ခိုင်မာသော နိုင်ငံရေးအာမခံချက် မရှိသေးချိန်တွင် သံလွင်မြစ်ရေကာတာ စီမံကိန်းကို ရပ်တန့်ထားရန် ဒေသခံများ ထပ်မံတောင်းဆို

ခိုင်မာသော နိုင်ငံရေး အာမခံချက်မရှိသေးသည့်ကာလအတွင်း သံလွင်မြစ်မှ လျှပ်စစ် ဓာတ်အားထုတ်ယူ မည့် မိုင်းတုံ ရေကာတာစီမံကိန်းကို ရပ်ဆိုင်းပေးရန် ကာလိ၊ ကွန်ဟိန်း ဒေသခံများက ထပ်မံတောင်းဆို လိုက်သည်။

ဒေသခံ တိုင်းရင်းသားများသည် ပဋိပက္ခဒဏ်ကို ဆယ်စုနှစ်နှင့်ချီ ခံစားနေရသောကြောင့် ခိုင်မာသော နိုင်ငံရေးအာမခံချက် မရရှိသေးသည့် ကာလအတွင်း သံလွင်မြစ်ပေါ်တွင် အကောင်အ ထည်ဖော်မည့် ရေကာတာစီမံကိန်းကို ရပ်ဆိုင်းပေးရန် တောင်း  ဆိုခြင်းဖြစ်ကြောင်း ဒေသခံများ က ထပ်မံ တောင်းဆိုခဲ့ ခြင်းဖြစ် သည်။

‘‘ရေကာတာ တည်ဆောက် ရေး စီမံကိန်းကို ပြည်သူလူထုက ခွင့်မပြုပါဘူး။ ရှမ်းပြည်နယ်ထဲက ရှမ်းလူမှု အဖွဲ့အစည်းတွေရော၊ ရှမ်းနိုင်ငံရေးပါတီတွေ ကပါ လက်မခံဘူး။ ဒါကြောင့် ရေကာတာ တည်ဆောက်ရေးနဲ့ ပတ်သက် တာတွေ အားလုံးရပ်သင့်ပါပြီ’’ ဟု ပြည်သူ့လွှတ်တော်ကိုယ်စား လှယ်  ဒေါ်နန်းဝါနုက ပြောသည်။

ငြိမ်းချမ်းရေးအတွက် တစ်နိုင်ငံလုံးအပစ်အခတ်ရပ်စဲရေး သဘောတူစာချုပ် လက်မှတ်ရေးထိုးရန် ဆွေး နွေးနေစဉ်မှာပင် ရှမ်း ပြည်နယ်နှင့် ကချင်ပြည် နယ်ရှိ အချို့နေရာများတွင် ထိတွေ့မှုများ၊ တိုက်ပွဲများ မကြာခဏဖြစ်ပွား နေကြောင်း ရှမ်းလူ့အခွင့်အရေးအဖွဲ့က ဆိုသည်။

တစ်ဖက်က နိုင်ငံရေးမတည်ငြိမ်ခြင်းကြောင့် နယ်မြေမငြိမ်းချမ်းဖြစ်နေသည်ကို ဒေသခံများ စိုးရိမ်သောက ရောက်နေစဉ် အစိုးရနှင့် ကုမ္ပဏီက ရေကာတာ တည်ဆောက်ရန် စိုင်းပြင်းလျက် ရှိသည်ကို တွေ့ရှိရ ကြောင်း၊ အဆိုပါရေကာတာကြောင့် ဒေသခံများ ရွှေ့ပြောင်းရမည်ကို စိုးရိမ်လျက်ရှိပြီး နောက်ဆက်တွဲ ပြဿ နာအဖြစ် လူမှုစီးပွားထိခိုက်မည်ကိုလည်း စိုးရိမ်သောကရောက် နေကြကြောင်း ရှမ်းလူအခွင့်အ ရေးအဖွဲ့က ပြောကြားသည်။

 သံလွင်မြစ်တွင် တည် ဆောက်ရန် စိုင်းပြင်းနေသော မိုင်းတုံရေအားလျှပ်စစ် သုံး ရေ ကာတာစီမံကိန်းကို ဇူလိုင်က စ ၍ ကွန်ဟိန်းနှင့် မိုင်းတုံမြို့နယ်မှ ဒေသခံများက ကန့်ကွက်ခဲ့ကြ သည်။ ရေကာတာစီမံကိန်းကို တည်ဆောက် မည့် သြစတြေးလျ ကုမ္ပဏီက ပတ်ဝန်းကျင်ထိခိုက်မှု  စစ်တမ်းကောက်ယူ ခဲ့စဉ်က လည်း နိုင်ငံရေးမတည်ငြိမ်မှုများ ကြောင့် ဒေသခံတို့က မတည် ဆောက်ရန် တားမြစ်ခဲ့ကြသည်။

သံလွင်မြစ်အရှေ့ဘက်ခြမ်း ဟိုလိန်းရွာမှ ဒေသခံ ၈၀ ဦးက ရေတာကာတည် ဆောက်မှု ဆန့်ကျင်ကြောင်း ဆန္ဒပြမှုတစ်ခုကို ဇူလိုင်အတွင်းက လူအင်အား ၈၀ ခန့်ဖြင့် ပြုလုပ်ခဲ့သည်။

မိုင်းတုံရေကာတာစီမံကိန်း သည် China Three Gorges Corporation၊ The Electricity Generating Authority of Thailand နှင့် အစိုးရတို့ ပူးပေါင်း အကောင်အထည်ဖော်မည့် စီမံကိန်းဖြစ်သည်။ ရေကာတာ တည်ဆောက်ရေး အတွက် ပတ်ဝန်း ကျင်ထိခိုက်မှုနှင့် လူမှုထိခိုက်မှု ဆန်းစစ်ခြင်းစစ်တမ်း အတွက် သြစတြေးလျကုမ္ပဏီကို ငှားရမ်းခဲ့သည်။

အဆိုပါ ရေကာတာသည် ရေအားလျှပ်စစ် ခုနစ်ထောင်မဂ္ဂါဝပ်စက် တပ်ဆင်အားရှိ စီမံကိန်းဖြစ်ကာ လျှပ်စစ် ဓာတ်အား အများစုကို ထိုင်းနှင့် တရုတ်နိုင်ငံ သို့ ရောင်းမည်ဖြစ်သည်။

7Day News Journal