ထိုင်းနိုင်ငံ ၀န်ကြီးချုပ် ရင်လတ် ရှင်နာဝပ်က သူမကို လာဒ်စားမှုနဲ့ တရားစွဲဆိုထားတဲ့ ကိစ္စတွေ ဖြေကြား ပေးဖို့အတွက် သူမရဲ့ရှေ့နေကို လာဒ်ပေးလာဒ်ယူမှုတိုက်ဖျက်ရေးကော်မရှင်ဆီ ပို့ဆောင်လိုက်ပြီလို့ သိရပါတယ်။
ဝန်ကြီးချုပ် ရင်လတ် ရှင်နာဝပ်ကိုထောက်ခံတဲ့လူပေါင်း သုံးရာလောက်ဟာ လာဒ်ပေးလာဒ်ယူမှု တိုက်ဖျက်ရေး ကော်မရှင်ရုံးကို ၀ိုင်းရံပြီး ပိတ်ဆို့ထားတယ်လို့ သိရပါတယ်။
အခုလိုမျိုး လာဒ်ပေးလာဒ်ယူမှု တိုက်ဖျက်ရေးကော်မရှင်က သူမကို ရာထူးကနေ ဖယ်ရှားဖြစ်ဖို့အတွက် ကြိုးစားနေတဲ့အချိန်မှာပဲ ၀န်ကြီးချုပ် ရင်လတ်ရှင်နာဝပ်ကတော့ သူမကို နိုင်ငံရေးအရ ထောက်ခံမှု အများဆုံးပေးတဲ့ ထိုင်းနိုင်ငံ မြောက်ပိုင်းကို ခရီးထွက်ခွာသွားပြီ ဖြစ်ပါတယ်။
ရင်လတ်ရှင်နာဝပ်ဟာ သူမကိုယ်တိုင် သွားရောက်ထွက်ချက်ပေးရမယ့်အစား အခုလို သူမကိုယ်စား ရှေ့နေကိုပဲ လွတ်လိုက်တဲ့အပေါ်မှာ ဝေဖန်မှုတွေ အတော်လေးခံနေရပါတယ်။
ဒါပေမယ့် ကော်မရှင်ကနေ သူမကိုယ် အပြစ်ရှိတယ်လို့ တွေ့ရှိခဲ့ရင်တော့ သူမအနေနဲ့ ရာထူးကနေ ဖယ်ရှားခံရမှာဖြစ်သလို နိုင်ငံရေးလုပ်ကိုင်ခွင့် ၅ နှစ်အထိ ပိတ်ပင်ခံရမှာဖြစ်ပါတယ်။
အခုအစိုးရအဖွဲ့ကို ထောက်ခံတဲ့ ရှပ်နီအဖွဲ့တွေကလည်း ၀န်ကြီးချုပ် ရင်လတ် ရှင်နာဝပ် ရာထူးကနေ ဖယ်ရှားမခံရအောင် စုရုံးမှုတွေ စတင်လုပ်ဆောင်လာပြီး မြို့တော် ဘန်ကောက်မြို့ရဲ့ လုံခြုံရေးကိုလည်း စိုးရိမ်ဖွယ်အခြေအနေဖြစ်အောင် ဖော်ဆောင်နေကြပါတယ်။
လက်ရှိ ထိုင်းနိုင်ငံရဲ့ နိုင်ငံရေး ပြဿနာကို ကူညီဖြေရှင်းပေးဖို့အတွက် ထိုင်းအစိုးရက ကုလသမဂ္ဂကို တောင်းဆိုထားတယ်လို့လည်း သိရပါတယ်။
ABC
No comments:
Post a Comment