ယူကရိန်းနိုင်ငံ Crimea ဒေသမှာ လက်နက်ကိုင်အဖွဲ့တစ်ခု ဝင်ရောက်သိမ်းပိုက်မှုတွေ လုပ်ထားပြီး အဲဒီဒေသအတွင်းမှာရှိတဲ့ အစိုးရအဆောက်အဦးတွေမှာ ရုရှားအလံတွေကို လွှင့်တင်ထားလိုက်ပါတယ်။
Crimea ဒေသခံတွေ အများစုဟာ ရုရှားစကားကို ပြောဆိုကြပြီး ရုရှားနိုင်ငံကို ထောက်ခံသူများတဲ့ ဒေသ ဖြစ်ပါတယ်။
ယူကရိန်းနိုင်ငံ ယာယီအစိုးရကလည်း ရုရှားအနေနဲ့ Crimea ဒေသမှာ စစ်ရေးအရ ဝင်ရောက် စွက်ဖက်တာတွေ မလုပ်ဖို့ သတိပေးချက်တွေ လုပ်ဆောင်ခဲ့ပါတယ်။
Cremea ပါလီမန်ကလည်း ဒေသတွင်း ပိုမိုအုပ်ချုပ်ပိုင်ခွင့် ရရှိအောင် လုပ်ဆောင်သင့်မသင့် ဆန္ဒခံယူပွဲ ကျင်းပဖို့ စီစဉ်ထားပေမယ့် တချို့ကလည်း ရုရှားစစ်တပ်တွေ ဝင်ရောက်စွက်ဖက်တာကို ပိုမို လိုလားနေကြ
ပါတယ်။
ဗြိတိန်နိုင်ငံ ဝန်ကြီးချုပ် ဒေးဗစ် ကင်မရွန်ကတော့ ရုရှားအနေနဲ့ ယူကရိန်းနိုင်ငံ အုပ်ချုပ်ရေးကို ယူကရိန်းပြည်သူတွေကိုပဲ ပေးဖို့ ယူကရိန်းအရေးမှာ ရုရှားက ဝင်ရောက်စွက်ဖက်မှု မလုပ်ဘူးလို့ ကတိပေးထားတဲ့အတိုင်း ကတိတည်ဖို့လိုကြောင်း ပြောလိုက်ပါတယ်။
ယူကရိန်းနိုင်ငံမှာ ဖမ်းဝရမ်းထုတ်ခံထားရတဲ့ သမ္မတဟောင်း Viktor Yanukovych ကတော့ ရုရှားနိုင်ငံမှာ ခိုလှုံနေပြီး ဒီကနေ့ သတင်းစာရှင်းလင်းပွဲလုပ်မှာ ဖြစ်သလို သူ့ကိုယ်သူလည်း ယူကရိန်းနိုင်ငံရဲ့ တရားဝင်ခေါင်းဆောင်အဖြစ် သတ်မှတ်ထားပြီး အခုတက်လာတဲ့ ယူကရိန်းယာယီ အစိုးရဟာ တရားမဝင်ဘူးလို့ ရုရှားရုပ်မြင်သံကြားတစ်ခုမှာ ပြောလိုက်ပါတယ်။
ယူကရိန်းနိုင်ငံ ယာယီအစိုးရကတော့ သမ္မတဟောင်းအပါအဝင် အရင်အစိုးရလက်ထက်က ကျန်ရှိတဲ့ အစိုးရအရာရှိဟောင်းတွေကို ဖယ်ရှားရမယ့်အကြောင်း အဲဒီပုဂ္ဂိုလ်တွေကြောင့် ယူကရိန်းနိုင်ငံက ပြည်သူပိုင်ငွေ ဒေါ်လာ ဘီလီယံပေါင်း ၇၈ ဘီလီယံ အခိုးခံရသလို ဖြစ်နေပြီး ပြည်ပကို ရောက်ရှိကုန်ပြီလို့ ပြောပါတယ်။
ABC
No comments:
Post a Comment