မြန်မာအပါဝင် ၅ နိုင်ငံကို တရုတ်ငွေချေးမယ်

တရုတ်အစိုးရက ​မြန်မာအပါအဝင် ​အရှေ့တောင်အာရှ ​၅ ​နိုင်ငံကို ​ဒေါ်လာ ​၁၁ ​ဘီလီယံကျော် ​ချေးငှားမယ်လို့ ​ကမ်းလှမ်းလိုက်ပါတယ်။ မြန်မာ၊ ​လာအို၊ ​ထိုင်း၊ ​ဗီယက်နမ်နဲ့ ​ကမ္ဘောဒီးယားနိုင်ငံတို့မှာ ​အခြေခံ ​အဆောက်အဦးနဲ့ ​တခြား ​စီမံကိန်းတွေ ​အကောင်အထည် ​ဖော်ဖို့ ​ချေးငှားမယ်လို့ ​တရုတ်ဝန်ကြီးချုပ် ​Li ​Keqiang ​က ​ပြောပါတယ်။

၂၀၁၄ ​ခုနှစ်တုန်းက ​မြန်မာနိုင်ငံမှာ ​ကျင်းပတဲ့ ​အရှေ့ ​အာရှ ​ညီလာခံ အတွင်း ​တရုတ်အစိုးရက ​ဒေါ်လာ ​၂၀ ​ဘီလီယံ ​ချေးငှားခဲ့ပြီး ​အခုတခါ ​ထပ်မံ ​ချေးငှားမှာ ​ဖြစ်ပါတယ်။

ဟိုင်နန်ကျွန်းပေါ်က ​အပန်းဖြေမြို့ ​Sanya ​မှာ ​တရုတ်က ​အရှေ့တောင် အာရှ ​၅ ​နိုင်ငံက ​ခေါင်းဆောင်တွေနဲ့ ​ဆွေးနွေးနေတာ ​ဖြစ်ပြီး ​မြန်မာ ​ကိုယ်စားလှယ်အဖြစ် ​ဒုသမ္မတ ​ဒေါက်တာ ​စိုင်းမောက်ခမ်း ​တက်ရောက်နေ ပါတယ်။

တိဘက်ကုန်းပြင်ကနေ ​စီးဆင်းလာတဲ့ ​မဲခေါင်မြစ်နဲ့ ​ထိစပ်နေတဲ့ ​နိုင်ငံတွေ အကြား ​ပြုလုပ်တဲ့ ​ညီလာခံ ​ဖြစ်ပြီး ​မဲခေါင်မြစ်ကို ​တရုတ်က ​Lancang ​လို့ ​ခေါ်ပါတယ်။

Lancang-Mekong ​Cooperation ​LMC ​အစည်းအဝေးအတွင်း ​ပိုပြီး ​ပူးပေါင်းလုပ်ဆောင်ကြဖို့ ​ခေါင်းဆောင်တွေ ​သဘောတူခဲ့ကြပါတယ်။ ​မဲခေါင်မြစ်နဲ့ ​ထိစပ်နေတဲ့ ​နိုင်ငံ ​၆ ​နိုင်ငံအကြား ​သဘာဝ ​သယံဇာတမှာ ​ပူးပေါင်း ​စီမံကြဖို့၊ ​ဆင်းရဲမှု ​တိုက်ဖျက်ဖို့၊ ​သိပ္ပံနဲ့ ​နည်းပညာ ​ပူးပေါင်းဖို့နဲ့ ​လုံခြုံရေး ​ပူးပေါင်းဖို့တွေ ​ပါဝင်ပါတယ်။

မဲခေါင်မြစ်ပေါ်က ​တရုတ်နဲ့ ​လာအိုလို ​နိုင်ငံက ​ဆည်တွေ ​တည်ဆောက်မယ့် ​အစီအစဉ်ကြောင့် ​မြစ်အောက်ပိုင်းက ​နိုင်ငံတွေ ​ကန့်ကွက်ရာက ​မဲခေါင် မြစ်ရေနဲ့ ​ပတ်သက်လာရင် ​တရုတ်က ​မြစ်အောက်ပိုင်းက ​နိုင်ငံတွေအတွက် ​ထည့်တွက် ​စဉ်းစားသွားမယ်လို့ ​တရုတ် ​ဝန်ကြီးချုပ်က ​ကတိပေးလိုက်ပါ တယ်။

အခုလောလောဆယ် ​နှစ်ပေါင်း ​၉၀ ​ကျော်အတွင်း ​မဲခေါင် ​မြစ်ရေ ​အနိမ့်ဆုံး ​အဆင့်ရောက်နေတဲ့အတွက် ​တရုတ်နိုင်ငံ ​မဲခေါင်မြစ်ဆည်မှာ ​သိုလှောင်တဲ့ ​ရေတွေ ​လွတ်ချပေးဖို့ ​တောင်းဆိုမှုတွေကို ​တရုတ်အစိုးရက ​လုပ်ပေးဖို့ ​ရှိနေပါတယ်။

ABC