သွင်းကုန်
တားမြစ်မှု ဥပဒေ အသက် မ၀င်ခင် ၂၀၀၂ ခုနှစ်အထိ အမေရိကန်သို့ မြန်မာနိုင်ငံက
အမေရိကန် ဒေါ်လာ ၃၅၆.၄ သန်း တန်ဖိုး ရှိ အ၀တ်အထည်နှင့် ကုန်ပစ္စည်းများ
တင်သွင်းခဲ့သည် (ဓာတ်ပုံ – Reuters)
မြန်မာနိုင်ငံတွင် စီးပွားရေး၊ နိုင်ငံရေး ပြုပြင်ပြောင်းလဲမှုများ ဆက်လက် လုပ်ဆောင်ရန်အတွက် ဆက်လက် ဖိအားပေးသည့်အနေဖြင့် ဥပဒေအရ ဆက်လက်ထားရှိသော သဘောဖြစ်ကြောင်း အထက်လွှတ်တော် ဘဏ္ဍာရေး ကော်မတီ ဥက္ကဋ္ဌ Max Baucus က ပြောသည်။
မြန်မာ့သွင်းကုန်များ ကန့်သတ်မှုကို ၂၀၀၃ ခုနှစ်က ပထမဆုံးအကြိမ် ဥပဒေပြု ချမှတ်ခဲ့ခြင်းဖြစ်ပြီး ယခုလကုန်တွင် အဆိုပါ ဥပဒေသက်တမ်း ကုန်ဆုံးတော့မည်ဖြစ်သဖြင့် ယခုကဲ့သို့ သက်တမ်းတိုးရန် လုပ်ဆောင်ခြင်းဖြစ်သည်။
မြန်မာနိုင်ငံတွင် အပြုသဘော ခြေလှမ်းများ လှမ်းလာသည့်အတွက် အသိအမှတ်ပြုသည့်အနေဖြင့် စီးပွားရေး ဒဏ်ခတ်ပိတ်ဆို့ထားမှုတချို့ကို ဖယ်ရှားရန် သို့မဟုတ် ယာယီ ဆိုင်းငံ့ထားရန် အိမ်ဖြူတော်၏ လုပ်ပိုင်ခွင့်ဖြင့် ချမှတ်ခဲ့သည်။
၂၀၀၃ ခုနှစ်တွင် ယင်းသွင်းကုန် တားမြစ်မှုအပြင် မြန်မာနိုင်ငံမှ ထွက်ရှိသော ကျောက်စိမ်း၊ ပတ္တမြား အစရှိသည့် ရတနာ ပစ္စည်းတို့ကို တခြား တိုင်းပြည်များမှ တဆင့် တင်သွင်းလာခြင်းတို့ကိုပါ ၂၀၀၈ ခုနှစ်က ထပ်မံ တိုးချဲ့ ပိတ်ပင်အရေးယူခဲ့သည်။
အမေရိကန် အထက်နှင့် အောက်လွှတ်တော် ၂ ရပ်စလုံးက ဥပဒေ ဆက်လက် အသက်ဝင် နေစေရေးအတွက် တားမြစ် ဥပဒေ သက်တမ်းမကုန်မီ ယခုလအတွင်း အဆိုကြမ်းကို အတည်ပြုပေး နိုင်မည်ဟု ယခု သွင်းကုန် တားမြစ်မှုကို ထောက်ခံသူများက မျှော်လင့်နေကြသည်။
သွင်းကုန် တားမြစ်မှု ဥပဒေ အသက် မ၀င်ခင် ၂၀၀၂ ခုနှစ်အထိ အမေရိကန်သို့ မြန်မာနိုင်ငံက အမေရိကန် ဒေါ်လာ ၃၅၆.၄ သန်း တန်ဖိုး ရှိ အ၀တ်အထည်နှင့် ကုန်ပစ္စည်းများ တင်သွင်းခဲ့၊ ၂၀၀၃ ခုနှစ်တွင် မြန်မာမှ အမေရိကန်သို့ သွင်းကုန် တန်ဖိုးသည် အမေရိကန် ဒေါ်လာ ၂၇၅.၇ သန်းအထိ ကျဆင်းသွားခဲ့ပြီး ထိုနှစ်မှ အစပြု၍ ယခုတိုင် သွင်းကုန် မရှိကြောင်း သိရသည်။
မြန်မာနိုင်ငံတွင် အမေရိကန် ကုမ္ပဏီများ ရင်းနှီးမြှုပ်နှံရန်နှင့် ၀န်ဆောင်မှုများ လုပ်ပေးနိုင်ရန်အတွက် သမ္မတ အိုဘားမား အစိုးရက လွန်ခဲ့သည့် ရက်သတ္တပတ်က တချို့သော စီးပွားရေး ဒဏ်ခတ်ပိတ်ဆို့မှုများကို ဖြေလျှော့ပေးခဲ့သည်။
