ကချင်ပြည်နယ်နဲ့ စစ်ကိုင်းတိုင်းမှာ ရွေးကောက်ပွဲဝင်မယ့် ရှမ်းနီ(တိုင်းလိုင်) နဲ့ မြောက်ပိုင်း ရှမ်းမျိုးနွယ်စု များ သွေးစည်းညီညွတ်ရေးပါတီ (အက်စ်အန်အက်စ်ပီ) ဟာ သူတို့ပါတီ အနိုင်ရရေးအတွက် မဲဆွယ်စည်း ရုံးရေး လုပ်ငန်း တွေ စတင်နေပါတယ်။
စက်တင်ဘာ ၁၀ ရက်နေ့ကစပြီး ကချင်ပြည်နယ် မြစ်ကြီးနား၊ မိုးညှင်း၊ မိုးကောင်းနဲ့ စစ်ကိုင်းတိုင်း ဟုမ္မလင်း၊ ဗန်းမောက် စတဲ့မြို့နယ်တွေမှာ စတင်မဲဆွယ်စည်းရုံးရေး ဆင်းနေပြီလို့ အက်စ်အန်အက်စ်ပီ ပါတီဥက္ကဋ္ဌ ဦးစောဝင်းထွန်းက ဒီဗွီဘီကို ပြောပါတယ်။
“ကျနော့်အနေနဲ့က မိုးညှင်းမြို့နယ် အမျိုးသားလွှတ်တော်နေရာမှာ ၀င်ပြိုင်မှာမို့ အရင်ဦးဆုံး မိုးညှင်းမြို့ နယ်ထဲက ကျေးရွာအုပ်စု ၅ စုကို အရင်သွားခဲ့ပါတယ်၊ အဲဒီမှာ ဘာတွေ့ရလဲဆိုတော့ ရွာသားတွေအများ စုက သူတို့နယ်မြေထဲမှာ ဘယ်ပါတီတွေ ဘယ်သူတွေ ၀င်ပြိုင်မလဲဆိုတာ မသိကြဘူး။ ဆန္ဒမဲပေးပုံတွေ လည်း နားမလည်တော့ ကျနော်တို့က အဲဒါတွေကို ရှင်းပြရခဲ့တယ်။ တံဆိပ်တုံးကို ဘယ်လိုထုရမလဲ ဆိုတာ ကအစပေါ့။ ပြီးတော့ သူတို့ရဲ့ လိုလားချက်တွေ ပြောပါတယ်။ ပြည်သူတို့ လိုလားချက်ကတော့ အများကြီး ပဲ။ သူတို့က လယ်ယာစ်ိုက်ပျိုးရေးနဲ့ ရွှေကျင်၊ ကျောက်တူး အလုပ်တွေလုပ်တော့ ရေမီးလမ်းပန်း ဆက် သွယ်ရေးဖွံ့ဖြိုးရေး နောက်ကျတယ်ပေါ့။ အဓိကကတော့ လက်နက်ကိုင်အဖွဲ့တွေကြားနေရတော့ဆက်ကြေး ပေးရတဲ့ပြဿ နာ၊ မြေမြှုပ်မိုင်း ကြောက်ရတဲ့ပြဿ နာတွေ တင်ပြပါတယ်။ အေးအေးဆေးဆေး လုပ်ကိုင် စားသောက်ချင်တယ်ပေါ့။”
သူတို့ပါတီအနေနဲ့လည်း ငြိမ်းချမ်းရေးကိစ္စ္စမှာ အရေးတကြီး ပါဝင်ဆောင်ရွက်မယ့်အကြောင်း၊ အပစ်ခတ်ရပ် ရင် တိုက်ပွဲတွေမရှိရင် နယ်မြေတည်ငြိမ်အေးချမ်းရင် ပြဿ နာတွေပြေလည်ပြီး ကျန်တဲ့ ဖွံ့ဖြိုးရေးလုပ်ငန်း တွေကို ဆောင်ရွက်နိုင်မယ့်အကြောင်းနဲ့ တိုင်းရင်းသားတွေလိုလားတဲ့ ဖက်ဒရယ်ပြည်ထောင်စုစနစ်မှာ ပါဝင်နိုင်ဖို့ မြောက်ပိုင်း ရှမ်းမျိုးနွယ်စု ၅ စု စည်းလုံးညီညွတ်ဖို့ အရေးကြီးတဲ့ အကြောင်းတွေ ပြောခဲ့တယ်လို့ ဆိုပါတယ်။
ရှမ်းနီ(တိုင်းလိုင်) နဲ့ မြောက်ပိုင်းရှမ်းမျိုးနွယ်စုများ သွေးစည်းညီညွတ်ရေး ပါတီ (အက်စ်အန် အက်စ်ပီ) ဟာ နိုဝင်ဘာလ ရွေးကောက်ပွဲမှာ ကချင်ပြည် နယ် နဲ့ စစ်ကိုင်းတိုင်းက မြို့နယ်ပေါင်း ၁၁ မြို့နယ်တွင်း အမျိုး သားလွှတ် တော်ကိုယ်စားလှယ်က (၁) နေရာ၊ တိုင်းရင်းသားရေးရာဝန်ကြီး ၂ နေရာ ၊ ပြည်သူ့လွှတ်တော် မှာ ၁ နေရာ နဲ့ ပြည်နယ်နဲ့ တိုင်းလွှတ်တော်ကိုယ်စား လှယ်ပေါင်း ၁၃ နေရာ ၀င်ရောက်ယှဉ်ပြိုင်မှာ ဖြစ်ပါ တယ်။
DVB
No comments:
Post a Comment