ဒီဇင္ဘာ ၁၆ ရက္၊ ၂၀၁၃ ခုႏွစ္
မရမ္းကုန္းၿမိဳ႕နယ္၊ ေ၀ဇယႏၲာ လမ္းမႀကီးေပၚ ေရကူးအသံလႊင့္႐ံုအနီး ဘီယာ မ်ား
တင္ေဆာင္လာသည့္ ယာဥ္တစ္စီး တိမ္းေမွာက္မႈ ျဖစ္ပြားခဲ့ေၾကာင္း သိရ သည္။
ဒီဇင္ဘာ ၁၅ ရက္ ညေန ၄ နာရီ ၀န္းက်င္ခန္႔တြင္ ေ၀ဇယႏၲာလမ္းမႀကီး
ေျမာက္ဥကၠလာဘက္မွ ေတာင္ဥကၠလာဘက္သို႔ ေမာင္းႏွင္လာေသာ လိုက္(စ္)အိပ္
အမ်ဳိးအစား ယာဥ္အမွတ္ ၈ည/..... မွာ ေရကူးအသံလႊင့္႐ံုနား အေရာက္တြင္
တိမ္းေမွာက္မႈ ျဖစ္ပြားခဲ့ေၾကာင္း သိရသည္။
၎ယာဥ္ေပၚတြင္ ယာဥ္ေမာင္းအပါအ၀င္ အမ်ဳိးသားေလးဦးႏွင့္ အမ်ိဳးသမီး ႏွစ္ဦး လိုက္ပါလာေၾကာင္း သိရသည္။
"ကားက ေျမာက္ဥကၠလာဘက္ကေန လာတာ။ ကားေပၚမွာ အမ်ဳိးသား ေလးဦးနဲ႔
အမ်ိဳးသမီးႏွစ္ဦး ပါလာတာ ေတြ႕တယ္။ ဒီကားက အေ၀းေျပးက ေန ဘီယာေတြတင္ၿပီး
မဂၤလာေစ်းကို သြားမွာလို႔ေတာ့ ၾကားရတယ္။ ကားေမွာက္လို႔ ကြၽန္ေတာ္တို႔
ေျပးၾကည့္ေတာ့ ယာဥ္ေမာင္းက အရက္မူး ေနတာ" ဟု ယာဥ္တိုက္မႈအား မ်က္ျမင္ေတြ႕သူ
ကိုျပည့္စံုက ဆိုသည္။
ယာဥ္တိမ္းေမွာက္မႈ ျဖစ္စဥ္ေၾကာင့္
ယာဥ္ေပၚပါ အမ်ဳိးသားတစ္ဦးႏွင့္ အမ်ိဳးသမီးတစ္ဦး ထိခိုက္ဒဏ္ရာ ရရိွကာ
ေျမာက္ဥကၠလာၿမိဳ႕နယ္ရိွ ေမဓါ၀ီေဆး႐ံုသို႔ တင္ပို႔ထားေၾကာင္း သိရသည္။
၎ယာဥ္တိမ္းေမွာက္မႈ ျဖစ္စဥ္အား မရမ္းကုန္း ၿမိဳ႕မရဲစခန္းမွ ယာဥ္ (ပ) ၉၇၊
ျပစ္မႈပုဒ္မ ၂၇၉/၃၃၈ ျဖင့္ အမႈဖြင့္ကာ ယာဥ္ေမာင္းအား ဖမ္းဆီးစစ္ေဆး
လ်က္ရိွသည္။
Eleven Media Group
ဗွီအိုအေမြန်မာနံနက်ခင်း(ဧပြီ ၂၃၊၂၀၂၄)
-
ဗွီအိုအေမြန်မာနံနက်ခင်း(ဧပြီ ၂၃၊၂၀၂၄) “စစ်အာဏာချုပ်ကိုင်နိုင်ဖို့
အကြမ်းဖက်မှုတွေဆက်ကျူးလွန်နေ” ကန်နိုင်ငံခြားရေးဝန်ကြီးပြောဆို၊
မြန်မာ့ပဋိပက္ခကြားဝင်စေ့စပ...
6 months ago
No comments:
Post a Comment