Wednesday, March 16, 2016

ဒေါ်အောင်ဆန်းစုကြည်ကို "ဖော်ရိန်နာ" တစ်ဦးကဲ့သို့သာ မြင်ကြောင်း တပ်ကိုယ်စားလှယ်အဖွဲ့ ပြောခွင့်ရပုဂ္ဂိုလ် ဗိုလ်မှူးချုပ်တင်ဆန်းနိုင် ပြော


လွှတ်တော်ရှိ တပ်မတော်သား ကိုယ်စားလှယ်များ၏ ပြောခွင့်ရပုဂ္ဂိုလ် ဗိုလ်မှူးချုပ် တင်ဆန်းနိုင်က ဒေါ်အောင်ဆန်းစုကြည်သည် “ဖော်ရိန်နာ (နိုင်ငံခြားသား) တစ်ဦး" ကဲ့သို့ ဖြစ်ကြောင်း ရိုက်တာသတင်းဌာနသို့ ပြောကြားသည်။ တပ်မတော်အနေဖြင့် NLD နှင့် မည်သို့ ပူးပေါင်း ဆောင်ရွက်ရန် စီစဉ်ထားသနည်းဟု ရိုက်တာက မေးမြန်းသည်ကို ဖြေကြားစဉ် ထိုသို့ ပြောကြားခဲ့ခြင်းဖြစ်သည်။
ဒေါ်အောင်ဆန်းစုကြည်အား သမ္မတဖြစ်ခွင့် ပိတ်ပင်ထားသည့် စစ်အစိုးရ ခေတ် အခြေခံဥပဒေကို ပြင်ဆင်ခြင်း ဆန့်ကျင်သည့် စစ်တပ်၏ သဘောထားအရ ဗိုလ်မှူးချုပ်တင်ဆန်းနိုင်က ထပ်မံပြောကြားခဲ့သည်။ ယင်းက “သူ (ဒေါ်အောင်ဆန်းစုကြည်) ဟာ နိုင်ငံခြား တိုင်းပြည်တစ်ခုနဲ့ ဆက်နွယ်မှုရှိတဲ့အတွက် အခြေခံ ဥပဒေအရ သမ္မတ ဖြစ်ခွင့် မရှိပါဘူး။ ဒါက နိုင်ငံ လုံခြုံရေးအတွက် အလွန်အရေးကြီးပြီး အခြေခံဥပဒေကို ပြင်ဆင်ဖို့ မဖြစ်နိုင်ပါဘူး” ဟု ပြောကြားသည်။

ထိုမှတ်ချက်ကို NLD ပြောခွင့်ရပုဂ္ဂိုလ် ဦးဇော်မြင့်မောင်က ကန့်ကွက်ခဲ့ပြီး ဒေါ်အောင်ဆန်းစုကြည်၏ ဖခင် ဗိုလ်ချုပ်အောင်ဆန်းမှာ တပ်မတော်ကို တည်ထောင်သူတစ်ဦးဖြစ်ကြောင်း ထောက်ပြပြောကြားခဲ့သည်။

“ဗိုလ်ချုပ်အောင်ဆန်းက တပ်မတော်ရဲ့ ဖခင်ပါ။ ဒေါ်အောင်ဆန်းစုကြည်ကို မြန်မာနိုင်ငံသား မိဘနှစ်ပါးက မွေးဖွားခဲ့တာပါ။ သူ့ကို နိုင်ငံခြားသားတစ်ဦးလို့ ပြောတာက စိတ်မကောင်းစရာပါပဲ” ဟု ဦးဇော်မြင့်မောင်က ရိုက်တာသို့ ပြောကြားသည်။

တပ်မတော်သား ကိုယ်စားလှယ်များက အဆိုပြုခဲ့သည့် ဒုတိယသမ္မတလောင်း ဦးမြင့်ဆွေမှာ သဘောထားတင်းမာသူတစ်ဦး ဖြစ်သည်ဆိုသော ပြောကြားမှုများကို ဗိုလ်မှူးချုပ် တင်ဆန်းနိုင်က ငြင်းဆိုခဲ့သည်။

ယင်းက စစ်အစိုးရခေါင်းဆောင်ဟောင်း ဦးသန်းရွှေနှင့် နီးစပ်သူတစ်ဦး ဖြစ်သည့် ဦးမြင့်ဆွေ မှာ စစ်ရေးနှင့် အုပ်ချုပ်ရေး အတွေ့အကြုံ ရှိသူဖြစ်သည်ဟု ပြောကြားသည်။ ဦးမြင့်ဆွေသည် စစ်အစိုးရလက်ထက်တွင် ထောက်လှမ်းရေးတပ်ဖွဲ့ အကြီးအကဲအဖြစ် တာဝန် ထမ်းဆောင်ခဲ့ပြီး အမေရိကန်အစိုးရ၏ ကန့်သတ်အရေးယူ ခံထားသူများ စာရင်းတွင် ပါဝင်နေသူဖြစ်သည်။

KHTun
Ref - Reuters
The Ladies News

No comments:

Post a Comment

My Blog List