အီရန်ရေပြင်ပိုင်နက်ထဲ စက်ပျက်မျောပါသွားပြီး ထိန်းသိမ်းခံလိုက်ရတဲ့ အမေရိကန်ရေတပ်သား ၁၀ ဦး အီရန်က ပြန်လွှတ်ပေးလိုက်တဲ့အပေါ် အမေရိကန်ပြည်ထောင်စုက ကြိုဆိုလိုက်ပါတယ်။ ဒီကိစ္စ ဖြေရှင်းလိုက်နိုင်တာဟာ သံတမန်ရေးအရ အောင်မြင်မှုဖြစ်ကြောင်း အမေရိကန် နိုင်ငံခြားရေးဝန်ကြီး John Kerry က ပြောကြားလိုက်သလို၊ ကာကွယ်ရေးဝန်ကြီး Ash Carter ကလည်း အမေရိကန် စစ်မှုထမ်းတွေ သူတို့လက်ထဲ ပြန်ရောက်လာတဲ့အတွက် ၀မ်းမြောက်ကြောင်း ပြောကြားပါတယ်။
အမေရိကန် ရေတပ်အမှုထမ်းတွေရဲ့ ပြောဆိုချက်တွေကို အပြည့်အ၀ မကြားသိရသေးတဲ့အတွက် သူတို့ ဘာကြောင့် အခုလို ဖမ်းဆီးခံလိုက်ရ တယ်ဆိုတဲ့ အခြေအနေ အသေးစိတ်အချက်အလက်ကို မသိရသေးဘူးလို့ ၀န်ကြီး Carter က ပြောပါတယ်။
ပြန်လွတ်လာကြတဲ့ ရေတပ်အမှုထမ်းတွေဖြစ်ကြတဲ့ အမျိုးသား ၉ ဦးနဲ့ အမျိုးသမီး ၁ ဦးတို့ဟာ Qatar နိုင်ငံမှာရှိတဲ့ အမေရိကန် စစ်အခြေစိုက် စခန်းကို ရောက်နေကြပြီ ဖြစ်ပါတယ်။ အမေရိကန် ရေတပ်အမှုထမ်းတွေ အဖမ်းမခံရခင်က အသုံးပြုခဲ့တဲ့ အမေရိကန် ကင်းလှည့် စစ်ရေယာဉ်ငယ် ၂ စင်းကိုလည်း အီရန်က အမေရိကန်နိုင်ငံလက်ထဲ ပြန်လည် လွှဲပြောင်းပေး ခဲ့ပြီး ဖြစ်ပါတယ်။
VOA
No comments:
Post a Comment