လွန်ခဲ့သည့် သတင်းပတ်ကလည်း ကမ္ဘောဒီးယားနိုင်ငံ Siem Reap တွင် အမေရိကန် နိုင်ငံခြားရေး ၀န်ကြီး မစ္စ ဟီလာရီ ကလင်တန်က ရာစု နှစ်ဝက်ခန့် စစ်တပ်က အုပ်ချုပ်လာခဲ့သော မြန်မာနိုင်ငံကို ပိုမိုပွင့်လင်းလာစေရေး ပြုပြင် ပြောင်းလဲမှုများ ဆက်လက်လုပ်ဆောင်ရန် သမ္မတ ဦးသိန်းစိန်ကို တိုက်တွန်းအားပေးခဲ့သည်။
မကြာသေးမီက နေပြည်တော်တွင် ကျင်းပနေသော ပြည်သူ့လွှတ်တော် အစည်းအဝေးတွင် ပြည်သူ့လွှတ်တော် ဥက္ကဋ္ဌ ဦးရွှေမန်းက အမေရိကန် ပြည်ထောင်စုမှ စီးပွားရေးဒဏ်ခတ်မှု သက်တမ်း နောက်ထပ် ၃ နှစ် တိုးတော့မည်ကို စိုးရိမ်သည့်အတွက် ပြည်သူ့လွှတ်တော် ကိုယ်စားလှယ် ဒေါ်နန်းဝါနု တင်သွင်းသော စီးပွားရေး ဒဏ်ခတ်ပိတ်ဆို့မှု ရုပ်သိမ်းပေးရေး အရေးပေါ် အဆိုတင်သွင်းမှုကို လက်ခံဆွေးနွေးခဲ့သေးသည်။
သူရ ဦးရွှေမန်းက ဆွေးနွေးရာတွင် ဒီမိုကရေစီပြုပြင်ပြောင်းလဲရေး လုပ်ဆောင်နေသည့် မြန်မာနိုင်ငံ ဖွံ့ဖြိုးတိုးတက်စေရန် စီးပွားရေး ဒဏ်ခတ်ပိတ်ဆို့မှုသည် အဓိက အဟန့်အတားဖြစ်နေကြောင်း၊ ထိုပိတ်ဆို့မှုကြောင့် ငွေကြေး စီးဆင်းလွှဲပြောင်းရေးနှင့် နိုင်ငံခြားရင်းနှီး မြှုပ်နှံမှုများ မြန်မာနိုင်ငံတွင်သို့ လာရောက်ရန် အဟန့်အတား ဖြစ်နေကြောင်းပြောဆိုခဲ့သည်။
ထိုနေ့ လွှတ်တော်ဆွေးနွေးမှုတွင် မြန်မာနိုင်ငံ၏ အဖက်ဖက်က ဆင်းရဲ နိမ့်ကျနေရသည့် အကြောင်းအရင်းမှာ စီးပွားရေး ဒဏ်ခတ်ပိတ်ဆို့ထားမှုကြောင့်ဟု ပြောဆိုခဲ့ကြသည်။
ဝေဖန်ထောက်ပြသူများကမူ မြန်မာနိုင်ငံ အဖက်ဖက်မှ ဆင်းရဲနိမ့်ကျရခြင်းမှာ မှားယွင်းသည့် စီမံခန့်ခွဲမှုများ၊ အဂတိ လိုက်စားမှု ကြီးမားခြင်းတို့ကြောင့်ဖြစ်ပြီး မြန်မာနိုင်ငံအပေါ် စီးပွားရေး ဒဏ်ခတ်ပိတ်ဆို့ပြီး တခြားနိုင်ငံများက အရေးယူခြင်းသည် လူ့အခွင့်အရေး ချိုးဖောက်မှုများ၊ နိုင်ငံရေး ဖိနှိပ်မှုများနှင့် အထူးသဖြင့် တိုင်းရင်းသား ဒေသများတွင် ယခင် စစ်အစိုးရ အဆက်ဆက်က မတရား ပြုကျင့်မှုများကြောင့်ဖြစ်ကြောင်း ပြောဆိုကြသည်။
ဧရာဝတီ(org)
No comments:
Post a Comment