မြန်မာနိုင်ငံမှာ ပြည်သူလူထုကိုဗဟိုပြုတဲ့ အုပ်ချုပ်ရေးယန္တရား ကို ဖော်ဆောင်နိုင်ဖို့အတွက် လက်ရှိတာဝန်ထမ်းဆောင်နေကြတဲ့ အစိုးရဋ္ဌာနဆိုင်ရာ ဝန်ထမ်းတွေအနေနဲ့ တွေးခေါ်လုပ်ကိုင်တာတွေ ကို ပြောင်းလဲဖို့လိုတယ်လို့ သမ္မတရုံးဝန်ကြီး ဦးတင်နိုင်သိန်း ဒီကနေ့ တိုက်တွန်းလိုက်ပါတယ်။
ကချင်ပြည်နယ် မြစ်ကြီးနားမြို့ မြို့တော်ခန်းမမှာ ရပ်ကွက်၊ ကျေးရွာ၊ မြို့နယ်အထောက်အကူပြုကော်မတီတွေ၊ စီမံခန့်ခွဲရေး ကော်မတီဝင်တွေ အပါအဝင် ၊မြို့မိမြို့ဖတွေနဲ့ ဒီကနေ့တွေ့ဆုံချိန်မှာ သမ္မတရုံးဝန်ကြီးက အခုလို ပြောဆိုလိုက်တာပါ။
"ကျနော်တို့ အစိုးရဌာနဆိုင်ရာလုပ်ငန်းမှာလည်း ခေတ်ပြောင်းနေပြီ၊ စနစ်ပြောင်းနေပြီ၊ ပြည်သူအများစုကလည်း ဒီဌာနဆိုင်ရာများကို အားကိုးချင်နေပြီ၊ ဒါ့ကြောင့် တွေးခေါ်လုပ်ကိုင်ပုံတွေ ပြောင်းရမှာဖြစ် တယ်၊ ပြည်သူ့အကျိုးစီးပွားကို ဝန်ဆောင်မှုပေးတဲ့ ဌာနဆိုင်ရာများရဲ့ လုပ်ဆောင်မှုတွေကို ကြည့်ပြီးတော့မှ အစိုးရအုပ်ချုပ်မှုယန္တရားကို တိုင်းတာမှာဖြစ်တယ်”
ဒါ့အပြင် သမ္မတရုံးဝန်ကြီးနောက်တစ်ဦးဖြစ်သူ ဦးစိုးသိန်းက လည်း ပြည်ထောင် စုအစိုးရ၊တိုင်းဒေသကြီးနဲ့ ပြည်နယ်အစိုးရအဖွဲ့တွေ လုပ်ဆောင်နေတဲ့ နိုင်ငံရေး၊ စီးပွားရေးစတဲ့ ပြုပြင်ပြောင်းလဲရေးလုပ်ငန်းတွေ မှာ ပြည်သူလူထုကို ပါဝင်စေလိုတဲ့အတွက် ဒေသခံပြည်သူတွေရဲ့အသံတွေ ကို နားထောင်ဖို့ ဒီကနေ့လာရောက်ရတာဖြစ်တယ်လို့ ပြောဆိုခဲ့ပါတယ်။
RFA
No comments:
Post a Comment