ပြည်ထောင်စုငြိမ်းချမ်းရေးညီလာခံတွင် နိုင်ငံတော်သမ္မတ ဦးသိန်းစိန် ပြောကြားသည့် အဖွင့်မိန့်ခွန်း

ပြည်ထောင်စုငြိမ်းချမ်းရေးညီလာခံကြီးကို ကြွရောက်လာကြတဲ့ ကိုယ်စားလှယ်တော်ကြီး များနှင့် ဖိတ်ကြားထားသော ဧည့်သည်တော်ကြီး များအားလုံးကျက်သရေ မင်္ဂလာအပေါင်း နဲ့ ပြည့်ဝကြပါစေလို့ဦးစွာပထမ နှုတ်ခွန်းဆက်သအပ်ပါတယ်။ဒီကနေ့ဟာ ကျွန်တော်တို့တိုင်းပြည်ရဲ့ သမိုင်းမှာ အင်မတန်ထူးခြားတဲ့ နေ့တစ်နေ့အဖြစ် မှတ်တမ်းဝင်တော့မှာ ဖြစ်ပါတယ်။

ကျွန်တော်တို့ အားလုံးဟာ နောင်တချိန်မှာ ဂုဏ်ယူဝံ့ကြွားစွာ ပြန်ပြောင်း ပြောဆိုကြရမယ့် သမိုင်းသစ်ကို အတူတကွ ရေးသားဖို့ ဒီနေရာကို စုရုံးရောက်ရှိလာကြပါတယ်။ ဒါဟာ လွတ်လပ်ရေး ရပြီးနောက်ပိုင်းမှာ ကျွန်တော်တို့ စုစည်းနိုင်ခဲ့တဲ့ အကြီးမားဆုံးသော တိုင်းပြု ပြည်ပြု ကိစ္စကြီးတစ်ရပ်ကို အစပြုလိုက်ခြင်းလည်း ဖြစ်ပါတယ်။

ပထမဦးစွာ ကျွန်တော်တို့ အားလုံးအနေနဲ့ ဒီညီလာခံကြီး ပေါ်ပေါက်လာရတဲ့ အကြောင်းအရင်းကို လက်တွေ့ကျကျနဲ့ မှန်မှန်ကန်ကန် ပြန်ပြောင်းကြည့် ရှုကြဖို့ လိုအပ်မှာ ဖြစ်ပါတယ်။

ကျွန်တော်တို့အစိုးရ စတင်တာဝန်ယူတဲ့အချိန်ကစပြီး နှစ်ပေါင်းများစွာ ဖြစ်ပွားခဲ့ရတဲ့ လက်နက်ကိုင် ပဋိပက္ခများအတွက် တွေ့ဆုံညှိနှိုင်း အဖြေရှာရေး လက်နက်ကိုင် အဖွဲ့အစည်းများထံ ငြိမ်းချမ်းရေး စတင် ဖိတ်ခေါ်ခဲ့ပါတယ်။

ဒီနေရာမှာနောက်ခံသမိုင်းတွေ၊ နိုင်ငံရေး ရပ်တည်ချက်တွေ၊ လိုလားချက်တွေအရ မတူညီကြတဲ့ တိုင်းရင်းသား လက်နက်ကိုင် အဖွဲ့အစည်းများအားလုံး အနေနဲ့ တူညီစွာ တောင်းဆိုခဲ့ကြတဲ့ အဓိကအချက်တွေ ရှိပါတယ်။ ဒါကတော့ တစ်နိုင်ငံလုံး အတိုင်းအတာနဲ့ ပစ်ခတ်တိုက်ခိုက်မှုတွေ ရပ်စဲဖို့နဲ့ လက်နက်ကိုင်ပဋိပက္ခတွေကို နိုင်ငံရေးအရ တွေ့ဆုံ ဆွေးနွေး အဖြေရှာဖို့အတွက်ပဲဖြစ်ပါတယ်။ ဒါကြောင့် ကျွန်တော်တို့အနေနဲ့ တစ်ဖွဲ့ချင်း ဆွေးနွေးတဲ့ အခြေအနေကနေ အဖွဲ့အစည်းအားလုံး အတူတကွ ပါဝင်ဆွေးနွေးနိုင်မယ့် ဖြစ်စဉ်တစ်ရပ်ကို တည်ဆောက်ခဲ့ပါတယ်။ ဒီလိုဖြစ်စဉ်တစ်ရပ်ကို အခိုင်အမာ တည်ဆောက် နိုင်တာကြောင့် ကျွန်တော်တို့နိုင်ငံရဲ့ ငြိမ်းချမ်းရေးတည်ဆောက်မှု သမိုင်းတလျောက်မှာ အစိုးရ၊ လွှတ်တော်၊ တပ်မတော်နဲ့ လက်နက်ကိုင် အဖွဲ့အစည်းများ အကြားမှာ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် တစ်ခုကို ရရှိလာခဲ့ ပါတယ်။ ပါဝင်လက်မှတ်ထိုးတဲ့အဖွဲ့တွေနဲ့ လက်မှတ်မထိုးနိုင်သေးတဲ့ အဖွဲ့တွေ ရှိသော်လည်း ဒီသဘောတူစာချုပ်ဟာ အစိုးရ၊ လွှတ်တော်၊ တပ်မတော်နဲ့ ဆွေးနွေးဘက် လက်နက်ကိုင် အဖွဲ့အစည်းများ အားလုံး သဘောတူရေးဆွဲခဲ့တဲ့ စာချုပ်ဖြစ်ပါတယ်။

