တရုတ်နိုင်ငံ၏ မည်သည့်နေရာကိုမဆို ပစ်ခတ်နိုင်သည့် တာဝေးပစ်ဒုံးကျည် အိန်္ဒိယ ပစ်လွှတ်စမ်းသပ်

Tuesday, September 17, 2013
အိန်္ဒိယနိုင်ငံသည် နျူကလီးယားထိပ်ဖူးတစ်ခုကို သယ်ဆောင်နိုင်စွမ်းရှိသည့် တာဝေးပစ်ဒုံးကျည်တစ်စင်း အား ဒုတိယအကြိမ်အဖြစ် အောင်မြင်စွာ ပစ်လွှတ်စမ်းသပ်နိုင်ခဲ့ရာ အိန်္ဒိယ၏ စစ်ရေးစွမ်းရည်နှင့်ပတ်သက် သည့် တိုးတက်မှုတစ်ရပ်ပင်ဖြစ်ကြောင်း စက်တင်ဘာ ၁၆ ရက်က အေအက်ဖ်ပီသတင်းဌာနမှဖော်ပြ ထားသည်။ Agni V ဟု အမည်ပေးထားသည့် ထိုဒုံးကျည်အား ဒေသစံတော်ချိန် နံနက် ၈နာရီ ၅၀ မိနစ်တွင် အိန်္ဒိယနိုင်ငံအရှေ့ပိုင်း Orissa ပြည်နယ်အနီး ကျွန်းတစ်ကျွန်းပေါ်ရှိ ဒုံးကျည်ပစ်စင်တစ်ခုပေါ်မှ ပစ်လွှတ်ခဲ့ခြင်း ဖြစ်သည်။ “ဒီဒုံးကျည်ဟာ ရည်မှန်းထားတဲ့ဟာ အားလုံးကို ပြည့်မီခဲ့ပြီး၊ ဒုံးကျည်ကို လုံးဝ တိတိကျကျ ပစ်လွှတ်နိုင်ခဲ့ပါတယ်” ဟု Chandipur မှ စမ်းသပ်ပစ်လွှတ်ရေး ညွှန်ကြားရေးမှူး M.V.K.V.Prasad က ပြောကြားခဲ့သည်။Agin V ဒုံးကျည်သည် တရုတ်နိုင်ငံအရှေ့မြောက်အစွန်းပိုင်းမှ စစ်စခန်းများအပါအ ၀င် တရုတ်ပြည်မကြီးပေါ်ရှိမည်သည့် ပစ်မှတ်မျိုးကိုမဆို ပစ်ခတ်နိုင်သည့် တာဝေးပစ်ဒုံးကျည်ဖြစ်သည် ဟု လေ့လာသူများက ဆိုကြသည်။
ထိုဒုံးကျည်အား အိန်္ဒိယကာကွယ်ရေး သုတေသနဖွံ့ဖြို့ရေးအဖွဲ့မှ စမ်းသပ်ထုတ်လုပ်ခဲ့ခြင်းဖြစ်ပြီး၊ ဒုံး ကျည်မှာ မည်သည့်နိုင်ငံကိုမျှ ရည်ရွယ်ခြိမ်းခြောက်ခြင်းမဟုတ်ဟု ထိုအဖွဲ့ကဆိုခဲ့သည်။ တနင်္ဂနွေနေ့က ပစ်လွှတ်စမ်းသပ်မှုမှာ အဓိကမှတ်ကျောက်တစ်ခု ဖြစ်ကြောင်းလည်း ဆိုခဲ့သည်။
“Agin V ဒုံးကျည်အား ဒုတိယအကြိမ်အောင်မြင်စွာ ပစ်လွှတ်စမ်းသပ်နိုင်ခဲ့ခြင်းသည် ဒုံးကျည်စနစ် ရင့် ကျက်လာမှု၊ ထပ်မံစွမ်းဆောင်နိုင်မှုနှင့် ခိုင်မြဲမှုတို့ကို ဖော်ညွှန်းနေသည်” ဟု ထိုအဖွဲ့က ကြေညာချက်ထဲ တွင်ဆိုခဲ့သည်။ယခုအခါ အိန်္ဒိယအနေဖြင့် ထိုဒုံးကျည်မျိုးထုတ်လုပ်သည့် လုပ်ငန်းစဉ်နှင့် နောက်ဆက်တွဲ တီထွင်ကြံဆမှုများကိုစတင်ရန်အဆင်သင့်ဖြစ်နေကြောင်းကိုလည်း ကြေညာချက်ထဲတွင် ရေးသားဖော်ပြထား သည်။ထိုဒုံးကျည်သည် မိုင် ၃,၁၀၀ အကွာ အဝေးအထိ ပစ်လွှတ်နိုင်ပြီး၊ ဒေသတွင်းတွင် ပိုမိုအင်အား ကြီးမားသည့် နိုင်ငံဖြစ်လာစေရေးအတွက် အဓိက စွမ်းဆောင်နိုင်မှုတစ်ခုဟု အိန်္ဒိယက ရှုမြင်ထားသည်။
ဒုံးကျည်စနစ်နှင့်ပတ်သက်၍ တရုတ်နှင့် အိန်္ဒိယအကြား အင်အားကွာဟာချက် ကြီးကြီးမားမားရှိခဲ့ရာ၊ အိန်္ဒိယ၏ ယခုဒုံးကျည်ကြောင့် ကွာဟချက် အနည်းငယ်ပင်ဖြစ်စေ ပိုမိုကျဉ်းမြောင်းသွားတော့မည်ဖြစ်သည်။Agin V မှာ သက္ကတ ဘာသာစကားဖြင့် “မီး” ဟု အဓိပ္ပာယ်ရပြီး၊ ၁၉၈၃ ခုနှစ်တွင် စတင်ခဲ့သည့် အိန်္ဒိယ ပဲ့ထိန်းဒုံးကျည် စီမံကိန်း၏ အစိတ်အပိုင်းအဖြစ်ဖြင့် အိန်္ဒိယက ထုတ်လုပ်ခဲ့သည့် ဒုံးကျည်များအား ထို နာမည်ပေးလေ့ရှိသည်။Agin V ဒုံးကျည်ကို ပြီးခဲ့သည့်နှစ် ဧပြီလက ပထမဆုံးအကြိမ် စမ်းသပ်ခဲ့သည်။
အကွာအဝေး သိပ်မရောက်သည့် Agni I နှင့် Agni II ဒုံးကျည်များကိုမူ အိန်္ဒိယ၏ အစဉ်အလာ ပြိုင်ဖက် ပါကစ္စတန်ကို အဓိကရည်ရွယ်ကာ ထုတ်လုပ်ခဲ့ခြင်းဖြစ်ပြီး နောက်ပိုင်းထုတ်လုပ်သည့် တာဝေးပစ် ဒုံးကျည်များမှာမူ တရုတ်နိုင်ငံကို ယှဉ်ပြိုင်ရန် ရည်ရွယ်၍ ထုတ်လုပ်ခြင်းဖြစ်ကြောင်း လေ့လာသူများက သုံးသပ်ကြသည်။

မဇ္ဈိမ