တုိုင်းရင်းသားရေးရာဝန်ကြီး အဖြစ် သတင်းထွက်သူ နုိုင်သက်လွင်၏ ကုိုယ်ရေးအကျဉ်း

နုိုင်သက်လွင်သည် သမ္မတဦးထင်ကျော် တင်သွင်းသည့် ပြည်ထောင်စုဝန်ကြီး အမည်စာရင်းတွင် ပါဝင်လာပြီး တိုင်းရင်းသားရေးရာဝန်ကြီးအဖြစ် တာဝန်ထမ်းဆောင်မည်ဟု နာမည်စာရင်း ထွက်ပေါ်လာသည်။ သူသည် အသက် ၇၆ နှစ်ရှိနေပြီဖြစ်သည်။

ဦးနိုင်သက်လွင်သည် မွန်တိုင်းရင်းသားတဦးဖြစ်ပြီး မွန်အမျိုးသားပါတီ (MNP) တွင် ဒုဥက္ကဌအဖြစ် တာဝန်ယူထားသူ ဖြစ်သည်။ ၎င်းသည် မွန်ပြည်နယ်၏ လူချမ်းသာများ စာရင်းထဲတွင် ပါဝင်သူတဦးလည်း ဖြစ်ပြီး မွန်အမျိုးသားနိုင်ငံရေး အသိုင်းအ၀ိုင်းတွင် လေးစားခြင်းခံရသူတဦးလည်း ဖြစ်သည်။

နုိုင်သက်လွင်ကုို ကရင်ပြည်နယ်၊ ကကော့ကရိတ်မြို့နယ်အတွင်းရှိ ရွာငယ်တခုတွင် မွေးဖွားခဲ့သူဖြစ်ပြီး၊ မော်လမြိုင် တက္ကသိုလ်၌ ပညာသင်ကြားခဲ့ပြီး ၁၉၇၀ ခုနှစ်တွင် ဒဿနိကဗေဒ ပညာရပ်ဖြင့် ဘွဲ့ရရှိခဲ့သူဖြစ်သည်။ ဘွဲ့ရရှိဖြစ်ပြီးနောက် ကရင်ပြည်နယ်အတွင်းရှိ ဟာရားရွာတွင် ကျောင်းဆရာအဖြစ် အလုပ်လုပ်ကိုင်ခဲ့ပြီး အဆိုပါရွာမှ အိမ်ထောင်ဘက်ဖြစ်သူ မိကျင်သန်းနှင့် တွေ့ဆုံခဲ့ပြီး လက်ထပ်ထိမ်းမြား ခဲ့သည်။

မွန်တိုင်းရင်းသားအရေးနဲ့ပတ်သတ်ပြီး အစဉ်တစိုက် တက်ကြွလှုပ်ရှားသူ လည်း ဖြစ်သည်။ တက္ကသိုလ်ကျောင်းသား ဘ၀တွင် ဦးနိုင်သက်လွင်သည် မွန်တိုင်းရင်းသားစာပေနှင့် ယဉ်ကျေးမှုများကို သင်ကြားလိုသည့် တက္ကသိုလ် ကျောင်းသားများအား သင်ကြားပေးခဲ့သူလည်း ဖြစ်သည်။

ထို့အပြင် ယနေ့မွန်ရိုးရာ အခမ်းအနားများနှင့် မွန်တိုင်းရင်းသားများ၏ ပွဲလမ်းသဘင်များတွင် အထင်ကရ၀တ်ဆင်နေကြသော မွန်ရိုးရာဝတ်စုံကို တီထွင် ခဲ့သူများတွင် တဦးအပါအ၀င် ဖြစ်သည်။

ဦးနိုင်သက်လွင်သည် တက္ကသိုလ်ကျောင်းသားဘ၀၌ မြေအောက်တော် လှန်ရေး သမားများဖြင့် အဆက်အသွယ်လုပ် ခဲ့ပြီး နိုင်ငံရေးလှုပ်ရှားမှုများကို ပါဝင်ခဲ့သူဖြစ်သည်။

ထို့အပြင် မွန်အမျိုးသားပါတီ ကနဦး စတင်တည်ထောင်စဉ်က ပါတီ၏နိုင်ငံ ရေးလှုပ်ရှားရာ ရုံးခန်းကို မော်လမြိုင်မြို့ရှိ ၎င်း၏နေအိမ်တွင် ဖွင့်လှစ်ခဲ့ သည်။

၁၉၈၈ ခုနှစ် မြန်မာတနိုင်ငံလုံး ဒီမိုကရေစီတောင်းဆိုရေးအတွက် အုံကြွမှုဖြစ်ခဲ့ပြီးနောက် ၁၉၉၀ ခုနှစ်တွင် ကျင်းပခဲ့သည့် ရွေးကောက်ပွဲ၌ ဦးနိုင်သက်လွင် ပါဝင်ကူညီပေးနေသည့် မွန်အမျိုးသား ဒီမိုကရေစီပါတီ (MNDP) သည်လည်း ရွေးကောက်ခံခဲ့သည်။

၁၉၉၀ အထွေထွေ ရွေးကောက်ပွဲ၌ NLD က နိုင်ငံတ၀န်းလုံးနီးပါး အနိုင်ရခဲ့ပြီး MNDP က လွှတ်တော်အတွင်း၌ ၅ နေရာ အနိုင်ရခဲ့သည်။ ဦးနိုင်သက်လွင်သည် MNDP တွင် ဒုဥက္ကဌအဖြစ် တာဝန်ယူခဲ့သည်။ စစ်အာဏာသိမ်းလိုက်သည့်နောက်ပိုင်း ၎င်း၏နိုင်ငံရေးပါတီ လှုပ်ရှားမှုမှ ရပ်တန့်ခဲ့သည်။

၂၀၁၁ ခုနှစ် သမ္မတဦးသိန်းစိန် တာဝန်ယူလာသည့် အချိန်တွင် MNDP သည် ပါတီဝင်ဟောင်းများကို စုစည်းပြီး မွန်အမျိုးသားပါတီ (MNP) ဆိုသည့်အမည်ဖြင့် ပါတီတခု ထပ်မံတည်ထောင်ခဲ့သည်။ MNP ပါတီ၌ ဦးနိုင်သက်လွင်သည် လက်ရှိတွင် ဒုဥက္ကဌအဖြစ် တာဝန်ထမ်းဆောင်နေ သော်လည်း ရွေးကောက်ပွဲများတွင် ပါဝင်ယှဉ်ပြိုင်ခဲ့ခြင်း မရှိပေ။

ဦးနိုင်သက်လွင်သည် NLD ပါတီ၏ မဟာမိတ်ပါတီဖြစ်သော ညီညွတ်သော တိုင်းရင်းသားမဟာမိတ် (UNA)နှင့် ဆက်ဆံရေး နီးကပ်သူလည်း ဖြစ်သည်။ ထို့အပြင် မွန်တိုင်းရင်းသားလက်နက်ကိုင်အဖွဲ့ဖြစ်သည့် မွန်ပြည်သစ်ပါတီ (NMSP) က ခေါင်းဆောင်များနှင့်လည်း ဆက်ဆံရေးကောင်းမွန်သူလည်း ဖြစ်သည်။

ဓာတ်ပုံ- နုိုင်သက်လွင်နှင့်ဇနီး (မင်းဆွမ်း ဖေ့ဘုတ်စ်)

ဧရာဝတီ