ယခု
ဖတ်ရှုရမည့် ဆန္ဒပြမှုသတင်းမှာ ရန်ကုန်၊ မန္တလေး ကဲ့သို့သော မြို့ကြီးများတွင်
ပေါ်ပေါက်ခဲ့ခြင်း မဟုတ်ဘဲ မြို့ငယ်တခုတွင် ပေါ်ပေါက်ခဲ့ခြင်း ဖြစ်သည်။ကျောက်ဆည်မြို့ ဘဲလင်းကျေးရွာရှိ ကံကောင်းခြင်း သစ်အချောထည် စက်ရုံမှ အလုပ်သမား တရာကျော်သည် ယနေ့နံနက်တွင် စက်ရုံအတွင်း ငြိမ်းချမ်းစွာ ထိုင်ပြီး ဆန္ဒပြခဲ့ကြသည်။
အလုပ်သမားများ အတွက် ကျန်းမာရေးစောင့်ရှောက်ရေး အစီအစဉ်များ မရှိခြင်း၊
လစာနှုန်းထား နည်းခြင်းနှင့် ၀င်ငွေထက် မရားသဖြင့် ချမှတ်ထားသော စည်းကမ်းချက်များကြောင့် ပေးဆောင်ရသည့် ဒဏ်ငွေများခြင်း စသည်တို့ကြောင့် ယခုကဲ့သို့ ဆန္ဒပြခဲ့ခြင်း ဖြစ်ကြောင်း အလုပ်သမားအရေး လိုက်ပါ ဆောင်ရွက်နေသည့် ဦးကိုကိုကြီးက ပြောသည်။
တောင်းဆိုချက် အများစုကို ကံကောင်းခြင်း သစ်အချောထည် စက်ရုံ ပိုင်ရှင် တရုတ်လူမျိုးက လိုက်လျောခဲ့သည်ဟု ဆိုသည်။
‘‘အချက် ၈ ချက်မှာ ၇ ချက်တော့ အဆင်ပြေသွားပြီ။ အချက် ၃ ကိုတော့ ညှိုနှိုင်းနေတုန်းပဲ" ဟု ဦးကိုကိုကြီးက ပြောသည်။
၁။ နိုင်ငံတကာစံချိန်အတိုင်း တရက် အလုပ်ချိန် ၈နာရီ သတ်မှတ်ပေးရန်၊ အချိန်ပိုလုပ်အားခ ပေးရန်
၂။ အစိုးရရုံးပိတ်ရက်များတွင် အလုပ်ပိတ်ပေးရန်
၃။ လစာနှင့် အပြတ်လုပ်ငန်းလုပ်ဆောင်မှုများတွင် လက်ရှိ လစာဈေးနှုန်းထက် နှစ်သောင်းစီ တိုးပေးရန်
၎။ ဆန္ဒပြ၀န်ထမ်းများအပါဝင် တခြားသော ၀န်ထမ်းများကို အလုပ်နေရာပြောင်းခြင်း၊ ဌာနပြောင်းခြင်းနှင့် ထုတ်ပယ်ခြင်းများ မပြုလုပ်ရန်
၅။ ကျန်းမာရေးစောင့်ရှောက်မှုများကို လုပ်ဆောင်ပေးရန်နှင့် အလုပ်လုပ်ချိန်တွင်း ကိုယ်လက်အင်္ဂါနှင့် အသက်အနရာယ်ဆုံးရှုံးမှုများ ရှိပါက တာဝန်ယူ အာမခံချက် ရှိရန်
၆။ အခြေခံအလုပ်သမားအဖွဲ့စည်း၊ သမဂ္ဂတို့ကို တရားဝင် ဖွဲ့စည်းခွင့်ပြုရန်
၇။ မတရားသဖြင့် သတ်မှတ်ထားသည့် စည်းကမ်းချက်နှင့် ဒဏ်ကြေးများကို ပယ်ဖျက်ပေးရန်
၈။ တရားဝင် ရပိုင်ခွင့် အခွင့်ရေးများကို လျစ်လျှူရှုပြီး တဘက်သတ်ထုတ်ပြန်ထားသော အချက်များကို ပယ်ဖျက်ရန် နှင့် အလုပ်သမား စည်းကမ်းချက်များကို အလုပ်သမားခေါင်းဆောင်များနှင့် တိုင်ပင် ထုတ်ပြန်ရန်
နံနက် ၇ နာရီတွင် အစပြုခဲ့သည့် ဆန္ဒပြမှုမှာ နေ့လယ် ၁း၃၀ တွင် ပြီးဆုံးသွားသည်။ညှိနှိုင်းရေးအဖွဲ့များ၊ အလုပ်သမားဦးစီးဌာနမှ တာဝန်ရှိသူများ၊ ဒေသခံ အာဏာပိုင်ရဲများ လာရောက်ဖြေရှင်းပေးခဲ့ပြီးနောက်ပိုင်းတွင် ပြီးဆုံးသွားခြင်း ဖြစ်သည်။
ဧရာဝတီ(Blog)
No comments:
Post a Comment