မြန်မာနိုင်ငံတွင်
၁၉၄၇ ခုနှစ် ဇူလိုင်လ ၁၉ ရက်နေ့က ခေါင်းဆောင်ကြီးများ
တိုင်းကျိုးပြည်ပြုကိစ္စရပ်များ စည်းဝေး တိုင်ပင်နေစဉ် ကျဆုံးခဲ့ကြရသည်။တိုင်းပြည်နှင့် ချီပြီး နစ်နာစေခဲ့သည့် ထို နိုင်ငံတော် လုပ်ကြံမှုကြီးကို လွန်ခဲ့သည့် နှစ်ပေါင်း ၂၀ ကျော် ကာလအတွင်း စစ်အာဏာပိုင်များက နည်းမျိုးစုံဖြင့် ထိန်ချန်ခဲ့သဖြင့် မြန်မာပြည်သား မျိုးဆက်သစ်များ သမိုင်းအမှန်နှင့် ကင်းကွာခဲ့ရသည်။
နှစ်ပေါင်း ၆၀ ကျော်က မြန်မာနိုင်ငံတွင် ဤဖြစ်ရပ် ဖြစ်ပွားခဲ့သည်မှာ သမိုင်း အမှန်ပင် ဖြစ်ပါသည်။
သမိုင်းအမှန်ကို လိမ်ညာ ထိန်ချန်၍ မရစကောင်းပါ။ ထိုသို့ ပြုလုပ်ရန်လည်း မသင့်ပါ။
ကျောင်းသင်ခန်းစာများနှင့် နိုင်ငံပိုင် သတင်းမီဒီယာများကို လိုသလို အသုံးချ၍သော်လည်းကောင်း၊ ဗိုလ်ချုပ် အောင်ဆန်းနှင့် အာဇာနည် ခေါင်းဆောင်ကြီးများကို
အမှတ်ရစေနိုင်သည့် အခမ်းအနားများ၊ အထိမ်းအမှတ်နေရာများ၊ အသုံးဆောင်များကို တားဆီးပိတ်ပင်မှုများ ပြုလုပ်၍ သော်လည်းကောင်း မေ့ပျောက် မှေးမှိန်စေရန်
ဆောင်ရွက်ချက်များကို စနစ်တကျ ပြုလုပ်ခဲ့ကြသည်။
ယမန်နှစ်က ၆၄ နှစ်မြောက် အာဇာနည်နေ့ အခမ်းအနားကို ရန်ကုန် စည်ပင်သာယာဝန်ကြီးကသာ အစိုးရ၏ အမြင့်ဆုံး တာဝန်ရှိသူ အဖြစ် တက်ရောက်ခဲ့သည်။
အရပ်သား အစိုးရ ရွေးကောက်ပွဲ မတိုင်ခင် ၂၀၁၀ ပြည့်နှစ် ၆၃ နှစ်မြောက် အာဇာနည်နေ့ အခမ်းအနားကိုလည်း အစိုးရ သတင်းစာ၏ အတွင်း စာမျက်နှာတွင်သာ နေရာပေးခဲ့သည်ကို တွေ့မြင်ကြရသည်။
ထိုသို့ အာဏာရှင်များက သမိုင်းအမှန်ကို ပြောင်းလဲရန် ကြိုးပမ်းကြသော်လည်း ဖြစ်ရပ်မှန်များကို ပေထက် အက္ခရာ တင်ခဲ့ကြ သည့် မှတ်တမ်းများစွာ မပျောက်မပျက် ရှိခဲ့ပါသည်။
ဗိုလ်ချုပ်ဆောင်ဆန်းနှင့် အာဇာနည် ခေါင်းဆောင်ကြီးများ၏ အတ္ထုပ္ပတ္တိများအပြင် နိုင်ငံတော် လုပ်ကြံမှုကို ဦးဆောင်သူ ဂဠုန် ဦးစော၊ လုပ်ကြံမှုတွင် ပါဝင် ပတ်သက်ခဲ့သူများ ဖြစ်သော စိန်ကြီး၊ သက်နှင်း၊ သုခ၊ ရန်ကြီးအောင်၊ ခင်မောင်ရင်၊ မှုံကြီး၊ ဖော်ကောင် ဘညွန့်၊ ကိုနီ၊ မောင်စိုး စသူတို့၏ ကိုယ်ရေးရာဇ၀င်နှင့် ပြစ်မှု ကျူးလွန်ခဲ့ပုံများ၊ လုပ်ကြံမှုတွင် အသုံးပြုသည့် သေနတ် လက်နက်များ အကြောင်းကိုပါ ရှာဖွေလေ့လာ နိုင်ပါသည်။
