ထိုင်းနိုင်ငံတောင်ပိုင်း လိပ်ကျွန်း လူသတ်မှုမှ သေဒဏ်ကျ မြန်မာနိုင်ငံသား နှစ်ဦးအတွက် အယူခံကာလကို ထပ်တိုးတောင်းဆိုမှုအား တရားရုံးမှ လက်ခံခဲ့သဖြင့် လာမည့် ဧပြီ ၂၂ ရက်မတိုင်ခင် အယူခံတင်သွင်းမည်ဖြစ်ကြောင်း သတင်းရရှိသည်။ အဆိုပါ အယူခံကာလ ထပ်မံတိုးတောင်းမှုမှာ လေးကြိမ် မြောက်ဖြစ်ပြီး ယခင် သတ်မှတ်ထားသည့် အယူခံရက် နောက်ဆုံးမှာ မတ် ၂၄ ရက်ဖြစ်သည်။
ထိုင်းရှေ့နေများ ကောင်စီနှင့် မြန်မာနိုင်ငံဥပဒေပညာရှင်များ ပူးပေါင်းပြီး သေဒဏ် ချမှတ်ခံထားရသည့် ၀င်းနှင့် ဇော်တို့အတွက် အယူခံတင်သွင်းရန် စီစဉ်နေမှုမှာ ရာခိုင်နှုန်း ၉၀ ခန့် ပြီးစီးပြီဖြစ်သော်လည်း ဥပဒေအရ ပိုမိုတိ ကျစွာ ဆောင်ရွက်နိုင်ရန် ထိုသို့ အယူခံရက်ကို ထပ်မံတောင်းဆိုရခြင်းဖြစ် ကြောင်း မြန်မာသံရုံး အထူးအဖွဲ့မှ ရှေ့နေဦးအောင်မျိုးသန့်က ပြောကြား သည်။
ဦးအောင်မျိုးသန့်က “အယူခံကာလ ထပ်တိုးတောင်းတာ လေးကြိမ်မြောက် ပေါ့။ ဧပြီ ၂၂ ရက်ထိ အချိန်ရပါတယ်။ ဘာလို့လဲဆိုတော့ အခုအယူခံကိစ္စမှာ မြန်မာနိုင်ငံ ဥပဒေပညာရှင်တွေနဲ့ ထိုင်းရှေ့နေများ ကောင်စီတို့ ပူးပေါင်း ဆောင်ရွက်နေတာပါ။ အခုလောလောဆယ် ဒီနေ့အထိ အယူခံကိစ္စက ရာခိုင်နှုန်း ၉၀ လောက် စီစဉ်ပြီးဖြစ်ပါတယ်။ ဒါပေမဲ့ ကြားထဲမှာ အချိန်ထပ် ရမယ်ဆိုရင် အယူခံကိစ္စက ပိုပြီးကောင်းမွန်အောင် ဆောင်ရွက်လို့ရလို့ ဒီအယူခံရက်ကို ထပ်တောင်းရခြင်း ဖြစ်ပါတယ်။ အဲဒီလိုတောင်းတော့ တရားရုံးက ခွင့်ပြုတဲ့အတွက် ဒီအယူခံကို ရာခိုင်နှုန်းပြည့်ကောင်းမွန်တဲ့ အယူခံကို တင်နိုင်မယ်လို့ ကျွန်တော်တို့ ယုံကြည်ပါတယ်”ဟု မတ် ၂၁ ရက်က ပြောကြားသည်။
ယင်းသို့ အယူခံကာလကို ထပ်မံတိုးတောင်းမှုကို တရားရုံးဘက်မှ မပေးခဲ့ ပါကလည်း မူလသတ်မှတ်ထားသည့် မတ် ၂၄ ရက် မတိုင်ခင် တင်သွင်းနိုင် ရန် အရန်သင့် စီစဉ်ထားပြီးဖြစ်ကြောင်းနှင့် ယခု အယူခံကာလ ထပ်မံအချိန် ရသဖြင့် ဧပြီ ၂၂ ရက်မတိုင်ခင် အယူခံကို တင်သွင်းမည်ဖြစ် ကြောင်း ဦးအောင်မျိုးသန့်က ဆက်လက်ပြောကြားသည်။
၂၀၁၄ ခုနှစ် စက်တင်ဘာလက ဖြစ်ပွားခဲ့သည့် ထိုင်းတောင်ပိုင်းရှိ လိပ်ကျွန်း တွင် ဗြိတိန်နှစ်ဦး အသတ်ခံရမှုနှင့် ပတ်သက်ပြီး မြန်မာလုပ်သားနှစ်ဦးဖြစ် သည့် ဇော်လင်းနှင့် ၀င်းဇော်ထွန်းတို့ကို ကော့စမွီခရိုင်တရားရုံးမှ အမှု ခုနစ်ဖြင့် ၂၀၁၅ ခုနှစ် ဒီဇင်ဘာလအတွင်းက သေဒဏ်ချမှတ်ခဲ့ခြင်း ဖြစ်သည်။
Eleven Media Group
No comments:
Post a Comment