စာချုပ်အရ အပစ်အခတ်ရပ်စဲရေးဆိုင်ရာ ကိစ္စရပ်တွေကို ဆက်တိုက် အကောင် အထည်ဖော်နိုင်ခဲ့ပါတယ်။ လက်နက်ကိုင် ပဋိပက္ခများ၊ တိုက်ပွဲများကို ထိရောက်စွာ ကြိုတင်ကာကွယ်နိုင်ဖို့၊ ရပ်တန့်နိုင်ဖို့နဲ့ ဖြေရှင်းနိုင်ဖို့အတွက် ပစ်ခတ်တိုက်ခိုက်မှု ရပ်စဲရေး ဆိုင်ရာ ပူးတွဲစောင့်ကြည့်ရေး ကော်မတီများ၊ စစ်ဘက်ဆိုင်ရာကျင့်ဝတ်များနဲ့ TOR များကို စတင် အကောင်အထည်ဖော်နိုင်ခဲ့ပြီဖြစ်ပါတယ်။

သို့သော်လည်း လွတ်လပ်ရေးရပြီးတည်းက ပေါ်ပေါက်ခဲ့တဲ့ လက်နက်ကိုင် ပဋိပက္ခများရဲ့ ဇာစ်မြစ်ပြဿနာတွေကို နိုင်ငံရေးအရ ဆွေးနွေးညှိနှိုင်းအဖြေရှာတဲ့ အခါမှာတော့ လက်နက်ကိုင် တပ်ဖွဲ့များသာမက သက်ဆိုင်ရာ နိုင်ငံရေးအင်အားစုတွေနဲ့ လူထု အဖွဲ့အစည်းတွေပါ ကိုယ်စားပြု ဆွေးနွေးကြရမှာဖြစ်ပါတယ်။ ဒါကြောင့် ကျွန်တော်တို့ အားလုံးအနေနဲ့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး စာချုပ်မှာ အပစ်အခတ် ရပ်စဲရေးထက် ကျော်လွန်တဲ့ နိုင်ငံရေးသဘောတူညီချက်တွေကိုလည်း ထည့်သွင်း ချုပ်ဆို ခဲ့ပါတယ်။ အဓိကအချက် အနေနဲ့ကတော့ လက်နက်ကိုင် ပဋိပက္ခများကို နိုင်ငံရေး နည်းလမ်းနဲ့ ညှိနှိုင်းအဖြေရှာရေးနဲ့ ဒီမိုကရေစီနဲ့ ဖက်ဒရယ်စနစ်ကို အခြေခံတဲ့ ပြည်ထောင်စုကြီးကို ထူထောင်ရေးအတွက် နိုင်ငံရေး ဆွေးနွေးပွဲများ ပြုလုပ်ဖို့ပဲ ဖြစ်ပါတယ်။ ဒါကြောင့် ဒီကနေ့ ပြည်ထောင်စုငြိမ်းချမ်းရေးညီလာခံ စတင်ကျင်းပရခြင်းဟာ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်ကို အခြေခံပြီး စာချုပ်ပါ အချိန်ဇယားအတိုင်း နိုင်ငံရေး ဆွေးနွေးမှုဖြစ်စဉ်ကို အစပြု အကောင်အထည်ဖော် ဆောင်ရွက်ခြင်းလည်း ဖြစ်ပါတယ်။ မြန်မာနိုင်ငံ ငြိမ်းချမ်းရေး တည်ဆောက်မှု သမိုင်း တလျောက် ဘယ်တုန်းကမှ မရရှိဖူးခဲ့တဲ့ နိုင်ငံရေးတည်ငြိမ်မှုနဲ့ ပွင့်လင်း လွတ်လပ်မှု တွေကို အခြေခံပြီးဒီကနေ့ ပြည်ထောင်စုငြိမ်းချမ်းရေး ညီလာခံကြီးကို ကျင်းပနိုင်မှာ ဖြစ်ပါတယ်။ အခုလို ပြည်ထောင်စုငြိမ်းချမ်းရေး ညီလာခံ စတင်ကျင်းပနိုင်ခြင်းဟာ နိုင်ငံရေး အသွင်ကူးပြောင်းမှုတစ်ခုကို စနစ်တကျ စတင်နိုင်ပြီး တည်ငြိမ်တဲ့ အရွေ့တစ်ခု ပေါ်ပေါက်ရေးကို စီမံခန့်ခွဲနိုင်ခြင်းရဲ့ အကျိုးရလဒ် တစ်ခုအဖြစ်လည်း ရှုမြင်ကြရမှာ ဖြစ်ပါတယ်။

