သဘာဝဘေးအန္တရာယ်တွေ မကြာခဏ ကျရောက်တာကြောင့် သက်ဆိုင်ရာ တိုင်းပြည်တွေက ကုန်သွယ်ရေး၊ ဘဏ်လုပ်ငန်း နဲ့ စီးပွားရေး အချက်အချာ
ကျတဲ့ မြို့ကြီးတွေက လုပ်ငန်းလည်ပတ်မှုတွေ၊ စီးပွားရေး အဆောက်အအုံတွေ ပျက်စီးဆုံးရှုံးမှုလည်း များမှာဖြစ်တယ်လို့ သဘာဝဘေးအန္တရာယ် နဲ့ စီးပွားရေးဆုံးရှုံးမှု ဆက်စပ်မှုတွေ ရှိနေတာကို
လည်း သတိပေးထားပါတယ်။
မြန်မာ အပါအ၀င် အခုသတိပေးခံထားရတဲ့ နိုင်ငံတွေဟာ စီးပွားရေး ဖွံ့ဖြိုးတိုးတက်စ နိုင်ငံတွေလည်း ဖြစ်တာကြောင့် နိုင်ငံတကာ
ရင်းနှီးမြှပ်နှံမှုတွေလည်း များလာနေသလို၊ တစ်ချိန်တည်းမှာလည်း သဘာဝဘေးအန္တရာယ်ကြောင့် ဖြစ်လာနိုင်တဲ့ ဆိုးကျိုးတွေကိုလည်း ထည့်သွင်းတွက်ချက်ထားကြဖို့ကို သတိပေးထားပါတယ်။
ဒါ့အပြင် အဲဒီနိုင်ငံတွေမှာ သဘာဝဘေးအန္တရာယ် ကျရောက်မှုကြောင့်
ဖြစ်လာမယ့် ဆိုးကျိုးတွေကို ကာကွယ်တားဆီးနိုင်ဖို့ ကြိုတင်ပြင်ဆင်မှု အားနည်းနေတာကိုလည်း တွေ့ရတယ်လို့ ဖေါ်ပြထားပါတယ်။
ဒီအတောအတွင်း မြန်မာနိုင်ငံ အောက်ပိုင်း ဧရာဝတီ ပဲခူး ကရင် နဲ့ မွန်ပြည်နယ်တွေမှာ နှစ်ပတ်ကျော်ကြာ ဆက်တိုက်မိုးကြီးတာကြောင့်
ရေလွှမ်းမိုးမှုတွေ ဖြစ်နေပြီး စပါးစိုက်ခင်း နဲ့ မွေးမြူရေး လုပ်ငန်းတွေ ပျက်စီးဆုံးရှုံးတာတွေများနေတယ်လို့ ကုလသမဂ္ဂက သတိပေး
လိုက်ပါတယ်။ ဧရာဝတီတိုင်း တစ်ခုတည်းတင် ကျေးရွာပေါင်း ၁၆၈ ရွာ ရေနစ်မြုပ်နေပြီး လူဦးရေ ခုနှစ်သောင်းကျော် ရေဘေး
ဒုက္ခသည်တွေဖြစ်နေတယ်လို့ ကုလသမဂ္ဂ အေဂျင်စီဖြစ်တဲ့ OCHA က မနေ့က ပြောပါတယ်။
No comments:
Post a Comment