ဂျာမနီနဲ့ အနောက်ဥရောပနိုင်ငံတွေကို သွားဖို့ဦးတည်ပြီး ဟန်ဂေရီနိုင်ငံကို ဝင်ရောက်လာနေတဲ့ အရှေ့ အလယ်ပိုင်းက ကြီးမားများပြားတဲ့ ဒုက္ခသည် တွေကိုဟန့်တားဖို့ ထိရောက်တဲ့အမိန့်ထုတ်ပြန်ဖို့နာရီပိုင်း အလိုမှာရွှေ့ပြောင်း ဒုက္ခသည်တွေ ဆားဘီးယားနိုင်ငံကနေ အဓိက ဖြတ်ကျော် ဝင်ရောက်ရာ နေရာကို ဟန်ဂေရီအစိုးရက တနင်္လာနေ့မှာ ပိတ်ပစ်လိုက်ပါတယ်။
နောက်ကနေ စီတန်းအားဖြည့်ထားတဲ့ ရဲတပ်ဖွဲ့ဝင်တွေ၊ စစ်သားတွေရဲ့ရှေ့ မှာ ဒါဇင်နဲ့ချီတဲ့ ရဲတွေဟာ ဥရောပသမဂ္ဂကိုသွားပြီး ခိုလှုံခွင့်တောင်းခံဖို့ ကြိုးစားကြတဲ့ ဒုက္ခသည်တွေဖြတ်သန်းရာ မီးရထားလမ်းကို ပိတ်ဆို့နေရာယူ ထားကြပါတယ်။ ကောင်းကင်ယံမှာတော့ ရဟတ်ယာဉ်တစီး ဝဲပျံနေပါတယ်။
စစ်ဖြစ်နေတဲ့ ဆီးရီးယားနိုင်ငံနဲ့ တခြားနိုင်ငံတွေကနေ ဥရောပကိုဝင်ရောက် လာတဲ့ ထောင်ပေါင်းများ စွာရှိတဲ့ ဒုက္ခသည်တွေလက်ခံရေးကို ဥရောပမှာ ဆန့်ကျင် ပြောဆိုဆုံးသူ ဟန်ဂေရီဝန်ကြီးချုပ် Viktor Orban က ရွှေ့ပြောင်း ဒုက္ခသည်တွေအတွက် ထုတ်ပြန်တဲ့ဥပဒေအသစ်မှာ ထောင်ဒဏ် အပြစ်ပေး မှာဖြစ်သလို လူကုန်ကူးသူတွေကိုလည်း အပြစ်ပေးမှာဖြစ်ပါတယ်။ ပြစ်ဒဏ် ကပြင်းထန်မှာဖြစ်ပြီး ဒါဟာ သူတို့နဲ့ ထိုက်တန်ပါတယ်လို့ ရဲအရာရှိ သင်တန်းကျောင်း ကျမ်းကျိန်တဲ့ အခမ်းအနားမှာ ပြောကြားလိုက်ပါ တယ်။
ဟန်ဂေရီနိုင်ငံဟာ နှစ်ပေါင်းထောင်နဲ့ချီကြာမြင့်ခဲ့ပြီဖြစ်တဲ့ ခရစ်ယာန် ယဉ်ကျေးမှုထွန်းကားရာ တိုင်းပြည် ဖြစ်ပါတယ်။ ကမ္ဘာနဲ့ချီပြီး လှုပ်ရှားနေတဲ့ လူတွေကြောင့် ဟန်ဂေရီနိုင်ငံ ပြောင်းလဲသွားမှာကို ကျုပ်တို့ ဟန်ဂေရီလူမျိုး တွေက မလိုလားပါဘူးလို့လည်း ဝန်ကြီးချုပ်က ပြောပါတယ်။
VOA
No comments:
Post a Comment