ပြည်ထောင်စုညီလာခံကို စတင်ခေါ်ယူကျင်းပရခြင်းဟာ ကျွန်တော်တို့အနေနဲ့ ၂၀၁၅ ရွေးကောက်ပွဲရလဒ်အရ ပေါ်ပေါက်လာမယ့် အစိုးရသစ်ထံ အစိုးရတာဝန်များကို လွှဲပြောင်းပေးတဲ့ ကိစ္စတွေထဲမှာ အရေးအကြီးဆုံး လုပ်ငန်းစဉ်တစ်ခုကို ဆောင်ရွက်ခြင်း ဖြစ်ပါတယ်။ သိမ်မွေ့နက်နဲပြီး ကျယ်ပြန့်တဲ့ ငြိမ်းချမ်းရေးလုပ်ငန်းစဉ်ကို အစိုးရသစ်ထံ စနစ်တကျ လွှဲပြောင်းနိုင်ရေးအတွက် အထူးအရေးပါလှတဲ့ ဆောင်ရွက်ချက် တစ်ခုလည်း ဖြစ်ပါတယ်။

ဒီညီလာခံဟာ ကာလအပိုင်းအခြား တစ်ခုအနေနဲ့ ဆောင်ရွက်တဲ့ အခမ်းအနား တစ်ခု မဟုတ်ဘဲ ဒီမိုကရေစီနဲ့ ဖက်ဒရယ်စနစ်ကိုအခြေခံတဲ့ ပြည်ထောင်စုကြီး တည်ဆောက်ရေး အတွက် ဖြစ်စဉ်တစ်ခုအစပျိုးခြင်းသာ ဖြစ်ပါတယ်။ ဆွေးနွေးရမယ့် ကိစ္စရပ်တွေ၊ ပါဝင် ဆွေးနွေးမယ့်သူတွေနဲ့ ကိုယ်စားပြုမှုတွေဟာလည်းညီလာခံကြီးရဲ့ ဖြစ်စဉ် တလျောက်မှာ ဆက်လက် ဆွေးနွေးညှိနှိုင်းသွားရမယ့် ကိစ္စရပ်များဖြစ်ပါတယ်။

ဒီညီလာခံကအစပြုပြီး နိုင်ငံရေး ဆွေးနွေးမှုများကနေ နိုင်ငံရေး အင်အားစုများအကြားမှာ ရရှိလာမယ့် အပြန်အလှန်ယုံကြည်မှုတွေကလည်း နိုင်ငံရေးဖြစ်စဉ်ကို များစွာ အထောက် အကူပြုမှာ ဖြစ်ပါတယ်။ ဒီညီလာခံကြီးကနေစပြီး နိုင်ငံရေးဆွေးနွေးပွဲတွေမှာ နိုင်ငံရေး၊ လူမှုရေး၊ စီးပွားရေး၊ လုံခြုံရေး၊ မြေယာနဲ့ သဘာဝပတ်ဝန်းကျင်ဆိုင်ရာ မူဝါဒများဆိုတဲ့ အကြောင်းအရာတွေကို နိုင်ငံရေးဆွေးနွေးမှုဆိုင်ရာ မူဘောင်များအတိုင်း ဆွေးနွေး ကြမှာဖြစ်ပါတယ်။

