Wednesday, September 16, 2015

ဒေါ်အောင်ဆန်းစုကြည် တည်းခိုခဲ့သည့် နန်းထိုက်စံ တည်းခိုခန်းပိုင်ရှင် ရပ်ကွက်ရုံးနှင့် ပြေလည်မှုရ


ဒေါ်အောင်ဆန်းစုကြည် လာရောက်တည်းခိုသွားသည်ကို ဧည့်စရင်းမတိုင်မိသည့် လွိုင်ကော်မြို့ နန်းထိုက်စံ တည်းခိုခန်းပိုင်ရှင်သည် ရပ်ကွက်ရုံးသို့ သွားရောက် ဖြေရှင်းခဲ့ရပြီး ၀န်ခံနှုတ်ကတိဖြင့် ပြေလည်ခဲ့သည်။

''မနေ့က (စက်တင်ဘာ ၁၄) ကျွန်မကို ရပ်ကွက်ရုံးက ခေါ်တော့ လက်မှတ် ထိုးဖို့ ကျွန်မ သွားပါတယ်။ ဥက္ကဋ္ဌနဲ့တွေ့ပြီး ရှင်းပြတော့ နောက်တစ်ခါ ဒီလိုမဖြစ်စေရပါဘူးဆိုတဲ့ နှုတ်ကတိနဲ့ပဲ ပြီးသွားပါတယ် လက်မှတ်မထိုးခဲ့ရ ဘူး'' ဟု တည်းခိုခန်းပိုင်ရှင် ဒေါ်မင်အင်းက မဇ္ဈိမသို့ ပြောသည်။

ဒေါ်အောင်ဆန်းစုကြည်၏ ပထမဆုံးရွေးကောက်ပွဲအောင်နိုင်ရေး ခရီးစဉ်အဖြစ် ကယားပြည်နယ် စက်တင် ဘာ ၁၀ ရက်မှ ၁၂ ရက်နေ့ထိ ခရီးစဉ်အတွင်း လွိုင်ကော်မြို့ နန်းထိုက်စံတွင် စက်တင်ဘာ ၁၁ ရက်နေ့က တည်းခိုနေထိုင်ခဲ့သည်။

''၁၂ ရက်နေ့ တည်းခိုခန်းက ၀န်ထမ်း ဧည့်စရင်း သွားပေးတော့ ရပ်ကွက်ရုံးက ကျွန်မကို လာတွေ့ပါလို့ မှာလိုက်တယ်။ နောက်နေ့သွားတော့ လက်မှတ်ထိုးဖို့ စာမစီရသေးဘူး ပြောလို့ ကျွန်မပြန်ခဲ့တယ်။ မနေ့က (စက်တင်ဘာ ၁၄) ကျွန်မ နှစ်ခါသွားတယ်။ သူတို့မလာကြဘူး။ ကျွန်မပြန်လာပြီး ည ၁၀ နာရီကျော်မှ ဖုန်းဆက်ခေါ်လို့ ပြန်သွားလိုက်တာ နှုတ်ကတိနဲ့ပဲ အဆင်ပြေသွားတယ် လက်မှတ်မထိုးခဲ့ရဘူး'' ဟု ဒေါ်မင်အင်းက ဆက်ပြောသည်။

ဒေါ်အောင်ဆန်းစုကြည်၏ ကယားခရီးစဉ်တလျှောက် ယခုကိစ္စမှလွဲ၍ အခြားကြီးကြီးမားမား ပြဿနာလုံးဝ မရှိခဲ့ကြောင်း ခရီးစဉ်တွင် အတူလိုက်ပါခဲ့သူ ကယားပြည်နယ် အမျိုးသား ဒီမိုကရေစီအဖွဲ့ချုပ်ဥက္ကဋ္ဌ ဒေါက် တာ ခင်စည်သူက မဇ္ဈိမသို့ ပြောကြားသည်။

ရွေးကောက်ပွဲ အောင်နိုင်ရေးခရီးစဉ်အဖြစ် ကယားပြည်နယ် လွိုင်ကော်၊ ဒီမောဆို၊ ဖရူဆို၊ ဘောလခဲ၊ ဖားဆောင်းနှင့် ရှားတော စသည့်မြို့နယ်များသို့ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစု ကြည် သွားရောက် ခဲ့ပြီး ခရီးစဉ်အတွင်း ဘောလခဲမြို့၌ တစ်ညတည်းခို၍ လွိုင်ကော်မြို့ နန်းထိုက်စံ တည်းခိုခန်းတွင် တစ်ည တည်းခိုခဲ့သည်။

Mizzima - News in Burmese

No comments:

Post a Comment

My Blog List