အာဇာနည် ခေါင်းဆောင်ကြီးများ မကျဆုံးမီ တရက် ဇူလိုင် ၁၈ ရက်က ဒီးဒုတ် ဦးဘချို နှင့် ညဥ့်နက်သည်အထိ တွေ့ဆုံခဲ့ရပုံ၊ ဒီးဒုတ် ဦးဘချို၏ ထူးခြားသည့် စွမ်းရည် ဆောင်ရွက်ချက်များကို ပြန်ပြောင်း အောက်မေ့စွာ ရေးသားထားသော စာရေး ဆရာကြီး မောင်ထင်၏ မှတ်တမ်း၊
ဇူလိုင် ၁၉ ရက်မှာ အာဇာနည် ခေါင်းဆောင်ကြီးများကျဆုံး ခဲ့ရပြီကို ကြိုတင် မသိနှင့်ဘဲ အတွင်းဝန်ရုံးကို ရောက်သွားသည့် ကဗျာဆရာကြီး ဒဂုန်တာရာ၏ အမှတ်ရချက်၊
စာရေးဆရာကြီး လူထု ဦးလှရေးသားသည့် ထောင်နှင့် လူသား စာအုပ်ထဲက နိုင်ငံတော် လုပ်ကြံမှုတွင် ကားဒရိုင်ဘာ အနေနှင့် ပါဝင်ခဲ့သော သုခ၏ ပြောပြချက်များ
စသည့် ကိုယ်တွေ့မှတ် တမ်း များ၊ ဗိုလ်ချုပ် အောင်ဆန်းနှင့် အနီးကပ်နေခဲ့သည့် တက္ကသိုလ်နေ၀င်း(ဗိုလ်ထွန်းလှ)၏ ကိုယ်တွေ့မှတ်တမ်းများလည်း ရှိနေ ခဲ့ပါသည်။
အဖိုးဖြစ်သူ ကျူးလွန်ခဲ့သည့် သမိုင်းပြစ်မှုက နောက်မျိုးဆက်များအထိ ရိုက်ခတ်ခဲ့မှု၊
ကျူးလွန်ခံရသူနှင့် ကျူးလွန်သူ မျိုးဆက်များဖြစ်သော ဗိုလ်ချုပ်အောင်ဆန်း မျိုးဆက်နှင့် ဦးစော မျိုးဆက်တို့၏ ထူးခြားသည့် ဆက်စပ်မှုဖြစ်ရပ်များအပေါ် ဦးစော၏ မြေး ဒေါ်မွန်မွန်ရင် ပြန်ပြောင်းပြောပြမှုတွင် တွေ့ရသည့် စိတ်နေ သဘောထား မှတ်တမ်းများ၊
မိဘမျိုးဆက်၏ ကောင်းမွေ ဆိုးမွေ၊ သမိုင်း ၏ ကောင်းမွေ ဆိုးမွေ ဆက်ခံရပုံ မှတ်တမ်းများကိုလည်း တွေ့ရှိရပါသည်။
နိုင်ငံတော်လုပ်ကြံမှု ဖြစ်ပွားခဲ့သည့် အချိန် ၀န်းကျင်က ထုတ်ဝေခဲ့သော ဗမာ့ခေတ် ၊ ဟံသာ ၀တီ၊ အိုးဝေ၊ သံတော်ဆင့်၊ မြန်မာ့အလင်း စသည့် သတင်းစာ စာနယ်ဇင်းများမှ စတင်ပြီး ယနေ့ အသုံးပြုနေသော ၀က်ဘ်ဆိုက်၊ ဖေ့စ်ဘုတ်၊ ဘလော့ စသည့် အင်တာနက် စာမျက်နှာများတွင်လည်း သတင်းမှတ်တမ်း ဖော်ပြချက်များ၊ ဝေဖန် သုံးသပ်ချက်များ ရှိနေဆဲ ဖြစ်ပါသည်။
သမိုင်းအမှန်ကို ထိန်ချန်၍ မရစကောင်းဟုဆိုသော စကားပင် အမှန်တရား ဖြစ်နေသည်ဟု ဆိုချင်ပါသည်။ ယခုနှစ် ၆၅ နှစ်မြောက် အာဇာနည်နေ့အတွက် အစိုးရ ကိုယ်တိုင် ကြိုတင်အချိန်ယူ၍ အလေးထားဆောင်ရွက်လာရသည်ကို တွေ့ရသည်။
ယနေ့ ရန်ကုန်တွင် ပြုလုပ်သော နိုင်ငံတော်အဆင့် အာဇာနည်နေ့ အခမ်းအနားကို ဒု သမ္မတ ဒေါက်တာ စိုင်းမောက်ခမ်း တက်ရောက် ဂါရ၀ပြုခြင်းသည် သမိုင်းအမှန် ကို လွန်ဆန်၍မရကြောင်း လက်ရှိ အစိုးရ အဖွဲ့၏ သက်သေခံပြသမှု တခုပင် ဖြစ်ပါသည်။
ဧရာဝတီ(Blog)
No comments:
Post a Comment