မကြာခင် အနားယူတော့မည့် သမ္မတ ဦးသိန်းစိန်အစိုးရ ၀န်ကြီးများမှာ ၄င်းတို့နေထိုင်ရာ အစိုးရအိမ်ရှိ ပစ္စည်းများကို အိမ်ပြောင်းရွှေ့ရာတွင် အကုန်ယူသွားသည်ဟု လူမှုကွန်ရက် စာမျက်နှာတွင် သတင်းများ ထွက်ပေါ်နေခြင်းမှာ လုံးဝမဟုတ်ကြောင်း သမ္မတပြောရေးဆိုခွင့်ရှိသူ ဦးရဲထွဋ်က ၎င်း၏ လူမှုကွန်ရက်စာမျက်နှာပေါ်မှ ရှင်းလင်းပြောဆိုသည်။
အဆိုပါကိစ္စရပ်နှင့် ပတ်သက်၍ တာဝန်လွှဲပြောင်းသည့် အစည်းအဝေးတွင် ဦးဝင်းထိန်က ၀န်ကြီးအိမ်များကို သွားကြည့်သည့်အခါ ပရိဘောဂများ မရှိကြောင်း၊ လေအေးပေးစက် တစ်လုံးသာတွေ့သည် ၊ ယူသွားကြသည်၊ လမ်းစဉ်ပါတီခေတ်က ၀န်ကြီးများအိမ်တွင် ပရိဘောဂ အပြည့်အစုံ ထည့်ပေးထားသည်ဟု ဆွေးနွေးခဲ့ကြောင်းလည်း ဦးရဲထွဋ်က ရေးသားထားသည်။
“သူက လမ်းစဉ် ပါတီခေတ်ပဲမီခဲ့တာကိုး။ အဲဒါဟာ လုပ်ထုံးလုပ်နည်းကို မသိဘဲ။ ကိုယ့်ဘာသာကိုယ် ကောက်ချက်ဆွဲတာဖြစ် တယ်လို့ ပြန်ရှင်းပြခဲ့ရတယ်။ နေပြည်တော်မှာ ၀န်ကြီး၊ ဒုဝန်ကြီး အိမ်တွေကို ၀န်ကြီး၊ ဒုဝန်ကြီးခန့်အပ်ခံရသူတွေကို ပေးတဲ့အခါ အိမ်အခွံပဲ ပေးတာပါ။ အသင့်ပါတာဆိုလို့ အဲကွန်းတစ်လုံးနဲ့ ရေမီးစနစ်ပဲပါ ပါတယ်။ ပြီးရင် ဆောက်လုပ်ရေးဝန်ကြီးဌာနက ၀န်ကြီး၊ ဒုဝန်ကြီး ခန့်အပ်ခံရသူကုို ပရိဘောဂ စရိတ် သိန်းသုံးဆယ် ထုတ်ပေးပါတယ်။ အဲဒိငွေနဲ့ ကိုယ့်ဘာသာ ဖြည့်ရပါတယ်။ မိမိမှာမူလထဲက ပရိဘောဂ ရှိပြီးဖြစ်ရင် ကျန်တာဝယ်ပေါ့” ဟု ဦးရဲထွဋ်က ရေးသားထားသည်။
ဝန်ကြီး၊ ဒုဝန်ကြီးများ တာဝန်ပြီးဆုံးသည့်အခါ မိမိကိုခွင့်ပြုသည့် ငွေဖြင့် ၀ယ်ထားသည့် ပရိဘောဂများကို ယူဆောင်သွားပြီး အိမ်ကိုမူလအတိုင်း ပြန်လွှဲပေးရကြောင်း၊ ၀န်ကြီး၊ ဒုဝန်ကြီးများ အတွက် အိမ်ပေးသည့်အခါ တွင် ပရိဘောဂစရိတ် သိန်းသုံးဆယ် ထပ်မံထုတ်ပေးရကြောင်း ၊ အစိုးရသစ် ၀န်ကြီး၊ ဒုဝန်ကြီးများအတွက်လည်း ယင်းသို့ ပေးနိုင်ရန် ဘတ်ဂျက်လျာထား ပြီး ဖြစ်သည်ဟုလည်း ဦးရဲထွဋ်က ဆိုထားသည်။
“အဲဒီ စနစ်ကို ဦးဝင်းထိန်က မလေ့လာဘဲ ပြောလို့အသေးစိတ်ရှင်းပြပြီး ၀န်ကြီး၊ ဒုဝန်ကြီး အိမ်တွေလွှဲတဲ့အခါ ပါတဲ့ ပစ္စည်းစာရင်း ( မီးလုံး၊ ရေပိုက်ခေါင်း ) စတာတွေနဲ့ အလွှဲအပြောင်း စစ်ဆေးချက် ပုံစံတစ်စုံကို နမူနာပေးလိုက်ပါတယ်။ ဦးဝင်းထိန်က အခန်းအားလုံး အဲကွန်းတပ်ရင် သိန်းသုံးဆယ်နဲ့ မလောက်ဘူး၊ ၀န်ကြီးသစ်တွေက ကိုယ့်အိပ်ယာလိပ်နဲ့ ကိုယ်လာရမှာလား ပြောလို့ အန်ကယ်တို့ အစိုးရဖြစ်ပြီပဲ၊ မလောက်ဘူး ထင်ရင် သိန်းတစ်ထောင်ပေးလည်း ရပါတယ်လို့တောင် ပြန်ပြောခဲ့ရပါ တယ်။ အဲဒီနေ့ကလည်း ဦးဝင်းထိန်ကို အန်ကယ်တို့ မသိဘဲ ပြောတာ အရေးမကြီးဘူး၊ အန်ကယ်တို့လူတွေက လေဖမ်းဒါန်းစီးပြီး ရေးနေဦးမယ်၊ အဲဒီအခါကျရင် ကျွန်တော် မီဒီယာပေါ်က တက်ရှင်းရလိမ့်မယ်လို့ သတိပေးခဲ့သေးတယ်။ ထင်တဲ့အတုိုင်း အခုလို လျှောက်ဖွ ရေးတော့တာ ပါပဲ” ဟု ဦးရဲထွဋ်က ရေးသားထားသည်။
ထို့အတူ တာဝန်လွှဲပြောင်းရေးကို အကောင်းဆုံး ဖြစ်အောင် လုပ်ဆောင် နေသည်။ ရှေ့လူများ လုပ်သွားသည် နှင့် ပတ်သက်၍ မရှင်လင်းပါက ရှင်းအောင်မေးရန်၊ အချက်အလက်အားလုံးကို သိရပြီဆိုပါက ကောင်းသည်၊ မကောင်းသည် ဝေဖန်ရန် နှင့် ယင်းသို့မဟုတ်ဘဲ မိမိအထင်ဖြင့် ကောက် ချက်ချပြီး အနားရှိလူများကို ပြောဆိုသည်မျိုး မလုပ်သင့်ဟု မြင်ကြောင်း လည်း ဦးရဲထွဋ်က ရေးသားထားသည်။
The Ladies News
No comments:
Post a Comment