Wednesday, September 16, 2015

ဘာသာရေးကို မဲဆွယ်မှုမှာမသုံးဖို့ နိုင်ငံခြားသံရုံးတွေ သတိပေး


လာမယ့် နိုဝင်ဘာလ မြန်မာနိုင်ငံရွေးကောက်ပွဲအတွက်   မဲဆွယ်စည်းရုံးမှုတွေ စတင်နေချိန်မှာ ဘာသာ ရေးကို နည်းလမ်းတခု အနေနဲ့သုံးပြီး သွေးခွဲမှုတွေနဲ့ ပဋိပက္ခတွေ ဖြစ်ပေါ်လာနိုင်ချေကို စိုးရိမ်ပူပန်တဲ့ အကြောင်း ရန်ကုန်အခြေစိုက် အမေရိကန်သံရုံးအပါအ၀င် အနောက်နိုင်ငံသံရုံး ၉ ရုံးကနေ ပူးတွဲထုတ်ပြန် ကြေညာပါတယ်။

ရွေးကောက်ပွဲ စည်းမျဉ်းနဲ့ ဥပဒေတွေကို အသုံးပြုတဲ့နေရာမှာ လူမျိုး၊ ဘာသာ၊ နိုင်ငံရေးပါတီမရွေး မျှတမှုရှိ စေဖို့နဲ့ တသမတ်တည်း ရှိဖို့၊ ပွင့်လင်းမြင်သာမှု ရှိဖို့တွေကိုလည်း တိုက်တွန်း တောင်းဆိုထားပါတယ်။

မြန်မာနိုင်ငံမှာ သွေးကွဲမှုနဲ့ အရပ်ဘက် ပဋိပက္ခတွေ ဖြစ်ခဲ့ဖူးတဲ့ သာဓကတွေ ရှိခဲ့ဖူးတဲ့အတွက် ရွေး ကောက်ပွဲ ငြိမ်းချမ်းပြီး အားလုံး ပါဝင်နိုင်ဖို့၊ သည်းခံစိတ်၊ အပြန်အလှန် လေးစားစိတ်နဲ့ ကျောသားရင်သား မခွဲခြားဘဲ မျှတမှုရှိတဲ့ တရားဥပဒေ ဖြစ်ရေး၊ အသိအမြင် ကျယ်ပြန့်လာစေရေး၊ နှိုးဆော်ပေးပါဆိုပြီး မြန်မာအစိုးရ၊ ရွေးကောက်ပွဲ ကော်မရှင်၊ နိုင်ငံရေးပါတီ တွေ၊ အရပ်ဘက်နဲ့ ဘာသာရေး ခေါင်းဆောင်တွေ အပါအ၀င် နိုင်ငံသား အားလုံးကို တိုက်တွန်းထားပါတယ်။

သြစတြေးလျသံရုံး၊ ကနေဒါသံရုံး၊ ဒိန်းမတ်သံရုံး၊ ပြင်သစ်သံရုံး၊ နော်ဝေး သံရုံး၊ ဂျပန်သံရုံး၊ ဆွီဒင်သံရုံး၊ ဗြိတိလျှသံရုံးနဲ့ အမေရိကန်သံရုံးတို့က ရွေးကောက်ပွဲအောင်မြင်ရေးအတွက် ရင်းနှီးပံ့ပိုးထားတဲ့ အပြည် ပြည်ဆိုင်ရာ မိတ်ဖက်နိုင်ငံများဆိုပြီး ရွေးကောက်ပွဲနဲ့ စပ်လျဉ်းတဲ့ ပူးတွဲကြေညာချက်ကို ထုတ်ပြန်လိုက်တာ ပါ။ မြန်မာနိုင်ငံမှာ ပြီးခဲ့တဲ့နှစ်တွေအတွင်း ဘာသာရေးနဲ့ လူမျိုးရေး ဆက်နွယ်တဲ့ အကြမ်းဖက်မှုတွေ ရှိခဲ့ တာကြောင့်၊ အလားတူ ထပ်ဖြစ်လာမှာကို နိုင်ငံတကာက စိုးရိမ်နေခဲ့တာပါ။

VOA

No comments:

Post a Comment

My Blog List