသမှာရှိတဲ့ ပလောင် ကိုယ်ပိုင်အုပ်ချုပ်ခွင့်ရ ဒေသရဲ့ဥက္ကဋ္ဌဖြစ် တဲ့ ဦးမောင်ကျော်ဟာ သမ္မတ ကြီးကို တင်ပြပါတယ်။ ကျနော်တို့ကို မေးမြန်းခွင့်ပေးပါ။ သမ္မတကြီးကနေ ဦးမောင်ကျော်ကို ဥက္ကဋ္ဌအဖြစ် ပေးပါ တယ်။ ပြီးတော့မှ သွားပြီးဆွေးနွေးခိုင်းပါတယ်။ အဲဒီတော့ ဟိုအဖွဲ့က ဘာပြောလိုက်လဲဆိုလို့ရှိရင် ‘ခင်ဗျားတို့က အစိုးရမဟုတ်ဘူး’-တဲ့။ ဒါကြောင့်မို့လို့ ကျနော်တို့ မဆွေးနွေးနိုင်ပါဘူး-လို့ ပြောတယ်။ ဒါနဲ့တခါ သမ္မတကြီးရဲ့လက်မှတ်နဲ့စာယူပြီးတော့ လွှတ်လိုက်ပါတယ်။ ဆွေးနွေးပွဲမဖြစ် ပါဘူးဗျာ။ သူတို့ကို အစိုးရလို့ မသတ်မှတ်ပါဘူး။ သို့သော်လည်းပဲ သူတို့ကို ကျနော်တို့က ချန်မထားပါဘူး။ အခု သူတို့နဲ့ ကျနော်တို့က Bilateral လုပ်ပြီးရင် ပြီးတဲ့နေရာကနေ NCA စာချုပ်ကို လိုက်ထိုး-ဆိုပြီးတော့ ကျနော် ပြောထားပြီးသား ဖြစ်ပါတယ်။ ဒီကြားထဲမှာလည်း ပလောင်နဲ့ဆွေးနွေးပွဲ လုပ်ပါ့မယ်။”

လက်တလောမှာ အချို့တိုင်းရင်းသားလက်နက်ကိုင်တွေဆီကနေခွဲထွက် မှုတွေ ရှိနေတဲ့အပေါ်နိုင်ငံရေး ပါတီအချို့က မေးခွန်းထုတ်ခဲ့ပါတယ်။ ဒီလို ခွဲထွက်သူတွေအနာဂတ်အပေါ် ဦးအောင်မင်း က ခုလိုပြောပါ တယ်။

“DKBA မှာ၊ ကရင်ပြည်နယ်မှာ အခုဖြစ်နေတဲ့ ခွဲထွက်ပြဿနာ၊ ဒါလည်းရှိ ပါတယ်။ အဲဒီတော့ ကျနော်တို့ လည်း အတတ်နိုင်ဆုံးတော့ တင်သွင်းထားပါ တယ်။ အဲဒီတော့ သိပ်တော့ အကျယ်တော့ ပြောလို့ သိပ် မကောင်းဘူးဗျ။ အတိုလောက်ပဲ ပြောပါမယ်။ ဗိုလ်ကျော်သက်၊ ဗိုလ်ကျော်သု ကျနော်တို့ လုံခြုံတဲ့နေရာမှာ ထားထားပါတယ်။ အခြေအနေကောင်းလို့ရှိရင် ငြိမ်းချမ်း ရေးမှာ ပါလာမှာဖြစ်ပါတယ်။ ဗိုလ်ဆန်းအောင် တော့ ဘယ်ရောက်နေမှန်းကို မသိဘူး သူက။ သူတို့နဲ့ကျနော်ခင်ပါတယ်။ ညီအကိုတွေ ဖြစ်ပါတယ်။ သူတို့ ကို ချန်မထားပါဘူး။ ခွဲထွက်အဖွဲ့တွေကိုလည်း ကျနော်တို့ စဉ်းစားသွားမှာဖြစ် ကြောင်း ကျနော် တင်ပြအပ် ပါတယ်။”

လက်ရှိမှာ တနိုင်ငံလုံးအပစ်ခတ်ရပ်စဲရေးလက်မှတ်ထိုးနိုင်ဖို့အတွက်လာမယ့် စက်တင်ဘာ ၂၄ ကနေ ၂၆ အထိ တိုင်းရင်းသားတွေက တိုင်းရင်းသားလက်နက်ကိုင်အဖွဲ့တွေပါတဲ့ညီလာခံကို ချင်းမိုင်မှာပြုလုပ်ပြီး ဆွေးနွေးအတည်ပြု မှာပါ။ အစိုးရဘက်ကတော့ လာမယ့်အောက်တိုဘာ ပထမပတ်ထဲမှာ လက်မှတ်ထိုးနိုင် မယ်လို့ ပြောပါတယ်။

VOA