ပြီးခဲ့တဲ့ နိုဝင်ဘာလ ရွေးကောက်ပွဲအတွင်း ပေါ်ထွက်ခဲ့တဲ့ အနိုင်အရှုံး အဖြေ တွေကို မကျေနပ်လို့ ကန့်ကွက် တိုင်ကြား ထားတဲ့ အမှုတွေကို စစ်ဆေးတဲ့အခါ ဘယ်တော့အပြီး ဆုံးဖြတ် ပေးရမယ်ဆိုတဲ့အချိန် ကန့်သတ်မှုမရှိဘူးလို့ ရွေးကောက်ပွဲ ကော်မရှင် က ပြောပါတယ်။ ကန့်ကွက်လွှာ တင်သွင်းထားတဲ့ အမှုပေါင်း ၄၀ ရှိနေပြီး၊ အဲဒီ တိုင်ကြားစာ ထဲက တချို့ကို ခုံရုံးဖွဲ့ စစ်ဆေး နေပြီ ဖြစ်တယ်လို့ ရွေးကောက်ပွဲ ကော်မရှင် ညွှန်ကြားရေးမှူး ဦးသိန်းဦး က ဘီဘီစီ ကို ပြောပါတယ်။
လက်ရှိ လွှတ်တော် သက်တမ်းဟာ ဇန်နဝါရီ လကုန်ရင် ပြီးဆုံး တော့မှာ ဖြစ်ပြီး နောက်လွတ်တော် အသစ် စတင်ရမှာ ဖြစ်ပါတယ်။
အဲဒီ့ အသစ်စတင်မယ့်လွှတ်တော်မှာ ကန့်ကွက်ခံထားရလို့ အမှုကြားနာမှုခံယူ နေရတဲ့ ရွေးကောက်ပွဲ အနိုင်ရ လွှတ်တော် အမတ် တွေ ပုံမှန် အတိုင်း တက်ရောက် နိုင်တယ် လို့ ဦးသိန်းဦး က ပြောပါတယ်။
ရွေးကောက်ပွဲ ဆိုင်ရာ အငြင်းအခုံ ဖြစ်မှုတွေကို အချိန် အကန့် အသတ် အတိတကျ မသတ်မှတ် ထား ပေမယ့် နှစ်နဲ့တော့ ချီ မကြာ နိုင်ပဲ သက်ဆိုင်ရာ ရွေးကောက်ပွဲ ကော်မရှင် ခုံရုံးက လပိုင်း လောက်ပဲ အချိန်ယူကာ အပြီး အပြတ် အဆုံး အဖြတ် ပေးနိုင်တယ် လို့လည်း ဦးသိန်းဦးက ဆိုပါတယ်။
ရွေးကောက်မှာ တရားနည်းလမ်း အတိုင်း အနိုင်ရတာ မဟုတ်ပဲ ရွေးကောက်ပွဲ ဥပဒေ နဲ့ ငြိစွန်းကြောင်း မကျေနပ်ရင် လွှတ်တော် အမတ်တစ်ဦးချင်း အလိုက် အနိုင်ရ ကြေညာခဲ့တဲ့ နေ့ ကနေ ၄၅ ရက် အတွင်း ကော်မရှင်ထံ တိုင်ကြား နိုင်တာ ဖြစ်ပါတယ်။
ရွေးကောက် ပွဲရလဒ် နောက်ဆုံး ကြေညာခဲ့တာက နိုဝင်ဘာလ ၂၀ ရက်နေ့ ဖြစ်တဲ့အတွက် အဲ့ဒီ နောက်ဆုံး ကြေညာ ခံရတဲ့ သူတွေဟာ ဇန္နဝါရီလ ၄ ရက်နေ့မှာ ၄၅ ရက်အချိန် ပြည့်မှာ ဖြစ်ပါတယ်။
BBC Burmese
No comments:
Post a Comment