Tuesday, September 11, 2012
အဆိုပါဖြစ်စဉ်မှာ ကောလင်းမြို့ ဈေးရုံရပ် ဆင်ဖြူတော် ထီဆိုင်တွင် သြဂုတ် ၇
ရက်က ဖြစ်ပွားခဲ့ရာ (၂၈၃)ကြိမ် မြောက် ထီဖွင့်ပွဲတွင် ဝ-၇၃၉၅၁၆
နံပါတ်ဖြင့် ငွေကျပ် ၁ဝသိန်းဆု ပေါက်မဲနံပါတ်ကို ပြန် လည် ပြုပြင်ကာ
ဆုကြေးငွေထုတ်ရန် ကြိုးစားခဲ့ခြင်းဖြစ်သည်။ထီလက်မှတ် နံပါတ် ဝ-၇၃၉၅၁၆ တွင် နောက်ဆုံးဂဏန်း(၆)မှာ ပြုပြင်ထားကြောင်း
ထီရောင်းသူ ဆင်ဖြူတော် ထီဆိုင်ပိုင်ရှင် ဦးမင်းနိုင်က စစ်ဆေးတွေ့ ရှိရာမှ
ထီလက်မှတ် ရောင်းလာသူ ဇော် ဦး ၃၆ နှစ်(ဘ) ဦးသန်းဝင်း (ကွမ်းယာရောင်း)
ရန်ကုန်တိုင်း ဒေသကြီး အမှတ် (၂ဝ)လှိုင်သာယာ မြို့နယ်နှင့် ကျော်ဦး ၆ဝ
နှစ်(ဘ) ဦးကျော်အေး (စက်ချုပ်) ပုလွှေရွှေရွာ ကသာမြို့နယ် နေသူတို့ကို
ကောလင်းမြို့ မြန်မာနိုင်ငံ ရဲတပ်ဖွဲ့စခန်းမှ တာဝန်မှူး ဒုတိယရဲအုပ်
သန်းဇော်က (ပ)၂၃၈/၂ဝ၁၂ ပြစ်မှုပုဒ်မ ၄၂ဝ/၄၆၈ အရ အမှုကို ခိုင်မာအောင်တည်
ဆောက်ပြီး အမှုဖွင့် အရေးယူခဲ့သည်။ထို့နောက် ကောလင်းမြို့နယ် တရားရုံးသို့ ရာကြီးအမှတ် ၉၉၉/၂ဝ၁၂ အရ အမှုကိုစွဲချက်တင်ရာ သြဂုတ်
၂၈ ရက်က ပြစ်မှုထင်ရှား သဖြင့် ဇော်ဦးနှင့် ကျော်ဦးတို့ကို ပြစ်မှုပုဒ်မ ၄၂ဝ
အရ ထောင်ဒဏ် နှစ်နှစ်စီ၊ ပြစ်မှုပုဒ်မ ၄၆၈ အရ ထောင်ဒဏ် နှစ်နှစ်စီကို
တစ်ပေါင်းတည်း ကျခံစေရန် အမိန့်ချမှတ်လိုက်ကြောင်း သတင်းရရှိသည်။
No comments:
Post a Comment