ဒီငြိမ်းချမ်းရေးညီလာခံကြီးဟာ အစိုးရသစ်ထံ တာဝန်လွှဲပြောင်းမှု ချောမွေ့စေရေး အတွက်ရော တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး စာချုပ်ပါ အချိန်ဇယားအတိုင်း အကောင် အထည်ဖော်ရေးအတွက်ပါ စတင်ရတာ ဖြစ်ပါတယ်။ အချိန်မီစတင်ရတာ ဖြစ်တဲ့အပြင် ဒီကနေ့ဆွေးနွေးကြမယ့် ကဏ္ဍကြီး ငါးရပ်ဟာလည်း အလွန်ကျယ်ပြန့်တာ ဖြစ်တဲ့အတွက် ဒီ (၅) ရက်တာကာလအတွင်းမှာ ဆုံးဖြတ်ချက်တွေ ချမှတ်ခြင်း မပြုဘဲ ဆွေးနွေးမှုတွေကို စုစည်းမှာဖြစ်ပါတယ်။

ဒီလိုစုစည်းပြီးနောက် ညီလာခံကို သယ်ဆောင်သွားကြဖို့ ဖြစ်ပါတယ်။ ဒါကြောင့် နောက်အစိုးရသစ်လက်ထက်မှာ ကျင်းပမယ့် ပြည်ထောင်စု ငြိမ်းချမ်းရေး ညီလာခံအတွက် အခြေခံအုတ်မြစ်ကောင်း ချမှတ်ခြင်းဖြစ် တယ်လို့လည်း ဆိုရမှာဖြစ်ပါတယ်။ အစိုးရသစ် လက်ထက် ပေါ်ပေါက် လာမယ့် ညီလာခံမှာ ရလဒ်ကောင်းများ ထွက်ပေါ်လာရေးအတွက် ဒီကနေ့ ဆွေးနွေးမှုများကို အကောင်းဆုံး စုစည်းနိုင်ခြင်းအပေါ်မှာ မူတည်မယ်ဆို တာကိုလည်း သတိပြုကြစေလိုပါတယ်။

ဒီညီလာခံကြီးမှာ ဆွေးနွေးညှိနှိုင်းအဖြေရှာတဲ့ အခါမှာ ကိုယ်စားလှယ်တော် ကြီးများ အနေနဲ့ ဆွေးနွေးဘက် အဖွဲ့အစည်းအသီးသီးရဲ့ မတူညီတဲ့ သမိုင်းကြောင်းတွေ၊ နိုင်ငံရေး ရပ်တည်ချက်တွေနဲ့ လိုလားချက်တွေကို အပြန်အလှန် နားလည်သိရှိဖို့ ကြိုးပမ်းကြရမှာ ဖြစ်ပါတယ်။

ကျွန်တော်တို့ လူ့အဖွဲ့အစည်းမှာ ကြုံတွေ့ရင်ဆိုင်နေရတဲ့ ပြဿနာတွေကို ဆွေးနွေး အဖြေရှာတဲ့အခါမှာ အဖွဲ့အစည်းတစ်ခုရဲ့ ရပ်တည်ချက်၊ ရှုထောင့် တစ်ခုတည်းက မကြည့်ဘဲ ရှုထောင့်ပေါင်းစုံကနေ ရှုမြင်ပြီးအတူတကွ လက်တွဲဖြေရှင်းမယ်ဆိုတဲ့ ချဉ်းကပ်မှုမျိုးနဲ့ ဆွေးနွေးညှိနှိုင်းကြဖို့ တိုက်တွန်းအပ်ပါတယ်။ လက်တွေ့ကျပြီး အပြု သဘောဆောင်တဲ့ ဆွေးနွေးမှုများ ပြုလုပ်ပြီး တိုင်းပြည်အတွက် ရေရှည် အကျိုး ဖြစ်ထွန်းစေ မယ့် ဆွေးနွေးမှုတွေ၊ နိုင်ငံရေး ရွေးချယ်မှုတွေနဲ့ သဘောတူညီမှုတွေ ရရှိအောင် ကြိုးပမ်းကြဖို့ အလေးအနက် တိုက်တွန်းပြောကြားရင်း နိဂုံးချုပ်အပ်ပါတယ်။

Myanmar President Office